ဂျာမန် ရုပ်မြင်သံကြားမှ မွတ်စ်လင်မ်တို့၏ ၀တ်ပြုမှုကို ပထမဆုံး သမိုင်းဝင်ထုတ်လွှင့်

ဇူလိုင် ၂၁ ၊ ၂၀၁၅
M-Media

German TV သည် မြူးနစ်မြို့အနီး ဗလီဝတ်ကျောင်းတော်တစ်လုံးမှ မွတ်စ်လင်မ်တို့၏ ၀ါကျွတ်အထိမ်းအမှတ်ဝတ်ပြုခြင်း တိုက်ရိုက်လွှင့်ထုတ်မှုအစီအစဉ် ပြုလုပ်ခဲ့သည်။ ထိုအစီအစဉ်တွင် ကက်သလစ်နှင့် ပရိုတက်စတင့်ခေါင်းဆောင်များ၏ မိန့်ခွန်းများလည်း ပါဝင်သည်။၎င်းမှာ ဂျာမဏီနိုင်ငံသမိုင်းတစ်လျှောက် ပထမဆုံးသမိုင်းဝင်ခြေလှမ်းတစ်ရပ် ဖြစ်လာခဲ့သည်။

လွန်ခဲ့သည့်သောကြာနေ့ ဒေသစံတော်ချိန် နံနက် ၄း၄၅ နာရီတွင် Penzberg ဗလီမှစပြီး ပြည်သူ့ရုပ်မြင်သံကြားပေါ်မှလည်းကောင်း၊ Bayerischen Rundfunk ရေဒီယိုကြေငြာမှုမှလည်းကောင်း Penzberg ဗလီမှ ထုတ်လွှင့်သည်။ ၎င်း၌ ဥပုသ်လကုန်ဆုံးခြင်းနှင့် ၀ါကျွတ်အားလပ်ရက်စတင်ခြင်းဆိုင်ရာ ဓမ္မမိန့်ခွန်းများ ပါဝင်သည်။

ယင်းဓမ္မမိန့်ခွန်းအား မွတ်စ်လင်မ်များ၊ မွတ်စ်လင်မ် မဟုတ်သူများကို နှစ်ဖက် လူ့အဖွဲ့အစည်းရှိ တူညီသောတန်ဖိုးတို့ပေါ် အခြေပြုရည်ညွှန်း၍ “မွတ်စ်လင်မ်တို့နှင့် ပတ်သက်ပြီး ဂျာမန် လူ့အဖွဲ့အစည်းမှ သဘောထားကြီးရန်၊ ထို့နည်းတူ ဂျာမန် လူ့အဖွဲ့အစည်းနှင့် ပတ်သက်ပြီး မွတ်စ်လင်မ်တို့မှ သဘောထားကြီးရန်” တိုက်တွန်းပြောဆိုသွားသည်။

IS, ISIL ကဲ့သို့သော အကြမ်းဖက် အုပ်စုများ ထွက်ပေါ်လာခြင်းသည် ဂျာမဏီရှိ မွတ်စလင်မ်များအပေါ် စိတ်ဖိစီးမှုပိုမိုကြီးမား လာစေခဲ့ကြောင်း၊ အီးဒ်နေ့မြတ် အစီအစဉ် ထုတ်လွှင့်ခြင်းက မွတ်စ်လင်မ်တို့၏ စိတ်ခံစားမှုလျော့ပါးစေနိုင်ကြောင်း၊ ဂျာမဏီနှင့် တစ်သားတည်းဖြစ်စေကြောင်း အသက် ၄၃ နှစ်အရွယ် အဆိုပါဓမ္မဆရာမှ ပြောကြားခဲ့သည်။

ဂျာမဏီရှိမွတ်စ်လင်မ်များအတွက် သမိုင်းဝင်ခြေလှမ်းသစ် ၀ါကျွတ်အီးဒ် ဆွလာသ်ဝတ်ပြုမှု တိုက်ရိုက်လွှင့် အစီအစဉ်၌ ၀တ်ပြုဦးဆောင်သူနှင့် ဓမ္မမိန့်ခွန်းခြွေသူ ဘင်ဂျမင် အီဒရစ္စ (ဓာတ်ပုံ – Penzberg ဗလီ)

အီးဒ်နေ့မတိုင်မီ နှစ်ပတ် အလိုက ဂျာမဏီဝန်ကြီးချုပ် အင်ဂျလာ မာကေးလ်သည် ရမဿွာန်လ၏ ၀ါဖြေပွဲတစ်ခုသို့တက်ရောက်ခဲ့ပြီး ဂျာမဏီ အစိုးရ အကြီးအကဲများ အနက် ပထမဦးဆုံး ယင်းသို့ဆောင်ရွက်သူဖြစ်ခဲ့သည်။ ၎င်း၌ သူမက “အစ္စလာမ်ဟာ ဂျာမဏီရဲ့ တစ်သားတည်း အစိတ်အပိုင်း တစ်ရပ် ဖြစ်ပါတယ်” ဟု ပြောကြားခဲ့သည်။

Bavarian မြို့ငယ်လေးရှိ Penzberg ဗလီ၌ ၀တ်ပြုသူဦးရေ အနည်းဆုံး တစ်ထောင်ကျော်ရှိမည်ဟု ခန့်မှန်းရပြီး နိုင်ငံအနှံ့မှ လူများစွာတို့က လာရောက် စုရုံးဝတ်ပြုခဲ့ကြသည်။ ထိုဗလီ၏ အတွင်းဝတ်ပြု ခန်းမဆောင်သည် ဂျာမဏီရှိ အစ္စလာမ့်ဝတ်ပြုနေရာများ အနက် အကျော်ကြားဆုံးတစ်ခု ဖြစ်ကာ ၀တ်ပြုသူဦးရေ ၃၀၀ မှ ၄၀၀ အထိ ၀င်ဆန့်သည်။ အဆိုပါလူဦးရေအတွက် အခြားသော ဗလီဝတ်ကျောင်းခန်းမများကိုပါ အသုံးပြုခဲ့ရသည်ဟုဆိုသည်။

၂၀၀၅ ခုနှစ်က တည်ဆောက်ခဲ့သော ကုဗပုံဗလီဝတ်ကျောင်းတော်။ ၎င်း၌ အရဗီ လက်ရေးပုံဟန်ရှိ သံမဏိ အမိုးအကာအုပ် မျှော်စင်နှင့် တကွ ခေတ်ပြိုင် အနုသုခုမ လက်ရာဆန်း တစ်ရပ်အဖြစ်တွေ့ရသည်။

ဂျာမဏီတွင် မွတ်စ်လင်မ်ပေါင်း လေးသန်းခန့်နေထိုင်လျက်ရှိသည်။ ၎င်းတို့အနက် ၂၀၁၄ ခုနှစ်မှတ်တမ်းအရ လူဦးရေ နှစ်သိန်းကျော်မှာ အာဖရိကနှင့် အရှေ့အလယ်ပိုင်းနိုင်ငံများမှ ခိုလှုံဝင်ရောက်လာသူအများစု ဖြစ်သည်။

ဂျာမဏီတွင် ဒုက္ခသည်ဦးရေ လျှောက်ထား/လက်ခံခြင်း မြင့်မားလာမှုနှင့်အတူ ဥရောပသား မဟုတ်သော ရွှေ့ပြောင်းဝင်ရောက် သူတို့အပေါ် ပစ်မှတ်ထားသည့် လူမျိုးခြားကြောက်ရောဂါလည်း ကြီးမားလာခဲ့ရာ ဒုက္ခသည်အိမ်ရာများကို လက်ျာစွန်းရောက် အုပ်စုများ၏တိုက်ခိုက်မှုပေါင်း ၁၅၀ ကြိမ် ဖြစ်ပွားခဲ့သည်။

ယခုနှစ်အစောပိုင်းတွင်  “အနောက်တိုင်း၌အစ္စလာမ့်လွှမ်းမိုးမှုဆန့်ကျင်ရေး မျိုးချစ်ဥရောပသားများ” Patriotic Europeans Against the Islamisation of the West (PEGIDA)အမည်ရှိ အောက်ခြေဆင့် လှုပ်ရှားမှုအဖွဲ့မှု ဆန့်ကျင်ဆန္ဒပြမှုများ ပြုလုပ်ခဲ့ရာ ၀န်ကြီးချုပ် မာကေးလ်က လူမျိုးစွဲအရူး(racist) ဟု သမုတ်ခဲ့သည်။

မိမိ၏သောကြာနေ့ဓမ္မသဘင်မိန့်ခွန်း၌ ဒုက္ခသည်များကို ကရုစိုက်ပေးဖို့၊ လူ့အဖွဲ့အစည်းအတွင်း ၀င်ဆန့်ခွင့်ပေးဖို့ ဂျာမန်တို့အား နှိုးဆော် သွားမည်ဟု အိဒ်ရစ္စက အလ်ဂျဇီးရားသို့ ပြောကြားခဲ့သည်။

Ref : Al Jazeera