အသေအပျောက်များလာသည့် Selfie ရိုက်ခြင်းအတွက် ရုရှားက သတိပေးလှုပ်ရှားမှု ပြုလုပ်

ဇူလိုင် ၈၊ ၂၀၁၅
M-Media

– ထူးထူးဆန်းဆန်း Selfie များ ရိုက်သည့်အတွက် သေဆုံးမှုများ၊ ထိခိုက်ဒဏ်ရာရရှိမှုများ ဖြစ်ပေါ်ခဲ့ပြီးနောက် ရုရှားရဲတပ်ဖွဲ့က Selfie နှင့် ပတ်သက်၍ ပြည်သူများအား အသိပညာပေးရေး လှုပ်ရှားမှုကို စတင်လိုက်သည်ဟု သိရသည်။

အဆိုပါလှုပ်ရှားမှုကို ယမန်နေ့က စတင်ခဲ့ခြင်းဖြစ်ပြီး ထူထူးဆန်းဆန်း Selfie ရိုက်မှုကြောင့် မကြာသေးမီကာလအတွင်း ဖြစ်ပွားခဲ့သည့် မတော်တဆမှုများတွင် သေဆုံးသူ ဒါဇင်နှင့်ချီ၍ ရှိခဲ့ကာ ဒဏ်ရာရသူမှာ ၁၀၀ ခန့် ရှိခဲ့သည်။

ပြီးခဲ့သည့်မေလအတွင်းက အသက် ၂၁ နှစ်အရွယ် အမျိုးသမီးတစ်ဦးမှာ ပစ္စတိုကို ဦးခေါင်း၌ ချိန်၍ Selfie ရိုက်စဉ် မတော်တဆ ပစ်ခတ်မိခဲ့ပြီး ဦးခေါင်း၌ ဒဏ်ရာရရှိခဲ့သည်။

“ခပ်လန်းလန်း Selfie က အသက်နဲ့ ရင်းရတတ်ပါတယ်” ဟု ပြည်ထဲရေးဝန်ကြီးဌာမှ ထုတ်ပြန်သော သတိပေးလက်ကမ်းစာစောင်တွင် ရေးသားဖော်ပြထားပြီး Selfie ရိုက်ခြင်းမှာ သေတတ်သည့် လက်နက်ဖြစ်သည်ဟုလည်း သတိပေးထားသည်။

ပြီးခဲ့သည့်ဇန်န၀ါရီလက လူငယ်နှစ်ဦးမှာ ယူရဲလ်တောင်တန်းတွင် စနက်တံဖြုတ်ထားသော လက်ပစ်ဗုံးတစ်လုံး ကိုင်ဆောင်၍ Selfie ရိုက်နေစဉ် ပေါက်ကွဲမှု ဖြစ်ပွားခဲ့သောကြောင့် သေဆုံးခဲ့ပြီး ၎င်းတို့ ဓာတ်ပုံရိုက်ထားသော ဖုန်းမှတ်တမ်းမှာ ကျန်ရစ်ခဲ့သည်။

မေလအတွင်းကလည်း ရွာဇန်ဒေသရှိ ဆယ်ကျော်သက်လူငယ်တစ်ဦးမှာ ရထားလမ်းရှိရာ တံတားပေါ်သို့ Selfie ရိုက်ရန် တက်ရောက်ရာ လျှပ်စစ်ဝါယာကြိုးဖြင့် ထိမိ၍ ဓာတ်လိုက်သေဆုံးခဲ့သည်။

“ကံမကောင်းအကြောင်းမလှစွာနဲ့ပဲ ကိုယ့်ကိုယ်ကိုယ် ဓာတ်ပုံရိုက်ရတာ နှစ်သက်သူတွေမှာ ဖြစ်ပွားတဲ့ မတော်တဆမှုတွေဟာ သိသိသာသာ မြင့်တက်လာတယ်ဆိုတာကို ကျွန်တော်တို့ သိရှိခဲ့ပါတယ်။ နှစ်အစကစလို့ ထိခိုက်ဒဏ်ရာရမှု ရာပေါင်းများစွာကို ကျွန်တော်တို့ ပြောနေကြရပါတယ်” ဟု ပြည်ထဲရေးဝန်ကြီးဌာနမှ တာဝန်ရှိသူတစ်ဦးဖြစ်သူ ယဲလီနာ အလက်ဇီယီဗာက ပြောကြားခဲ့သည်။

ထို့ပြင် Selfie ရိုက်ခြင်းက ဒါဇင်နှင့်ချီ သေဆုံးရသည့် မတော်တဆမှုများကို ဖြစ်ပွားခဲ့သည်ဟုလည်း ၎င်းက ထည်သွင်းပြောကြားခဲ့သည်။

ရုရှားရဲတပ်ဖွဲ့မှ ပြုလုပ်သည့် ယခုလှုပ်ရှားမှုအသစ်တွင် သတိပေးလက်ကမ်းစာစောင်များ၊ ဗီဒီယိုများ ဖြန့်ဝေခြင်း ပြည်ထဲရေးဝန်ကြီးဌာန၏ ၀ဘ်ဆိုက်တွင် အကြံပြုချက်များ ဖော်ပြခြင်းတို့ ပါဝင်မည်ဖြစ်သည်။

“ “like” များများရဖို့အရေး စွန့်စားတာဟာ မရဏခရီးကို ဦးတည်သွားနိုင်တယ်ဆိုတာ Selfie မရိုက်ခင် လူတိုင်း တွေးသင့်ပါတယ်။ ပြီးတော့ သူ့ရဲ့ စွန့်စွန့်စားစား နောက်ဆုံး ဓာတ်ပုံဟာ သေပြီးမှ ထွက်လာတာမျိုးလည်း ဖြစ်နိုင်ပါတယ်” ဟု အလက်ဇီယီဗာက ထပ်လောင်း ပြောကြားခဲ့သည်။

Ref: AFP