အီရန်၏ နျူအရေးသဘောတူညီချက်အတွက် အီရန်ပြည်သူများ အောင်ပွဲခံ

ဇူလိုင် ၁၅၊ ၂၀၁၅
M-Media

– အီရန်နိုင်ငံအပေါ် ထားရှိသည့် ပိတ်ဆို့မှုများနှင့် ဆယ်စုနှစ်များကြာ နိုင်ငံတကာအသိုင်းအ၀ိုင်းမှ သီးသန့်ဖြစ်နေမှုကို အဆုံးသတ်သွားမည်ဟု မျှော်လင့်ရသော ကမ္ဘာ့အင်အားကြီးနိုင်ငံများနှင့် နျူအရေးသဘောတူညီချက်အတွက် အီရန်ပြည်သူများက ယမန်နေ့က လမ်းများပေါ်သို့ထွက်၍ အောင်ပွဲခံခဲ့ကြသည်။

လပေါင်းများစွာ ကြာမြင့်ခဲ့သည့် အဆိုပါဆွေးနွေးပွဲကို အီရန်ပြည်သူ သန်းပေါင်းများစွာက မျှော်လင့်ချက်ဖြင့် အနီးကပ် စောင့်ကြည်ခဲ့ကြပြီး ယမန်နေ့က သဘောတူညီချက်ကို တရားဝင်ကြေညာပြီးနောက် မြို့တော်တီဟီရန်အတွင်း ထောင်ပေါင်းများစွာသော ပြည်သူများမှာ လမ်းပေါ်သို့ထွက်၍ ကားဟွန်းများတီးကာ၊ သီချင်းများဖွင့်၍ အောင်ပွဲခံခဲ့ကြခြင်းဖြစ်သည်။

အချို့မှာ သကြားလုံးများကို လမ်းသွားလမ်းလာများထံ ဝေငှခဲ့ကြပြီး လူငယ်များမှာ နိုင်ငံတော်အလံကို ၎င်းတို့၏ ပုခုံးပေါ်၌ ရစ်ပတ်ကာ “သမ္မတရူဟာနီရေ – ကျေးဇူးပါ” ဆိုသည့် ပိုစတာများကိုလည်း ကိုင်ဆောင်ခဲ့ကြသည်။

သဘောတူညီချက်အတွက် သတင်းစာရှင်းလင်းပွဲနှင့် သမ္မတအိုဘားမား၏ မိန့်ခွန်းများကို အီရန်နိုင်ငံပိုင်ရုပ်သံမှ တိုက်ရိုက်ထုတ်လွှင်ပြသခဲ့ပြီး ပြည်သူများကလည်း ၎င်းတို့၏ အိမ်များ၊ ဈေးဆိုင်များတွင် ကြည့်ရှုခဲ့ကြသည်။

အီရန်နှင့် အင်အားကြီး ၆ နိုင်ငံတို့၏ အဆိုပါ သဘောတူညီချက်အတွက် အစ္စရေးမှလွဲ၍ ကမ္ဘာ့ခေါင်းဆောင်များကလည်း ချီးကျူးခဲ့ကြပြီး အမေရိကန်သမ္မတ ဘာရက်အိုဘားမားကမူ ထိုသဘောတူညီချက်မှာ တီဟီရန်နှင့် တင်းမာသော ဆက်ဆံရေးကို ပြန်လည်သတ်မှတ်ရန်အတွက် အခွင့်အရေးတစ်ခုဖြစ်သည်ဟု ဆိုသည်။

“နျူကလီးယားလက်နက်ဆီသွားတဲ့ လမ်းကြောင်းတိုင်းကို ဖျက်တောက်လိုက်ပါပြီ” ဟု အိုဘားမားက ပြောကြားခဲ့ပြီး လားရာအသစ်သို့ ရွေ့လျားရန် အခွင့်အရေးတစ်ခုဖြစ်ကာ မိမိတို့အနေဖြင့် ထိုအခွင့်အရေးအား ဖမ်းဆုပ်သင့်သည်ဟု ထည့်သွင်းပြောကြားခဲ့သည်။

အီရန်၏ နျူကလီးယားအစီအစဉ်ကို ရပ်တန့်ပြီး အပြန်အလှန်အားဖြင့် နိုင်ငံတကာမှ ပိတ်ဆို့မှုများကို ဖယ်ရှားပေးရမည့် အဆိုပါ သဘောတူညီချက်ကို အမေရိကန်ကွန်ဂရက်က အတည်ပြုရန် လိုအပ်နေပြီး အိုဘားမားကမူ ထိုသဘောတူညီချက်အား မည်သည့်ဆန့်ကျင်မှုမျိုးမဆို ဗီတိုသုံး၍ ပယ်ချသွားမည်ဟု ပြောကြားခဲ့သည်။

ရုရှားသမ္မတ ပူတင်ကမူ အဆိုပါ သဘောတူညီချက်မှာ သက်သာရာရမှုကြီးဖြစ်သည်ဟု ဆိုပြီး အစ္စရေးဝန်ကြီးချုပ် ဘင်ဂျမင် နေတန်ယာဟုကမူ သမိုင်းဝင်အမှားတစ်ခုဖြစ်သည်ဟု ပြောကြားခဲ့သည်။

အီရန်၏အဓိပတိ အယာတိုလာခါမေနီက နိုင်ငံ၏ ဆွေးနွေးညှိနှိုင်းမှုအဖွဲ့မှာ ရိုသား၍ ပြင်းထန်သည့် အားထုတ်ကြိုးပမ်းမှုများ ဆောင်ရွက်ခဲ့သည်ဟု Twitter စာမျက်နှာမှတစ်ဆင့် ချီးကျူးခဲ့သည်။

အီရန်၏ သဘောတူညီချက်မှာ အပြုသဘောဆောင်သည့် စေ့စပ်ညှိနှိုင်းမှု ဆောင်ရွက်ချက်များကို ပြသနေကြောင်း၊ မလိုအပ်သော ပြဿနာကိုဖြေရှင်းခြင်းနှင့်အတူ အလင်းရောင်သစ် ပေါ်ထွက်လာခြင်းဖြစ်ကြောင်း သမ္မတ ဟာဆန်ရူဟာနီက Twitter စာမျက်နှာတွင် ရေးသားခဲ့သည်။

“ကျွန်တ်ာတို့ အလှူခံတာမဟုတ်ပါဘူး။ တရား၊ မျှတပြီး နှစ်ဖက်စလုံးမနာရတဲ့ ဆွေးနွေးညှိနှိုင်းမှုမျိုးကို တောင်းဆိုခဲ့တာပါ”

အမေရိကန်အပါအ၀င် အနောက်နိုင်ငံများက အီရန်၏ နျူကလီးယားအစီအစဉ်မှာ လက်နက်ထုတ်လုပ်ရန်အတွက်ဖြစ်သည်ဟု စွပ်စွဲထားသော်လည်း အီရန်ကမူ အရပ်ဘက်အတွက်သာဖြစ်သည်ဟု အကြိမ်ကြိမ်ပြောကြားခဲ့သည်။

Ref: Reuters, Aljazeera