မြန်မာနိုင်ငံတစ်ဝှမ်း ရေကြီးမှုကြောင့် သေဆုံးသူ မြင့်တက်လာနိုင်သည်ဟု ကုလ သတိပေး

သြဂုတ် ၂၊ ၂၀၁၅
M-Media

– မြန်မာနိုင်ငံတစ်ဝှမ်း ရေဘေးသင့်မှုအတွင်း သေဆုံးသူအရေအတွက်မှာ လာမည့်ရက်များတွင် မြင့်တက်လာနိုင်သည်ဟု ကုလသမဂ္ဂက သတိပေး ပြောကြားလိုက်သည်။

လက်ရှိအချိန်တွင် ရေလွှမ်းမိုးမှုများကြောင့် တိုင်းဒေသကြီးနှင့် ပြည်နယ် ၄ ခုကို သဘာဝဘေးအန္တရာယ် ကျရောက်သည့်ဒေသများအဖြစ် အစိုးရက ကြေညာထားပြီး ရေဘေးကြောင့် ၂၇ ဦး သေဆုံးခဲ့သည်ဟု သတင်းထုတ်ပြန်ခဲ့သည်။

သို့သော်လည်း ကယ်ဆယ်ရေးအဖွဲ့များမှာ ဒေသတော်တော်များများသို့ ရောက်ရှိခြင်း မရှိသေးဘဲ ရေလွှမ်းမိုးမှု အဆိုးရွားဆုံး ဒေသများမှ သတင်းများကို စောင့်ဆိုင်းနေရဆဲဖြစ်သည်။ အိမ်နီးချင်း အိန္ဒိယနိုင်ငံ အရှေ့ပိုင်းရှိ မနီပူးရ်ဒေသတွင်လည်း မိုးသည်းထန်မှုကြောင့် ကျေးရွာတစ်ခုမှာ မြေပြိုမှုအတွင်း နစ်မြုပ်ခဲ့ရပြီး အနည်းဆုံး လူ ၂၁ ဦး သေဆုံးခဲ့သည်။

မြန်မာနိုင်ငံတွင် မိုးရာသီ၌ မိုးများရွာသွန်းမှုမှာ ပုံမှန်ဖြစ်သော်လည်း မြန်မာနိုင်ငံသားများကမူ ပြီးခဲ့သည့် သီတင်းပတ်များအတွင်း မိုးကြီးခဲ့သည်ဟု ပြောကြားခဲ့သည်။ ဘင်္ဂလားပင်လယ်အော်တွင် တိုက်ခတ်ခဲ့သည့် ဆိုက်ကလုန်း ကိုမန်ကလည်း ပျက်ဆီးဆုံးရှုံးမှုကို ဆိုးဝါးစေခဲ့သည်။

လူသားချင်း စာနာထောက်ထားမှု ပူးပေါင်းဆောင်ရွက်ရေးဆိုင်ရာ ကုလသမဂ္ဂရုံးကမူ ခရိုင် ၁၂ ခုတွင် ရေကြီးမှုကြောင့် လူပေါင်း ၁၅၆၀၀၀ မှာ ထိခိုက်ခံစားခဲ့ရပြီး ပျက်ဆီးဆုံးရှုံးမှုမှာ သိသိသာသာ မြင့်တက်လာနိုင်သည်ဟု ယမန်နေ့က ပြောကြားခဲ့သည်။

Ref: BBC