တူရကီတွင် ဇိမ်ခံသင်္ဘောဖြင့် ဟာလာလ်ခရီးသွားလုပ်ငန်း စတင်မည်

သြဂုတ် ၇၊ ၂၀၁၅
M-Media

– မြင့်တက်လာသော ကမ္ဘာ့ဟာလာလ်ဈေးကွက်အတွင်း ၀င်ရောက်ရန် ရည်ရွယ်၍ တူရကီမှာ နိုင်ငံအတွင်း ဘာသာရေးလိုက်စားသူ ခရီးသွားများအတွက် လာမည့်လတွင် ဇိမ်ခံသင်္ဘောဖြင့် ဟာလာလ် ကမ္ဘာလှည့်ခရီးစဉ် စတင်မည်ဟု သိရသည်။

“ဒီသင်္ဘောဟာ အရက်၊ ၀က်သားနဲ့ဆက်စပ်တဲ့ ကုန်ပစ္စည်းတွေ မပါတဲ့ သင်္ဘောတစ်ခုသာ မဟုတ်ပါဘူး။ လူမှုဆက်ဆံရေး ၀န်းကျင်ပါရှိဖို့ ကတိပြုထားပြီး ယဉ်ကျေးမှုနဲ့ သမိုင်းဆိုင်ရာ လေ့လာမှုခရီးလည်းဖြစ်မှာပါ” ဟု Fusion Tour ခရီးသွားလုပ်ငန်းမှ အထွေထွေမန်နေဂျာ ကမာလ် ဂူနေးက Anadolu Agency သို့ သြဂုတ်လ ၅ ရက်နေ့တွင် ပြောကြားခဲ့သည်။

နိုင်ငံ၏ ပထမဆုံး ဟာလာဟ် ကမ္ဘာလှည့်သင်္ဘောခရီးစဉ်ကို အန်တဲလ်ယာအခြေစိုက် Fusion Tour ကုမ္ပဏီက အင်္ဂါနေ့တွင် ကြေညာခဲ့ခြင်းဖြစ်ပြီး ကန်ဒေါ်လာ ဘီလီယံ ၁၄၅ သန်း တန်ဖိုးရှိသည့် ကမ္ဘာ့ ဟာလာလ် ခရီးသွားလုပ်ငန်းအတွင်းသို့ ၀င်ရောက်ရန် ရည်ရွယ်သော ချဉ်းကပ်မှုအသစ်လည်း ဖြစ်သည်။

၎င်းတို့၏ ခရီးစဉ်ကို On the track of the Ottomans ဟု အမည်ပေးထားပြီး ပထမဆုံးခရီးစဉ်အဖြစ် ဂရိနိုင်ငံသို့ သွားရောက်မည်ဖြစ်သည်။ သင်္ဘောပေါ်တွင် အရက်နှင့် လောင်းကစားများ လုံးဝ ပါဝင်မည်မဟုတ်ချေ။

အစ္စလာမ့်သွန်သင်ချက်များနှင့် ကိုက်ညီအောင် စီစဉ်ထားသည့် အဆိုပါဇိမ်ခံသင်္ဘောတွင် အမျိုးသား၊ အမျိုးသမီး သီးခြားစီအသုံးပြုနိုင်သော အားကစားခန်းမများ၊ Spa များ၊ တူရကီရေချိုးခန်းနှင့် ၀တ်ပြုရန် အခန်းများ ပါဝင်မည်ဖြစ်သည်။

“အစ္စလာမ့်ရဲ့ တန်ဖိုးတွေနဲ့ဆန့်ကျင်တဲ့အတွက် နံရံတွေမှာတောင် ကျွန်တော်တို့ ပုံတွေ၊ ပန်းချီကားတွေ မပါပါဘူး။ ဒီခရီးစဉ်ကို ကြေညာတာ မကြာသေးပေမယ့် ဒီကဏ္ဍအတွက် တောင်းဆိုမှု အများကြီးရှိတာကြောင့် စိတ်ဝင်စားမှုတွေကတော့ အခုအချိန်မှာ မြင့်တက်လာခဲ့ပါတယ်” ဟု ခရီးစဉ်၏ ပရောဂျက်မန်နေဂျာဖြစ်သော အေဒီနာ့လ်ပ်က ပြောကြားခဲ့ပြီး ထိုခရီးစဉ်ကို စီစဉ်သူများမှာ အရာအားလုံးကို စဉ်းစားထားပြီးဖြစ်သည်ဟု ထည့်သွင်းပြောကြားခဲ့သည်။

အဆိုပါ ဟာလာလ်သင်္ဘောခရီးစဉ်မှာ စက်တက်ဘာ ၂၇ ရက်နေ့တွင် တူရကီနိုင်ငံ အစ်ဇ်မီရ်မြို့မှ ထွက်ခွာမည်ဖြစ်ပြီး ဂရိကျွန်းများဖြစ်ကြသော ရိုဒက်စ်နှင့် ခရီတီကျွန်းများရှိ ဆိပ်ကမ်းမြို့ ပီရေအက်စ်သို့ အောက်တိုဘာ ၂ ရက်နေ့တွင် ရောက်ရှိရန် ခန့်မှန်းထားသည်။

မြို့တော်အစ္စတန်ဘူလ်တွင် ဒုတိယအကြိမ်မြောက် ဥရောပနှင့်နိုင်ငံတကာ ဟာလာလ်ခရီးသွားလုပ်ငန်း ညီလာခံ HTC2015 ကို လာမည့် ဒီဇင်ဘာတွင် ကျင်းပရန် စီစဉ်ထားပြီး ၃ ရက်တာကြာမြင့်မည့် အဆိုပါ ညီလာခံကို နိုင်ငံပေါင်း ၅၀ ကျော်မှ ကိုယ်စားလှယ်ပေါင်း ၁၀၀ ကျော် တက်ရောက်မည်ဟု ခန့်မှန်းထားသည်။

တူရကီမှာ မလေးရှားပြီးလျှင် မွတ်စလင်ခရီးသွားများ အများဆုံးလာရောက်သည့် နိုင်ငံဖြစ်သည်ဟု လေ့လာမှုများအရ သိရပြီး ယူအေအီ၊ ဆော်ဒီနှင့် ကာတာတို့က တူရကီနောက်တွင် အသီးသီး ရှိနေကြသည်။

စောင့်နေကြ

ထိုခရီးစဉ်အတွက် ဘွတ်ကင်လုပ်ခဲ့ကြသည့် ခရီးသွားများကမူ ၎င်းတို့မှာ ထိုကဲ့သို့ ခရီးစဉ်မျိုးကို စောင့်ခဲ့ရသည်မှာ ကြာမြင့်နေပြီဖြစ်ပြီး ပါဝင်ခွင့်ရသည့်အတွက်လည်း ပျော်ရွှင်မိသည်ဟု ဆိုသည်။

“ကျွန်တော်နဲ့ ကျွန်တော့်မိသားစုကို သက်တောင့်သက်သာဖြစ်စေမယ့် အခြေအနေမျိုး ရရှိမယ်လို့ ကျွန်တော် ယုံကြည်ပါတယ်။ ဟာလာလ် အစားအသောက်တွေကို ရနိုင်ဖို့၊ အစ္စလာမ့်အကြောင်းအရာတွေ မျှဝေကြသူတွေနဲ့ အတူတကွရှိဖုိ့၊ အရက်နဲ့ ဝေးဖို့အတွက် ဒီလိုသင်္ဘောမျိုးဟာ ကျွန်တော်တို့အတွက် အရေးကြီးပါတယ်” ဟု အသက် ၄၆ နှစ်အရွယ် ဘဏ်လုပ်ငန်းရှင် ဟာမစ်ကူတက်က ပြောကြားခဲ့သည်။ ၎င်းမှာ ထိုခရီးစဉ်အတွင်း လိုက်ပါရန် စာရင်းပေးထားသူတစ်ဦးလည်း ဖြစ်သည်။

ခင်ပွန်းဖြစ်သူနှင့်အတူ ခရီးသွားမည့် အသက် ၂၈ နှစ်အရွယ် ဆီရက်ပ် အက္ကာလီကလည်း ထိုကဲ့သို့ပင် ပြောကြားခဲ့သည်။

“တူရကီမှာ ဒီလိုသင်္ဘောမျိုး နှစ်ပေါင်းများစွာကတည်းက တော်တော်လေး လိုအပ်ခဲ့တာပါ”

အဆိုပါခရီးစဉ်တွင် ထင်ရှားသည့် တူရကီသမိုင်းပညာရှင်များဖြစ်ကြသော တာလ်ဟာ အူဂါလွာနှင့် စာရေးဆရာ ဖာသီဟ် စစ်လက်တို့ ဟောပြောမည်ဖြစ်ပြီး လိုက်ပါသူများမှာ အော်တိုမန် အမွေအနှစ်များအကြောင်းကို သိရှိခွင့်ရမည်ဖြစ်သည်။

ထို့ပြင် ဆူဖီများ၏ ဟောပြောမှုများလည်း ပါဝင်မည်ဖြစ်ပြီး၊ ဓာတ်ပုံပြပွဲ၊ တူရကီဂန္တ၀င် ဂီတနှင့် ပတီးသီကုံးသည့် ပညာရှင်များ၏ တင်ဆက်ပြသမှုများလည်း ပါဝင်မည်ဖြစ်သည်။

မွတ်စလင်ခရီသွားဈေးကွက်မှာ ကမ္ဘာ့ခရီးသွားလုပ်ငန်း၏ ၁၃ ရာခိုင်နှုန်းရှိပြီး ၂၀၁၄ ခုနှစ် လေ့လာမှုများအရ ကန်ဒေါ်လာ ၁၄၅ ဘီလီယံတန်ဖိုးရှိကာ ၂၀၂၀ ခုနှစ်တွင် ကန်ဒေါ်လာ ဘီလီယံ ၂၀၀ အထိ တက်လာမည်ဟု ခန့်မှန်းရသည်။

Ref: Onislam