အသက် ၉၄ နှစ်အရွယ် နာဇီစစ်သားဟောင်း ထောင်ဒဏ်ချမှတ်ခံရ

ဇူလိုင် ၁၆၊ ၂၀၁၅
M-Media

– ဂျူးလူမျိုး ၃ သိန်းအား နာဇီတို့၏ သတ်ဖြတ်မှုတွင် ကြံရာပါဖြစ်သူ အသက် ၉၄ နှစ်အရွယ်ရှိ အော့ဇ၀စ်အကျဉ်းစခန်း တာဝန်ရှိသူဟောင်း တစ်ဦးအား ဂျာမနီတရားရုံးက ယမန်နေ့တွင် ထောင်ဒဏ် ၄ နှစ် ချမှတ်လိုက်သည်ဟု သိရသည်။

ပြစ်ဒဏ်ချမှတ်ခံရသူမှာ အက်စ်အက်စ်အဖွဲ့ဝင်၊ အော့ဇ၀စ်အကျဉ်းစခန်း စာရင်းကိုင်ဟောင်း အော်စကာ ဂရိုနင်ဆိုသူဖြစ်ပြီး ၃ လကြာ ကြားနာမှုများ ပြုလုပ်ခဲ့ပြီးနောက် လူပေါင်း ၃၀၀၀ အား အစုလိုက်အပြုံလိုက် သတ်ဖြတ်ရန် စီစဉ်ပေးခဲ့မှုတွင် အပြစ်ရှိကြောင်း တွေ့ခဲ့ရသည်။

အဆိုပါ ထောင်ဒဏ်ချမှတ်မှုတွင် ကြားနာသည့် ၃ လကို ထုတ်နှုတ်ခံစားခွင့်ရှိပြီး၊ ဂျူးအဖွဲ့များနှင့် နာဇီတို့၏ အစုလိုက်အပြုံလိုက်သတ်ဖြတ်မှု ဟိုလိုကော့စ်အစီအစဉ်မှ လွတ်မြောက်လာသူများက ထိုစီရင်မှုကို ကြိုဆိုခဲ့ကြသည်။ ဥရောပ ဂျူးကွန်ဂရက်စ်မှ ဥက္ကဌဖြစ်သူ ဒေါက်တာ မိုရှေး ကန်တောရ်ကမူ အဆိုပါ စီရင်မှုမှာ သမိုင်းဝင် အရေးပါမှုတစ်ခုဖြစ်သည်ဟု ပြောကြားခဲ့သည်။

“နာဇီတွေရဲ့ မရဏအကျဉ်းစခန်းကနေ လွတ်မြောက်မှုဟာ နှစ်ပေါင်း ၇၀ ကျော် ကြာမြင့်ခဲ့ပေမယ့် ဒီတရားစီရင်မှုက နာဇီတို့ရဲ့ ကြောက်မက်ဖွယ်ရာတွေမှာ တာဝန်ရှိသူတွေအတွက် ကန့်သတ်ချက်တွေ မရှိဘူးဆိုတာ ကျွန်တော်တို့ကို အသိပေးနေပါတယ်” ဟု ကန်တောရ်က ဆိုသည်။

နာဇီတို့၏ အဆိုးဝါးဆုံး မရဏအကျဉ်းစခန်းများထဲမှ တစ်ခုဖြစ်သည့် အော့ဇ၀စ်အကျဉ်းစခန်းတွင် တာဝန်ထမ်းဆောင်မှုကို ဂရိုနင်က မငြင်းဆန်ခဲ့ဘဲ ပြစ်မှုများအတွက် အမူအကျင့်ပိုင်းဆိုင်ရာတွင် အပြစ်ရှိကြောင်းကိုလည်း လက်ခံခဲ့သည်။ သို့သော်လည်း သတ်ဖြတ်မှုများတွင် မိမိအနေဖြင့် တိုက်ရိုက် ပါဝင်ပတ်သက်ခဲ့ခြင်းမရှိဟု ဆိုကာ ရာဇ၀တ်မှုဆိုင်ရာ တာဝန်ရှိမှုကိုမူ ငြင်းဆိုခဲ့သည်။

သို့သော်လည်း တရားသူကြီး ဖရန့်ဇ် ကွမ်ပစ်ရ်ှက ၎င်း၏ လျှောက်လဲချက်ကို ငြင်းဆိုခဲ့ပြီး အော့ဇ၀စ်အကျဉ်းစခန်းတွင် ၁၉၄၄ ခုနှစ် မေလမှ ဇူလိုင်လအထိ ဂျူးလူမျိုး ၃ သိန်းကို ဓာတ်ငွေ့ခန်းထဲသို့ ထည့်၍ သတ်ဖြတ်ရာတွင် ကြံရာပါမှုဖြင့် အပြစ်ရှိကြောင်း တွေ့ရှိခဲ့သည်ဟု ဆိုသည်။

ထို့ပြင် ဂရိုနင်မှာ လူသားများအား လုံးဝတ်သတ်ဖြတ်ရန် ဖော်ဆောင်ထားသည့် ယန္တယားတွင် စာရင်းစစ်အလုပ်ကို လိုလိုချင်ချင်ပင် တာဝန်ယူဆောင်ရွက်ခဲ့သည်ဟု ကွမ်ပစ်ရ်ှက ထည့်သွင်းပြောကြားခဲ့သည်။

Ref: Dialymail