ပျော်ရွှင်စရာ မင်္ဂလာဦးမှာ ဆီးရီးယားဒုက္ခသည်တွေကို မေ့မထားတဲ့ တူရကီဇနီးမောင်နှံ

သြဂုတ် ၅၊ ၂၀၁၅
M-Media

– တူရကီနိုင်ငံရှိ မင်္ဂလာမောင်နှံနှစ်ဦးမှာ ၎င်းတို့၏ မင်္ဂလာပွဲ ဧည့်ခံကျွေးမွေးမှုကို ပုံမှန်အတိုင်း အိမ်၊ သို့မဟုတ် ခန်းမများတွင် မလုပ်ဆောင်ခဲ့ဘဲ ဆီးရီးယားဒုက္ခသည်များနေထိုင်သော ဒုက္ခသည်စခန်းများတွင် ပြုလုပ်ကာ ကုသိုလ်ယူခဲ့သည်ဟု သိရသည်။

သတို့သား အလီ အူဇမ်ကူဂလူနှင့် ၎င်း၏ ဇနီးတို့မှာ ဆီးရီးယားဒုက္ခသည် ၄၀၀၀ ကျော်အား အစားအသောက်များ ဝေငှခဲ့ကြခြင်းဖြစ်သည်။

“ကျွန်တော်တို့ရဲ့ ဆီးရီးယားနိုင်ငံသား ညီအစ်ကိုမောင်နှမတွေကို မင်္ဂလာညစာ ကျွေးမွေးခြင်းအားဖြင့် ကျွန်တော်တို့ရဲ့ ပျော်ရွှင်စရာကောင်းတဲ့ အခါသမယကို ဖော်ပြချင်ပါတယ်။ ဒါက ကျွန်တော်တို့ ထင်တားတာထက်ပိုပြီး လှပပါတယ်။ အခြားသော မင်္ဂလာညစာတွေကိုလည်း ဆီးရီးယားက ကျွန်တော်တို့ရဲ့ ညီအစ်ကို မောင်နှမတွေနဲ့အတူ ကျင်းပဖို့အတွက် ဒါဟာ အစပျိုးမှု ဖြစ်မယ်လို့လည်း မျှော်လင့်ပါတယ်။ ဒီမင်္ဂလာညစာကတော့ ထူးခြားပါတယ်” ဟု သတို့သား အလီက ပြောကြားခဲ့သည်။

၎င်းတို့ ဇနီးမောင်နှံမှာ တူရကီအခြေစိုက်ပြီး အကျိုးအမြတ်မယူသည့် နိုင်ငံတကာအကူအညီပေးရေးနှင့် ဖွံ့ဖြိုးရေးအဖွဲ့ဖြစ်သော Kimse Yok Mu အဖွဲ့မှ ထရပ်ကားများကို အသုံးပြုကာ အစားအသောက်များကို ပေးပို့ခဲ့ကြသည်။

ဒုက္ခသည်စခန်းသို့ ရောက်ရှိလာကြသည့် ၎င်းတို့ ဇနီးမောင်နှံနှစ်ဦးနှင့်အတူ ဒုက္ခသည်များက ဓာတ်ပုံရိုက်ခဲ့ကြပြီး အဆိုပါ မင်္ဂလာအခမ်းအနားသို့ ထင်ရှားသည့် အနုပညာရှင် ရာရှစ် မွခ်တာရ်လည်း တက်ရောက်ခဲ့သည်။

၂၀၁၁ ခုနှစ် နှစ်ဆန်းပိုင်းမှ စတင်ခဲ့သည့် ဆီးရီးယား ပဋိပက္ခကြောင့် ယခုအချိန်အထိ လူပေါင်း ၂၁၁၀၀၀ ကျော် သေဆုံးခဲ့သည်ဟု ကုလ၏ ထုတ်ပြန်ချက်များအရ သိရသည်။

လက်ဘနွန်၊ တူရကီ၊ ဂျော်ဒန်နှင့် အီရတ်နိုင်ငံများမှာ ပဋိပက္ခ စတင်ကတည်းက ဆီးရီးယားဒုက္ခသည် ၃ သန်းကျော်ကို လက်ခံထားရပြီး အဆိုပါဒုက္ခသည်ပြဿနာမှာ ဒုတိယကမ္ဘာစစ်ပြီးနောက်ပိုင်း အဆိုးဝါးဆုံးလည်း ဖြစ်သည်။

ဆီးရီးယားနိုင်ငံအတွင်း အိုးအိမ်စွန့်ခွာ ထွက်ပြေးရသည့် ကလေးငယ်များ အရေအတွက်မှာ လွန်ခဲ့သည့် တစ်နှစ်က ၉၂၀၀၀၀ ရှိရာမှ ယခုအချိန်အတွင် ၃ သန်းနီးပါး ရှိလာခဲ့သည်။ ယူနီဆက်ဖ်ကမူ ဒုက္ခသည်ဖြစ်သော ကလေးငယ်အရေအတွက်မှာ မနှစ်က ၂၆၀၀၀၀ ရှိရာမှာ ယခုအချိန်တွင် ၁.၂ သန်းရှိလာခဲ့ပြီး ၎င်းတို့ထဲမှ ၄၂၅၀၀၀ မှာ ၅ နှစ်အောက်ကလေးများ ဖြစ်သည်ဟုဆိုသည်။

Ref: Onislam