ရေဘေးအတွက် နိုင်ငံတကာအကူအညီကို မြန်မာအစိုးရ တောင်းခံ

သြဂုတ် ၄၊ ၂၀၁၅
M-Media

– လူပေါင်း ၄၆ ဦးသေဆုံးခဲ့ပြီး ၂၁၀၀၀၀ ခန့် ထိခိုက်ခံစားနေရသည့် ရေဘေးအတွက် မြန်မာအစိုးရက နိုင်ငံတကာသို့ အကူအညီများ တောင်းခံလိုက်သည်။

မြန်မာနိုင်ငံအတွင်း မိုးသည်းထန်စွာ ရွာသွန်းမှုကြောင့် ရေကြီးမှုနှင့် မြေပြိုမှုများ ဖြစ်ပွားခဲ့ပြီး တိုင်းဒေသကြီးနှင့် ပြည်နယ် ၄ ခုတို့ကို ဘေးအန္တရာယ်ကျရောက်သည့် ဒေသများအဖြစ် မြန်မာအစိုးရက ကြေညာထားသည်။

ဒေသအများအပြားမှာ ရေတက်မှု၊ လမ်းခရီးပျက်စီးမှုတို့ကြောင့် သွားရေးလာရေးအတွက် ခက်ခဲကာ မြန်မာအစိုးရကလည်း အဆိုပါဘေးအန္တရာယ်များအတွက် တုံ့ပြန်မှု အားနည်းသည်ဟု နိုင်ငံပိုင်မီဒီယာမှတစ်ဆင့် ၀န်ခံထားသည်။

ပြန်ကြားရေးဝန်ကြီး ဦးရဲထွဋ်ကမူ ရေလွှမ်းမိုးမှု သတိပေးချက်မှာ လူတိုင်းဆီသို့ ရောက်ရှိခြင်းမရှိဘဲ၊ ကယ်ဆယ်ရေးလုပ်ငန်းများတွင် ရှုပ်ထွေးမှုများ ရှိနေသည်ဟု ပြောကြားခဲ့ကြောင်း The Global New Light of Myanmar သတင်းစာတွင် ဖော်ပြထားသည်။

ပြန်ကြားရေးဝန်ကြီးဌာနက ကုလ၏ အေဂျင်စီများနှင့် အလှူရှင်နိုင်ငံများအနေဖြင့် လူသားချင်း စာနာထောက်ထားမှုဆိုင်ရာ အကူအညီများပေးအပ်ရန် တနင်္လာနေ့ညပိုင်းက Facebook စာမျက်နှာမှတစ်ဆင့် တောင်းခံခဲ့သည်။ အဆိုပါ ကြေညာချက်ကို ယနေ့ထုတ် ပြည်တွင်းသတင်းစာများတွင်လည်း ဖော်ပြခဲ့သည်။

“ကျွန်တော်တို့ဟာ ပူးပေါင်းဆောင်ရွက်နေပြီး နိုင်ငံတကာအကူအညီကိုလည်း ဖိတ်ခေါ်နေပါတယ်။ လှူဒါန်းနိုင်တဲ့ အဖွဲ့တွေ၊ နိုင်ငံတွေကို ကျွန်တော်တို့ စပြီး ဆက်သွယ်နေပါတယ်” ဟု ဦးရဲထွဋ်က Reuters သတင်းဌာနသို့ ပြောကြားခဲ့သည်။

လူသားချင်းစာနာထောက်ထားမှုရေးရာ ပူးပေါင်းဆောင်ရွက်ရေး ကုသမဂ္ဂရုံး Ocha ကမူ မိမိတို့၏ အေဂျင်စီများမှာ အရေးပေါ် ကူညီကယ်ရေးလုပ်ငန်းများကို မြှင့်တင်ဆောင်ရွက်နေသည်ဟု ပြောကြားခဲ့သည်။

ကမ္ဘာ့စားနပ်ရိက္ခာအစီအစဉ် WFP ကလည်း ပြည်သူ ၄၇၈၀၀ အတွက် ရိက္ခာခွဲတမ်းများကို ပေးအပ်လျက်ရှိနေပြီး လူပေါင်း ၁၅၀၀၀၀ အထိ ရောက်ရှိရန် ရည်ရွယ်ထားသည်။ ယူနီဆက်ဖ်ကလည်း ရေသန့်စင်ကိရိယာနှင့် တစ်ကိုယ်သန့်ရှင်းရေး ကိရိယာများကို ဖြန့်ဖြူးခဲ့ပြီး ကုလမှ ဘဏ္ဍာရေးထောက်ပံ့မှု တောင်းခံရန် စီစဉ်နေသည်။

မြန်မာအစိုးရကမူ အရေးပေါ်ကူညီရေးအတွက် လက်ရှိအချိန်အထိ ကျပ် ၁.၅ ဘီလီယံ ပေးအပ်ထားသည်ဟု နိုင်ငံပိုင်မီဒီယာက ကြေညာခဲ့သည်။ Ocha က ဘေးအန္တရာယ်ဖြစ်ပွားနေသည့် ဒေသများတွင် ပို့ဆောင်ရေး၊ လျှပ်စစ်နှင့် ဆက်သွယ်ရေး အခက်အဲများရှိနေသည်ဟု ပြောကြားခဲ့သည်။

Ref: BBC