မတရားသင်းဆက်သွယ်မှု ပုဒ်မ မရှိသင့်တော့ဘူးလို့ မင်းကိုနိုင် ပြော

သြဂုတ်- ၉ ၊ ၂၀၁၅
RFA (မြန်မာပိုင်း) မှ ကူးယူဖော်ပြသည်။

–
တိုင်းရင်းသားလက်နက်ကိုင်အဖွဲ့တွေနဲ့ ဆက်သွယ်တယ်ဆိုပြီး ဖမ်းဆီးတရားစွဲရာမှာ သုံးတဲ့ ပုဒ်မ ၁၇ (၁) မရှိသင့်တော့ကြောင်း ၈၈ မျိုးဆက်ငြိမ်းချမ်းရေးနဲ့ ပွင့်လင်းလူ့အဖွဲ့ အစည်း ခေါင်းဆောင် ကိုမင်းကိုနိုင်က ပြောပါတယ်။
–
ရန်ကုန်မြို့ ပါရမီလမ်းရှိ ပါရမီ ဟိုတယ်မှာ တိုင်းရင်းသား လက်နက်ကိုင်အဖွဲ့ ခေါင်းဆောင်တွေနဲ့ ၈၈ မျိုးဆက် ငြိမ်းချမ်းရေး နဲ့ ပွင့်လင်း လူ့အဖွဲ့ အစည်း ခေါင်းဆောင်တွေ ဒီနေ့ ဆွေးနွေးပွဲအပြီးမှာ ကိုမင်းကိုနိုင်က ငြိမ်းချမ်းရေးဆွေးနွေးပွဲတွေ လုပ်နေပြီ ဖြစ်တဲ့ အတွက် မတရားသင်းဆက်သွယ်မှု ပုဒ်မဆိုတာ မရှိသင့်တော့ကြောင်း ပြောခဲ့တာပါ။
.
“အစိုးရကနေပြီးတော့ လက်နက်ကိုင်တော်လှန်တဲ့ခေါင်းဆောင်တွေကိုခေါ်ပြီးတော့ ထမင်းစားကြမယ်၊ စကားပြော ကြမယ် ဆိုတော့ ဂုဏ်တောင် ယူသေးတယ်၊ အဝတ် အစားတွေတောင်လဲဝတ်သေးတယ်၊ ကိုယ်လုပ်ရင်တော့ ဒီဥပဒေကလွတ်တယ်၊ တခြားလူ ဆိုရင်တော့ ပုဒ်မ ၁၇ ( ၁ )တို့ ဘာတို့နဲ့ တစ်သက်တစ်ကျွန်းကျတာတွေ အများကြီးဘဲ ဥပဒေဟာ လိုသလိုစွဲသုံးလို့ရတာတော့မဟုတ်ဘူး၊ ဒီအချိန် ဒီပုဒ်မတွေ ရှိကိုမရှိသင့်ဘူး”
.
ပြီးခဲ့တဲ့ ၂ဝ၁၃ ခုနှစ် ဇွန်လက ကေအိုင်အေ ထိန်းချုပ်နယ်မြေ စစ်ဘေးဒုက္ခသည် စခန်းတွေမှာ ပစ္စည်းတွေ သွားရောက် လှူ ဒါန်းခဲ့တာကြောင့် မန္တလေးမြို့က သင့်မြတ်လိုသူများအဖွဲ့ဝင် သုံးဦးကို မတရားသင်းဆက်သွယ်မှု ပုဒ်မ ၁၇ (၁) နဲ့ ဖမ်းဆီး စစ်ဆေးခံရတာနဲ့  ပတ်သက်ပြီး RFA ကမေးမြန်းရာမှာ ကိုမင်းကိုနိုင် က ပြောကြားခဲ့တာ ဖြစ်ပါတယ်။
.
၈၈ အဖွဲ့နဲ့ တိုင်းရင်းသားလက်နက်ကိုင်အဖွဲ့ခေါင်းဆောင်တွေဟာ ဖွဲ့စည်းပုံ ပြင်ဆင်ရေး ၊ ဖက်ဒရယ်ပြည်ထောင်စု အရေးနဲ့ ဒီမိုကရေစီ အရေး ဆက်စပ်နေတဲ့ အကြောင်းကို ဆွေးနွေးခဲ့ကြတာလို့ သိရပါတယ်။
.
ဒီနေ့ဆွေးနွေးပွဲမှာ တိုင်းရင်းသား လက်နက်ကိုင် အဖွဲ့ခေါင်းဆောင်တွေဖြစ်တဲ့ ပဒိုနော်စီဖိုးရာစိန်၊ ပဒိုစောကွယ်ထူးဝင်း၊ ဆလိုင်း လျံမုန်းဆာခေါင်း၊ ဗိုလ်မှူးကြီး ခွန်ဥက္ကာ စတဲ့ ခေါင်းဆောင်တွေတက်ရောက်ခဲ့ပြီး ၈၈ မျိုးဆက်ကျောင်း သား ခေါင်းဆောင် ကိုမင်းကိုနိုင်၊ ကိုမြအေး၊ ကိုကိုကြီး (စမ်းချောင်း) တို့ တက်ရောက်ခဲ့ကြပါတယ်။
.
ဓါတ်ပုံ အညွှန်း- ရန်ကုန်မြို့ ပါရမီလမ်းရှိ ပါရမီဟိုတယ်မှာ သြဂုတ်လ ၉ ရက်နေ့က ကျင်းပတဲ့ တိုင်းရင်းသား လက်နက်ကိုင် အဖွဲ့ ခေါင်းဆောင်တွေနဲ့ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းခေါင်းဆောင်တွေ ဆွေးနွေးပွဲမှ ကိုမင်းကိုနိုင်ကို တွေ့ရစဉ်
Photo: Aung Min Htike/ RFA
.
http://www.rfa.org/burmese/news/article-abolished-minkonaing-08092015100954.html

ဆက်စပ်သတင်းများ ဖတ်ရန်။
——————————
http://www.m-mediagroup.com/news/tag/zzl