အစွန်းရောက်တိုက်ဖျက်ရေး အရှေ့အလယ်ပိုင်းနိုင်ငံများ ညီညွတ်ရန် အီရန်တိုက်တွန်း

ဇူလိုင် ၂၇၊ ၂၀၁၅
M-Media

– ဒေသအတွင်း စစ်သွေးကြွဝါဒကို တိုက်ဖျက်ရေးအတွက် အရှေ့အလယ်ပိုင်းနိုင်ငံများအနေဖြင့် ပေါင်းစည်းကြရန် အီရန်နိုင်ငံခြားရေးဝန်ကြီးက ယမန်နေ့တွင် တိုက်တွန်း ဆော်သြလိုက်သည်။

အင်အားကြီး ၆ နိုင်ငံနှင့် နျူကလီးယား သဘောတူညီချက် ရပြီးနောက်ပိုင်း ပထမဆုံး ဒေသတွင်း ခရီးစဉ်အဖြစ် ကူဝိတ်နိုင်ငံသို့ ရောက်ရှိနေသော ဂျာဗဒ်ဇာရစ်ဖ်က အီရန်သံရုံးတွင် ပြုလုပ်ခဲ့သည့် သတင်းစာရှင်လင်းပွဲ၌ ထိုကဲ့သို့ ပြောကြားခဲ့ခြင်းဖြစ်သည်။

“နိုင်ငံတစ်နိုင်ငံအတွက် ဘယ်လိုခြိမ်းခြောက်မှုမျိုးမဆို အားလုံးအတွက် ခြိမ်းခြောက်မှုပါပဲ။ ဒေသတွင်းပြဿနာတွေကို အခြားနိုင်ငံတွေရဲ့ အကူအညီမပါဘဲနဲ့ ဘယ်နိုင်ငံကမှ မဖြေရှင်းနိုင်ပါဘူး” ဟု ဇာရစ်ဖ်က ဆိုသည်။

ဇာရစ်ဖ်မှာ စောစောပိုင်းတွင် ကူဝိတ်ခေါင်းဆောင် အမီရ် ရှိခ်ဆာဘာဟ် အလ်-အဟ်မဒ် အလ်- ဆာဘာဟ်၊ ကူဝိတ်နိုင်ငံခြားရေးဝန်ကြီးတို့နှင့် တွေ့ဆုံခဲ့သည်။

ပင်လယ်ကွေ့နိုင်ငံများကမူ ဇူလိုင် ၁၄ ရက်နေ့တွင် ချုပ်ဆိုနိုင်ခဲ့သည့် နျူသဘောတူစာချုပ်က အီရန်နှင့် အမေရိကန်တို့အကြား တင်းမာမှုကို လျော့ကျစေပြီး၊ ပင်လယ်ကွေ့နိုင်ငံများနှင့် သဘောထားခြင်းမတူကြသည့် အရှေ့အလယ်ပိုင်းမဟာမိတ်များအတွက် အီရန်၏ ထောက်ခံအားပေးမှုကို ရဲဆေးတင်ပေးသကဲ့သို့ ဖြစ်မည်ကို စိုးရိမ်နေသည်။

“အစွန်းရောက်ဝါဒ၊ အကြမ်းဖက်ဝါဒနဲ့ ဂိုဏ်းဂဏ၀ါဒတွေရဲ့ ခြိမ်းခြောက်မှုကို တိုက်ဖျက်ဖို့ ဒေသတွင်းက ပြည်သူတွေရဲ့နောက်မှာ အီရန်က ရပ်တည်နေပါတယ်။ ဒေသတွင်းနိုင်ငံတွေကို ကျွန်တော်တို့ပေးချင်တဲ့ သတင်းစကားကတော့ အားလုံး ညီတူမျှတူ ရင်ဆိုင်နေရတဲ့ ဒီစိန်ခေါ်မှုကို ကျွန်တော်တို့ အတူတကွ တွန်းလှန်သင့်တယ် ဆိုတာပါပဲ” ဟု ဇာရစ်ဖ်က ထည့်သွင်းပြောကြားခဲ့သည်။

ပင်လယ်ကွေ့နိုင်ငံများသို့ သွားရောက်လည်ပတ်ခြင်းမပြုခင် ဇာရစ်ဖ်မှာ သောကြာနေ့နှောင်းပိုင်းက ကြေညာချက်တစ်စောင် ထုတ်ပြန်ခဲ့ပြီး၊ စစ်သွေးကြွအဖွဲ့ IS အား တွန်းလှန်တိုက်ခိုက်ရန် ဆီးရီးယားနှင့် အီရတ်ရှိ မဟာမိတ်များအား အီရန်က ဆက်လက်ကူညီပံ့ပိုးပေးသွားမည်ဟု အဆိုပါ ကြေညာချက်တွင် ဖော်ပြထားသည်။

“အီရန်ဟာ ဖိနှိပ်ခံနေရတဲ့နိုင်ငံအားလုံးကို ပံ့ပိုးသွားမှာပါ။ အီရန်ကြောင့်သာမဟုတ်ရင် အာရ်ဘီနဲ့ ဘဂ္ဂဒတ်တို့ဟာ (IS) အကြမ်းဖက်သမားတွေလက်ထဲ ကျရောက်ခဲ့ပြီးပါပြီ။ ဒါဟွက်၊ အာရ်ဘီလ်နဲ့ (အီရတ်ရှိ ကာ့ဒ်ဒေသမှ) ဆူလေမန်နီယာဟ်ဒေသတွေကို ကျွန်တော်တို့ ကာကွယ်ခဲ့သလို၊ ဒေသတွင်းက ဘယ်နိုင်ငံမဆို ကျူးကျော်ခံရရင်လည်း အီရန်နိုင်ငံဟာ ဖိနှိပ်ခံရသူတွေကို
ကာကွယ်သွားမှာပါပဲ” ဟု နိုင်ငံခြားရေးဝန်ကြီးဌာန ၀ဘ်ဆိုက်တွင် လွှင့်တင်ထားသော အဆိုပါ ကြေညာချက်၌ ထည့်သွင်းဖော်ပြထားသည်။

အီရန်နိုင်ငံခြားရေးဝန်ကြီး ဂျာဗဒ်ဇာရစ်ဖ်မှာ ကူဝိတ်ပြီးနောက် ကာတာနှင့် အီရတ်နိုင်ငံများသို့ သွားရောက်မည်ဖြစ်သည်။

Ref: Reuters