မော်ရင်ဟိုအပေါ် ၀င်းဂါးရဲ့ ပထမဆုံးအနိုင်နဲ့အတူ ကွန်မြူနတီဒိုင်းကို ဆွတ်ခူးနိုင်ခဲ့တဲ့ အာဆင်နယ်

သြဂုတ် ၃၊ ၂၀၁၅
M-Media

– ၂၀၁၄-၂၀၁၅ ဘောလုံးရာသီမှာ ပရီးမီးယားလိဂ် ချန်ပီယံဖြစ်ခဲ့တဲ့ ချယ်ဆီးအသင်းနဲ့ FA ဖလားချန်ပီယံဖြစ်ခဲ့တဲ့ အာဆင်နယ်အသင်းတို့ မနေ့က ကွန်မြူနတီဒိုင်း ယှဉ်ပြိုင်ကစားခဲ့ကြပြီး အာဆင်နယ်က အနိုင်ရခဲ့ကာ ရာသီသစ်ကို အောင်ပွဲနဲ့ စဖွင့်ခဲ့ပါတယ်။

ပထမပိုင်းမှာ ချိန်ဘာလိန်သွင်းယူပေးခဲ့တဲ့ဂိုးဟာ အဆုံးအဖြတ်ဖြစ်စေခဲ့ပြီး ချယ်ဆီးအသင်းက ဘောလုံးပိုင်ဆိုင်မှုအသာနဲ့ ကစားနိုင်ခဲ့ပေမယ့် အာဆင်နယ်ရဲ့ ခံစစ်က အမှားအယွင်း မရှိခဲ့တာမို့ အလုပ်မဖြစ်ခဲ့ပါဘူး။

ချယ်ဆီးကပြောင်းသွားတဲ့ ဂိုးသမားပီတာချက် ဒီနေ့ပွဲမှာ အာဆင်နယ်အတွက် လက်စွမ်းပြနိုင်ခဲ့ပြီး မော်ရင်ဟိုကလည်း တိုက်စစ်မှူး ဖယ်လ်ကာအိုကို ဒုတိယပိုင်းမှာ ထုတ်သုံးခဲ့ပါတယ်။

ဒါဟာ အာဆင်ဝင်းဂါးအနေနဲ့ မော်ရင်ဟိုနဲ့ ၁၄ ကြိမ်တွေ့ဆုံခဲ့မှုအတွင်း ပထမဆုံးအကြိမ် အနိုင်ရရှိတာလည်း ဖြစ်ပါတယ်။

ပွဲအပြီးမှာ လက်ဆွဲနှုတ်ဆက်ခြင်းမရှိတဲ့ ၀င်းဂါးကို မော်ရင်ဟိုက ပေါက်ကွဲခဲ့ပြီး အာဆင်နယ်ဟာ သူတို့ရဲ့ ကစားပုံဗျူဟာကို စွန်လွှတ်လိုက်ပြီလို့ ဒီပွဲမှာ ခံစစ်ကစားသွားပုံကို ရည်ညွှန်းပြီး မော်ရင်ဟိုက ပြောခဲ့ပါတယ်။ ပြီးတော့ သူရခဲ့တဲ့ ဆုတံဆိပ်ကိုလည်း ပရိတ်သတ်ဖက်ကို လွှတ်ပစ်ခဲ့ပါတယ်။

“ကျွန်တော့်အမြင်ကတော့ သူတို့ ခံစစ် ကောင်းကောင်းကစားခဲ့တယ်။ သူတို့ရဲ့ အယူအဆကို အ၀တ်လဲခန်းထဲမှာ ထားခဲ့တယ်။ အပြုအမူကို ပြောင်းလဲခဲ့ပြီး ဒုတိယပိုင်းမှာ ပင်နယ်တီစည်းအပြင်မှာ ၉ ယောက်လောက်ပိတ်ပြီး ကစားခဲ့ပါတယ်။ ဂိုးသွင်းခွင့်မပေးဘူး။ တစ်ဂိုးပဲသွင်းတယ်။ ဒီရှုထောင့်အရဆိုရင် သူတို့ အနိုင်နဲ့ ထိုက်တန်ပါတယ်။ ဒါဟာ ဘောလုံးပါ။ ဒါဟာ နည်းစနစ်ပိုင်းဆိုင်ရာ ကောင်းမွန်တဲ့ အစုအဖွဲ့ပါ။ သူတို့ကို ချီးကျူးပါတယ်”

အာဆင်ဝင်းဂါးကတော့ မော်ရင်ဟိုရဲ့ ဒီစကားကို ပြန်လည်တုံ့ပြန်ခဲ့ပြီး မိမိတို့အသင်းက ဘာကိုမှ မစွန့်လွှတ်ဘူးလို့ ဆိုပါတယ်။

“ကျွန်တော်တို့ ဘာမှ မစွန့်လွှတ်ပါဘူး။ ကျွန်တော်တို့ ခံစစ်ကစားပုံကောင်းတယ်။ အတူတကွဖြစ်မှု၊ ညီညွတ်မှု၊ ခံစစ်နဲ့ တိုက်စစ်တို့ကို အခြေခံပြီး ကျွန်တော်တို့ ကစားတာပါ။ ကျွန်တော်တို့ ကစားသမားတွေရဲ့ အတွေးထဲမှာ စိတ်ပိုင်းဆိုင်ရာ အကျပ်အတည်း အနည်းငယ်ရှိတာကြောင့် ခံစစ်ကစားခဲ့တာလို့ ကျွန်တော် ယုံကြည်ပါတယ်။ တိုက်စစ်ကစားဖို့ထက် ကျွန်တော်တို့ရဲ့ ချယ်ဆီးအပေါ်ဦးဆောင်မှုကို ကာကွယ်ဖို့ သူတို့ ပိုပြီးဂရုစိုက်ခဲ့တာပါ။ ဒါကို လက်ခံရမှာဖြစ်ပြီး၊ ဒါဟာ ကျွန်တော်တို့အယူအဆကို စွန့်လွှတ်လိုက်တာလို့တော့ ကျွန်တော်မထင်ပါဘူး။ ဒီလိုပွဲမျိုးကို နိုင်ချင်တယ်ဆိုတဲ့ လက်တွေ့ကျတဲ့ အချက်ပါပဲ။ အဲဒီအတွက် ကျွန်တော် တော်တော် ဂုဏ်ယူပါတယ်”

Ref: Dailymail, Goal