အီရန်နှင့် နျူသဘောတူညီချက်ကို ဆန့်ကျင်ဆန္ဒပြမှု အမေရိကန်တွင်ပြုလုပ်

ဇူလိုင် ၂၃၊ ၂၀၁၅
M-Media

– အီရန်နှင့် အင်အားကြီး ၆ နိုင်ငံတို့ ရရှိခဲ့သော နျူကလီးယား သဘောတူညီချက်အား ဆန့်ကျင်သည့် အနေဖြင့် အစ္စရေးလိုလားသူများနှင့် ရီပက်ဘလစ်ကန်ပါတီကို ထောက်ခံသူများမှာ ယမန်နေ့တွင် နယူးယောက် တိုင်းမ်စကွဲ၌ ဆန္ဒပြခဲ့ကြသည်ဟု သိရသည်။

ဆန္ဒပြမှုတွင် ပါဝင်ခဲ့သူများမှာ အဆိုပါသဘောတူညီချက်ကို အစ္စရေးနှင့် ကမ္ဘာ့လုံခြုံရေးအား ခြိမ်းခြောက်မှုအဖြစ် သမုတ်ခဲ့ကြပြီး အမေရိကန် အထက်လွှတ်တော်အနေဖြင့် ထို သဘောတူညီချက်ကို ပယ်ချရန် တောင်းဆိုခဲ့သည်။

ပြီးခဲ့သည့် တစ်ပတ်က အီရန်နှင့် အင်အားကြီးနိုင်ငံ ၆ နိုင်ငံတို့ လက်မှတ်ရေးထိုးခဲ့သည့် ထို သဘောတူညီချက်အရ အီရန်မှာ ၎င်းတို့၏ နျူကလီးယားအစီအစဉ်ကို ရပ်တန့်ရမည်ဖြစ်ပြီး အပြန်အလှန်အားဖြင့် အမေရိကန်၊ ကုလနှင့် အနောက်နိုင်ငံများက အီရန်အပေါ်
ပိတ်ဆို့ထားမှုများအား ဖယ်ရှားပေးရမည် ဖြစ်သည်။

အမေရိကန်တွင် ယခုကဲ့သို့ ဆန္ဒပြမှုမှာ အမေရိကန်နိုင်ငံခြားရေးဝန်ကြီး ဂျွန်ကယ်ရီနှင့် အခြားသော အကြီးတန်း တာဝန်ရှိသူများက အထက်လွှတ်တော်အမတ်များကို သဘောတူညီချက်နှင့် စပ်လျဉ်း၍ ယမန်နေ့က တံခါးပိတ် ရှင်းလင်းတင်ပြနေစဉ် ထွက်ပေါ်လာခြင်း ဖြစ်သည်။ အထက်လွှတ်တော် အမတ်တစ်ချို့ကမူ ၎င်းတို့အနေဖြင့် ထိုသဘောတူညီချက်အား မယုံရဲသေးဟု သတင်းထောက်များအား ပြောကြားခဲ့သည်။

အဆိုပါဆန္ဒပြပွဲတွင် အစ္စရေးဝန်ကြီးချုပ် နေတန်ယာဟုအား ထောက်ခံကြောင်းလည်း ပြသခဲ့သည်။ နေတန်ယာဟုမှာ အီရန်နျူအရေး သဘောတူညီချက်အကို ဝေဖန်ဆန့်ကျင်သည့် တစ်ဦးတည်းသော ပုဂ္ဂိုလ်ဖြစ်သည်။

အမေရိကန်ရှိ အစ္စရေးလိုလားသူနှင့် ရီပက်ဘလစ်ကန်ပါတီအား ထောက်ခံသူများမှာ အီရန်၏ နျူသဘောတူညီချက်ကို ရီပက်ဘလစ်ကန် အမတ်များကြီးစိုးသည့် အထက်လွှတ်တော်မှ လက်ခံခြင်းမပြုရန်အတွက် လှုပ်ရှားမှုများကို ဆက်လက်တိုးမြှင့် ပြုလုပ်သွားရန် ရှိနေသည်။

သို့သော်လည်း သမ္မတအိုဘားမားအနေဖြင့် အဆိုပါသဘောတူညီချက်အား အထက်လွှတ်တော်မှ ကန့်ကွက်မှုအတွက် ဗီတိုသုံး၍ ပယ်ချရန် အခွင့်အာဏာလည်း ရှိနေသည်။

Ref: Aljazeera