မိမိ၏ရွေးချယ်မှုအတွက် ရော်နယ်ဒိုစိတ်ဆိုးလည်း ဂရုမစိုက်ဟု အင်နီတက်ဇ်ပြော

ဇူလိုင် ၂၇၊ ၂၀၁၅
M-Media

– မိမိနှင့် ရော်နယ်ဒိုတို့၏ ဆက်ဆံရေးမှာ ကောင်းမွန်သော်လည်း အသင်းအားကောင်းမွန်အောင် ဆောင်ရွက်မှုအတွင်း ရော်နယ်ဒို၏ စိတ်ဆိုးမှုကိုလည်း ဂရုမစိုက်ဟု ရီးယဲလ်နည်းပြ ရာဖေးလ် ဘင်နီတက်ဇ်က ပြောကြားလိုက်သည်။

မန်စီးတီးအား ၄ ဂိုး ၁ ဂိုးဖြင့် အနိုင်ရရှိခဲ့သော ခြေစမ်းပွဲတွင် ရော်နယ်ဒိုမှာ အညှာအတာမဲ့သည့် စွမ်းဆောင်ရည်မျိုး ပြသခဲ့သော်လည်း လေ့ကျင့်ခန်းအစီအစဉ်တွင် ၎င်းမှာ နည်းပြဘင်နီတက်ဇ်နှင့် မကျမလည်ဖြစ်ခဲ့သည်ဟု သတင်းများက ဖော်ပြကြသည်။

သို့သော်လည်း ဘင်နီတက်ဇ်ကမူ သတင်းများတွင် ဖော်ပြသကဲ့သို့ ပြဿနာမျိုးမရှိဟု ဆိုသည်။

“သူနဲ့ ဆက်ဆံရေးက ကောင်းပါတယ်။ လေ့ကျင့်ခန်းအစီအစဉ်မှာ တစ်ယောက်ယောက်က စိတ်ဆိုးရင် စိတ်ဆိုးပါစေ။ သူ့အလုပ်သူလုပ်မယ်ဆိုရင် ပြဿနာမဟုတ်ပါဘူး။ အေးဆေးပါပဲ” ဟု ဘင်နီတက်ဇ်က တရုတ်နိုင်ငံတွင် သတင်းထောက်များအား ပြောကြားခဲ့သည်။

ထို့ပြင် ကြံ့ခိုင်မှုပြည့်ဝနေသော ဂျိမ်းစ်ရော်ဒရီဂက်ဇ်နှင့် အစ္စကိုတို့ ရှိနေခြင်းက ရာသီသစ် အသင်း၌ လူရွေးချယ်ရာတွင် ခက်ခဲမည်ဟု ၎င်းက ၀န်ခံခဲ့ပြီး ထိုကဲ့သို့ အကြပ်ရိုက်ခြင်းကိုလည်း ကြိုဆိုသည်ဟု ထည့်သွင်းပြောကြားခဲ့သည်။

“နည်းပြတစ်ယောက်အနေနဲ့ ဒီလိုအရည်အချင်းရှိတဲ့ ကစားသမားတွေရှိတာကို ၀မ်းသာမိပါတယ်။ ယှဉ်ပြိုင်နိုင်စွမ်းရှိဖို့အတွက် သူတို့ဟာ ရာနှုန်းပြည့်ကြံ့ခိုင်မှုရှိဖို့ လိုပါတယ်။ အဲဒီနောက်မှာ ကျွန်တော်က ဆုံးဖြတ်ချက်ချမှာပါ။ သူတို့နှစ်ယောက်ကတော့ ကျွန်တော့်ရဲ့အလုပ်ကို
ပိုပြီးခက်ခဲစေမှာပါ”

Ref: Goal