အစ္စလာမ်ဘာသာဝင်တို့၏ ၀ါကျွတ်အီးဒ်ပွဲတော်အတွက် သမ္မတအိုဘားမား နှုတ်ခွန်းဆက် ဆုတောင်း

ဇူလိုင် ၁၇၊ ၂၀၁၅
M-Media

– တစ်လတာ ရမ်ဇာန်ဥပုသ်လအပြီးမှာ ကျရောက်မယ့် အစ္စလာမ်ဘာသာဝင်တို့ရဲ့ အီဒွလ်ဖိသီရ် ၀ါကျွတ်အီးဒ်ပွဲတော်မှာ အမေရိကန်နဲ့ ကမ္ဘာတစ်ဝှမ်းက မွတ်စလင်တွေအတွက် အမေရိကန်သမ္မတ ဘာရက်အိုဘားမားတို့ ဇနီးမောင်နှံက နှုတ်ခွန်းဆက် ဆုမွန်ကောင်း တောင်းလိုက်ပါတယ်။

အမေရိကန်သံရုံးရဲ့ Facebook စာမျက်နှာမှာ ဖော်ပြထားတဲ့ အဲဒီ ဆုတောင်းစာမှာ အိုဘားမားက သူတို့ရဲ့ ဇနီးမောင်နှံနှစ်ဦးဟာ အမေရိကန်နဲ့ ကမ္ဘာတစ်ဝှမ်းမှာ ရှိကြတဲ့ မွတ်စလင်တွေကို အနွေးထွေးဆုံး ဆုတောင်းမေတ္တာ ပို့သကြောင်း၊ ရမ်ဇာန်ဥပုသ်လဟာ သီလဆောက်တည်တာ၊ လူ့အဖွဲ့အစည်း တည်ဆောက်တာ၊ ချို့တဲ့သူတွေကို ကူညီတာတွေကို လုပ်ဆောင်ကြတဲ့ အချိန်ဖြစ်ကြောင်း၊ အီးဒ်ပွဲတော်ကို ရမ်ဇာန်လကုန် အထိမ်းအမှတ်အဖြစ် ဆင်နွှဲကြတာဖြစ်သလို မွတ်စလင်တစ်ဦးချင်းစီတိုင်းအတွက် ဘ၀သစ်စတင်ခြင်း အထိမ်းအမှတ်လည်းဖြစ်ကြောင်း အိုဘားမားက ဆိုပါတယ်။

“သန်းပေါင်းများစွာသော မွတ်စလင်တွေအတွက်တော့ အီးဒ်နေ့မနက်ကို ဆုတောင်းသံတွေနဲ့ ဆင်နွှဲကြပြီး ကမ္ဘာတစ်ဝှမ်းလုံးက မြို့တွေ၊ ရွာတွေမှာ ပဲ့တင်ထပ်နေပါတယ်။ မွတ်စလင် သန်းပေါင်းများစွာကလည်း ဒေသတွင်းက ဗလီဝတ်ကျောင်းတော်တွေကို ၀တ်ပြုဆုတောင်းဖို့အတွက် သွားရောက်ပြီး အဲဒီနောက်မှာတော့ လူတွေစုပေါင်းကာ ပွဲတော်ဆင်နွှဲတာ၊ လက်ဆောင်ပဏ္ဍာတွေ
လဲလှယ်ကြတာ၊ မိတ်ဆွေသူငယ်ချင်းတွေ၊ အိမ်နီးချင်းတွေ၊ မိသားစုဝင်တွေနဲ့ စားကြသောက်ကြတာတွေကို ပြုလုပ်ကြပါတယ်”

အီးဒ်နေ့မြင်ကွင်းကိုလည်း အိုဘားမားက သူ့ရဲ့ စာထဲမှာ ဖော်ပြခဲ့ပါသေးတယ်။

“၀တ်ပြုဆုတောင်းဖို့အတွက် တန်းစီရပ်နေကြတဲ့ လူအုပ်ကြီးက အရောင်အသွေးစုံလင်တဲ့ အ၀တ်အစားနဲ့ ၀တ်ဖြူစင်ကျယ်တွေ၊ ဈေးတွေနဲ့ ပတ်ဝန်းကျင်တွေမှာ ထွန်းညှိထားတဲ့ မီးအိမ်တွေ၊ အလှအပလေးတွေ၊ အမျိုးသမီးငယ်လေးတွေနဲ့ အမျိုးသမီးကြီးတွေရဲ့ လက်မှာ (ဒန်းရွက်ကိုကြိတ်ပြီး) ဆိုးလေ့ရှိတဲ့ လှပတဲ့ ဒီဇိုင်းတွေ၊ အလျှံပယ်ဖြစ်နေတဲ့ စားချင်စဖွယ်အစားသောက်တွေ၊ မွှေးကြိုင်တဲ့ ဟင်းလျာတွေ စတဲ့ အီးဒ်ပွဲတော်ရဲ့ အနှစ်သာရနဲ့ စိတ်လှုပ်ရှားမှုတွေရဲ ဖမ်းစားခြင်းကနေ မြူးမြူးကြွကြွ ပုံရိပ်တွေကို ခြယ်သထားကြတဲ့ မတူညီတဲ့ ယဉ်ကျေးမှုဓလေ့ထုံးတမ်းတွေ ကမ္ဘာတစ်ဝှမ်းမှာ ကျွန်တော်တို့ မြင်တွေ့ရပါတယ်”

ဒီအီးဒ်နေ့ဟာ ဘာသာအယူဝါဒအားလုံးအကို လေးစားခြင်းရဲ့ အရေးကြီးမှုအတွက်အမေရိကန်နိုင်ငံသားတိုင်းကို အသိပေးတဲ့ အားလပ်ရက်ဖြစ်တယ်လို့လည်း အိုဘားမားက ဆိုပါတယ်။

နောက်ပြီး အီးဒ်နေ့ကို တရားဝင်ကျောင်းပိတ်ရက်အဖြစ် သတ်မှတ်ပေးခဲ့တဲ့ နယူးယောက်မြို့က ကျောင်းတွေကို အိုဘားမားက ချီးကျူးခဲ့ပြီး၊ မတူညီတဲ့ အလူ့အဖွဲ့အစည်းတွေအတွင်း ပိုမိုနားလည်မှုနဲ့ စည်းလုံးညီညွတ်မှုရရှိရေး ကြိုးပမ်းဆောင်ရွက်နေကြတဲ့
လေးစားအားကျစရာကောင်းတဲ့ အမေရိကန်မွတ်စလင်တွေကို အိမ်ဖြူတော်မှာကျင်းပခဲ့တဲ့ အစ်ဖ်သာရ်ဝါဖြေပွဲမှာ တွေ့ဆုံခွင့်ရခဲ့ကြောင်း၊ တောင်ကယ်ရိုလိုင်းနားပြည်နယ် ချာလ်စတန်မြို့က လူမည်းခရစ်ယာန်ဘုရားရှိခိုးကျောင်း တိုက်ခိုက်ခံရပြီးနောက်ပိုင်းမှာ မီးရှို့ဖျက်ဆီးခံခဲ့ရတဲ့ လူမည်းခရစ်ယာန်ဘုရားကျောင်းတွေ ပြန်လည်ပြင်ဆင်ဖို့အတွက် အစ်ဖ်သာရ်ဝါဖြေပွဲ တက်ရောက်လာကြတဲ့ မွတ်စလင်လူငယ်တွေထဲမှ တစ်ဦးက ဦးဆောင်ကာ လှုပ်ရှားမှုတစ်ခု ပြုလုပ်ခဲ့ပြီး ကန်ဒေါ်လာ ၇၅၀၀၀ ကျော် ရရှိခဲ့ကြောင်း၊ အယူဝါဒပေါင်းစုံကို ယုံကြည်ကိုးကွယ်ကြတဲ့ အမေရိကန်တွေဟာ မိမိတို့ရဲ့ ဒီမိုကရေစီကို ကာကွယ်ဖို့နဲ့ တစ်နိုင်ငံလုံး စုစည်းခိုင်မာစေဖို့ အတူတကွ ရပ်တည်ရမှာဖြစ်ကြောင်း အိုးဘားမားက အဒီနှုတ်ခွန်းဆက် ဆုတောင်းစာမှာ ရေးသားဖော်ပြခဲ့ပါတယ်။

နောက်ဆုံးမှာတော့ အမေရိကန်နဲ့ ကမ္ဘာတစ်ဝှမ်းက မွတ်စလင်တွေအတွက် ဆုမွန်ကောင်း တောင်းပေးခဲ့ပါတယ်။

“အမေရိကန်နဲ့ ကမ္ဘာတစ်ဝှမ်းမှာ ရှိနေတဲ့ သင်တို့ရဲ့အိမ်တွေကို ဒီနေ့ (အီးဒ်နေ့) က ပျော်ရွှင်မှုတွေ ဆောင်းကျဉ်းပေးမယ်လို့ မီချဲလ်နဲ့ ကျွန်တော်တို့ မျှော်လင့်ပါတယ်။ ‘အီးဒ်မုဘာရက်ပါ’ လို့ ကျွန်တော်တို့ မိသားစုက ဆုတောင်းပေးလိုက်ပါတယ်”