အငြင်းပွားဖွယ်ရေပိုင်နက်ရှိ တရုတ်၏ဆောက်လုပ်ရေးများ ရပ်တန့်ရန် ဂျပန်တောင်းဆို

ဇူလိုင် ၂၁၊ ၂၀၁၅
M-Media

– နှစ်နိုင်ငံစလုံးက ပိုင်ဆိုင်သည်ဟု ကြေညာထေားသော အရှေ့တရုတ်ပင်လယ်ရှိ ပိုင်နက်အချို့အနီး ရေနံနှင့် ဓာတ်ငွေ့ရှာဖွေရေးအတွက် စင်မြင့်များ ဆောက်လုပ်နေမှုကို ရပ်တန့်ရန် တရုတ်နိုင်ငံအား ဂျပန်က ယနေ့တွင် တောင်းဆိုလိုက်သည်။

နိုင်ငံ၏ ကာကွယ်ရေးဆိုင်ရာ ပြန်လှန်ဆန်းစစ်မှုအတွင်း ဂျပန်ကာကွယ်ရေးဝန်ကြီးက ယခုကဲ့သို့ တောင်းဆိုလိုက်ခြင်းဖြစ်ပြီး သဘောထားတင်းမာသည့် အစိုးရအဖွဲ့ဝင်များကမူ တရုတ်နှင့်ပတ်သက်၍ ဂျပန်၏ပေါ်လစီမှာ ပျော့လွန်းသည်ဟု ဝေဖန်ခဲ့ကြကြောင်း ကာကွယ်ရေး တာဝန်ရှိသူတစ်ဦးက ပြောကြားခဲ့သည်။

အရှေ့တရုတ်ပင်လယ်အတွင်း ရေနံနှင့် သဘာဝဓာတ်ငွေ့ ရှာဖွေရေးလုပ်ငန်းများကို တရုတ်နိုင်ငံက လွန်ခဲ့သည့် ၂ နှစ်မှစ၍ ပြန်လည်လုပ်ဆောင်ခဲ့ခြင်းဖြစ်သည်။ ၂၀၁၂ ခုနှစ်တွင် ဂျပန်နိုင်ငံမှာ တရုတ်နိုင်ငံအား ဒေါသထွက်ခဲ့ကာ ပင်လယ်အတွင်းရှိ အငြင်းပွားနေသော ကျွန်းတစ်စုကို ၀ယ်ယူခဲ့သည်။

ထိုအချိန်မတိုင်ခင်က တရုတ်နိုင်ငံမှာ ရေအောက်သယံဇာတရင်းမြစ် ထုတ်ယူသုံးစွဲရေး ဂျပန်နှင့် နှစ်နိုင်ငံ သဘောတူညီချက်အရ ပိုင်ဆိုင်မှု အငြင်းပွားနေသည့် နေရာများတွင် လုပ်ငန်းများကို လျော့ချခဲ့သည်။

“တရုတ်နိုင်ငံဟာ ရှာဖွေရေး စင်မြင့်အသစ်တွေ စတင်ဆောက်လုပ်နေတယ်လို့ ကျွန်တော်တို့ အတည်ပြုနိုင်ခဲ့ပါတယ်။ တရုတ်နိုင်ငံရဲ့ ဒီလိုတစ်ဖက်သတ်ဆောင်ရွက်မှုတွေကို ကျွန်တော်တို့က ထပ်ပြီး ကန့်ကွက်သလို၊ ရပ်တန့်ဖို့လည်း တောင်းဆိုပါတယ်” ဟု ဂျပန်ကာကွယ်ရေးဝန်ကြီးဌာနမှ ထုတ်ပြန်သော ကြေညာချက်တွင် ဖော်ပြထားသည်။

အဆိုပါ စင်မြင့်များမှာ နှစ်နိုင်ငံစီးပွားရေးဇုန်များအဖြစ် ပိုင်းခြားထားသော စည်း၏ တရုတ်ဘက်ခြမ်းတွင် တည်ဆောက်နေခြင်းဖြစ်သည်။

ဂျပန်ကမူ ထိုစင်မြင့်များက စည်းပေါ်တွင်တည်ရှိနေသော ဓာတ်ငွေ့သိုက်များပေါ်သို့ ရောက်ရှိမည်ကို စိုးရိမ်နေပြီး ရေဒါစခန်း သို့မဟုတ် ဒရုန်းအခြေစိုက်စခန်း သို့မဟုတ် ပိုင်နက်အငြင်းပွားနေသော ကျွန်းများအနီး လေကြောင်းနှင့် ရေကြောင်း လှုပ်ရှားမှုများကို စောင့်ကြည့်ရန် အခြားလေတပ်စခန်းအဖြစ် အသုံးပြုသွားနိုင်သည်ဟု ဆိုသည်။

တရုတ် ကာကွယ်ရေးနှင့် နိုင်ငံခြားရေး ၀န်ကြီးဌာနများကမူ ထိုကိစ္စအတွက် မည်သည့်မှတ်ချက်မှ မပေးသေးပေ။

Ref: Channelnewsasia