သြစတေးလျ အစ္စလာမ်ဆန့်ကျင်ရေးလှုပ်ရှားမှု တန်ပြန်ဆန္ဒပြခံရ

ဇူလိုင် ၂၂၊ ၂၀၁၅
M-Media

– သြစတေးလျနိုင်ငံတွင် အမုန်းအခြေပြု  အစ္စလာမ်ဆန့်ကျင်ရေး ဆန္ဒပြမှုကို လူမျိုးရေးခွဲခြားမှုဆန့်ကျင်ရေး လှုပ်ရှားသူများက တန်ပြန်ဆန္ဒပြခဲ့ကြသည်ဟု သိရသည်။

“ဆစ်ဒနီမှာ Reclaim Australia (အစ္စလာမ်ဆန့်ကျင်ရေး) လှုပ်ရှားသူ ၁၀၀ ၀န်းကျင်လောက် ရှိပါတယ်။ သူတို့ကို ဆန့်ကျင်တဲ့သူကတော့ ၆၀၀ လောက်ရှိပါတယ်” ဟု No Room for Racism (လူမျိုးရေးခွဲခြားမှုအတွက် နေရာမရှိ) လှုပ်ရှားမှုတွင် ပါဝင်ခဲ့သော ဘန်ကူးပါးက Anadolu Agency သို့ ဇူလိုင် ၂၀ ရက်နေ့တွင် ပြောကြားခဲ့သည်။

“ကျွန်တော်ဟာ Reclaim Australia ရဲ့ အယူသည်းတဲ့၊ အစွန်းရောက်တဲ့ အမြင်တွေနဲ့ သြစတေးလျအစစ်ဆိုတာ လူဖြူဖြစ်တယ်၊ ကွန်ဆာဗေးတစ်ဖြစ်တယ်၊ ခရစ်ယာန်ဖြစ်တယ်၊ ဖြောင့်မတ်တယ်ဆိုတဲ့ သူတို့ရဲ့ ခံယူချက်ကိုလည်း စိုးရိမ်မိပါတယ်”

အစ္စလာမ်ဆန့်ကျင်ရေး လှုပ်ရှားမှုများကို စနေ၊ တနင်္ဂနွေနေ့များတွင် သြစတေးလျရှိ မြို့ကြီးများတွင် ပြုလုပ်ခဲ့ကြခြင်းဖြစ်ပြီး လူမျိုးရေးခွဲခြားမှုဆန့်ကျင်ရေး ဆန္ဒပြသူ ရာပေါင်းများစွာကလည်း ကန်ဘာရာ၊ ဆစ်ဒနီ၊ ပါ့သ်၊ ဘရစ္စဘိန်းနှင့် အခြားသော နေရာများတွင် တန်ပြန်ဆန္ဒပြမှုများ ပြုလုပ်ခဲ့ကြသည်။

၎င်းတို့မှာ “လူမျိုးရေးခွဲခြားသူတွေ အိမ်ပြန်တော့” “နာဇီတွေ လမ်းထဲကထွက်သွား” “အသိဥာဏ်မရှိသူတွေအတွက် နေရာမရှိ” စသည့် ဆိုင်းဘုတ်များကို ကိုင်ဆောင်ကာ ဆန္ဒပြခဲ့ကြခြင်းဖြစ်သည်။

“လူမျိုးရေးခွဲခြားမှု၊ အစ္စလာမ်ကြောက်ရောဂါ မြင့်တက်လာမှုနဲ့အတူ တစ်နိုင်ငံလုံးကို သူတို့ (အစ္စလာမ်ဆန့်ကျင်သူတွေ) ပေးချင်တဲ့ သတင်းစကားက မွတ်စလင်တွေအတွက်သာ အန္တရာယ်ရှိတာမဟုတ်ဘဲ အခြားလူနည်းစုတွေအတွက်လည်း အန္တရာယ်ရှိပါတယ်” ဟု No Room for Racism လှုပ်ရှားမှုကို စီစဉ်သူ မဲလ် ဂရဂ်ဆန်က ပြောကြားခဲ့သည်။

ထိပ်တိုက်တွေ့

အစ္စလာမ်ဆန့်ကျင်ရေးအုပ်စုနှင့် ၎င်းတို့အား တန်ပြန်ဆန္ဒပြသူ အုပ်စုတို့အကြား ထိပ်တိုက်တွေ့ဆုံကာ ရုန်းရင်းဆန်ခတ်မှုများ ဖြစ်ပွားခဲ့သောကြောင့် ရဲတပ်ဖွဲ့က ကြားဝင်ကာ အင်အားသုံး၍ ၎င်းတို့အုပ်စုနှစ်ခုကို သီးခြားစီဖြစ်အောင် ပြုလုပ်ပေးခဲ့ရသည်။

ထို့ပြင် ငရုပ်ကောင်းစပေရေးကိုလည်း အသုံးပြုခဲ့ရပြီး ဆန္ဒပြသူ ၁၀၀ ကျော်မှာ အသက်ရှုကြပ်သည့် ဝေဒနာကို ခံစားခဲ့ရကာ ဆေးကုသမှုများ ခံယူခဲ့ရသည်။ စနေနှင့် တနင်္ဂနွေနေ့များတွင် ပြုလုပ်ခဲ့သည့် အဆိုပါ ဆန္ဒပြမှုများမှ အနည်းဆုံး လူ ၉ ဦးကို ရဲတပ်ဖွဲ့က ထိန်းသိမ်းခဲ့သည်။

မွတ်စလင်အမည်ခံ အကြမ်းဖက်သမားများကြောင့် ကမ္ဘာ့တစ်ဝှမ်းတွင် အခြားသော အစ္စလာမ်ဘာသာဝင်များအပေါ် အမြင်စောင်းမှုများ မြင့်တက်လာပြီး၊ နိုင်ငံရေးသမားများကလည်း ထိုအချက်ကို အခွင့်ကောင်းယူကာ ၎င်းတို့ သြဇာလွှမ်းမိုးရေးကို လုပ်ဆောင်နေကြသည်။

ထိုအကြမ်းဖက်သမားများ၏ လုပ်ရပ်ကို ကမ္ဘာတစ်ဝှမ်းရှိ မွတ်စလင်အသင်းအဖွဲ့များ၊ အစ္စလာမ့်ဓမ္မပညာရှင်များနှင့် ရှေ့ဆောင်အီမာမ်ကြီးများက ပြင်းပြင်းထန်ထန် ကန့်ကွက်ရှုတ်ချခဲ့ကြသည်။ ထို့ပြင် ၎င်းတို့အား မွတ်စလင်များကပင် အဓိက တွန်းလှန် တိုက်ထုတ်နေကြသည်။

Ref: Onislam