MH17 ပျက်ကျသည့်နေရာမှ ရုရှားလုပ် ဒုံးကျည်ဟု ယူဆရနိုင်သော အစိတ်အပိုင်းများ တွေ့ရှိ

သြဂုတ် ၁၂၊ ၂၀၁၅
M-Media

– မလေးရှားလေကြောင်းလိုင်းမှ MH17 လေယာဉ် ပျက်ကျခဲ့သော ယူကရိန်းအရှေ့ပိုင်းရှိ နေရာတွင် ရုရှားလုပ် BUK ဒုံးကျည်မှ ဖြစ်နိုင်သည့် အပိုင်းအစများကို တွေ့ရှိခဲ့သည်ဟု ထိုကိစ္စနှင့်ပတ်သက်၍ စုံစမ်းစစ်ဆေးနေသူများက ယမန်နေ့တွင် ပြောကြားခဲ့သည်။

ဟော်လန်နှင့် နိုင်ငံတကာမှ စုံစမ်းစစ်ဆေးသူများမှာ မြေပြင်မှ ဝေဟင်ပြစ် BUK ဒုံးကျည်မှ ဖြစ်နိုင်သော အရေးပါသည့် အစိတ်အပိုင်း ၇ ခုကို စစ်ဆေးနေသည်ဟု ဟော်လန်ပြည်သူ့ တရားသူကြီး ဖရဒ် ၀က်စတာဘီကီက ဆိုသည်။

တရားသူကြီးများနှင့် ဟော်လန်ဘေးအန္တရာယ်ကင်းရှင်းရေးဘုတ်အဖွဲ့ OVV မှ ပူးပေါင်းထုတ်ပြန်သော ကြေညာချက်တွင် အဆိုပါအပိုင်းအစများမှာ ယူကရိန်းအရှေ့ပိုင်းရှိ အခင်းဖြစ်ပွားရာနေရာ၌ ပြုလုပ်ခဲ့သည့် ယခင်ရှာဖွေရေး လုပ်ငန်းများအတွင်း ရရှိခဲ့ခြင်းဖြစ်ပြီး၊ ရာဇ၀တ်မှုဆိုင်ရာ စုံစမ်းစစ်ဆေးရေးအဖွဲ့နှင့် OVV တို့က သိမ်းဆည်းထားသည်ဟု ဖော်ပြခဲ့သည်။

MH17 ခရီးသည်တင်လေယာဉ်မှာ ယူကရိန်းအစိုးရတပ်များနှင့် ရုရှားလိုလားသည့် ခွဲထွက်ရေးသမားများအကြား တိုက်ပွဲများ ပြင်းထန်နေသည့်အချိန် ပြီးခဲ့သည့်နှစ် ဇူလိုင် ၁၇ ရက်နေ့က ပစ်ချခံလိုက်ရခြင်းဖြစ်ပြီး လေယာဉ်ပေါ်တွင် လိုက်ပါသွားသည့် ခရီးသည် ၂၉၈ ဦစလုံး သေဆုံးသွားခဲ့သည်။

ယူကရိန်းနှင့် အနောက်နိုင်ငံများကမူ ရုရှားလိုလားသူ ခွဲထွက်ရေးသမားများက ရုရှားမှ ထောက်ပံ့ပေးထားသော BUK ဒုံးကျည်ဖြင့် အဆိုပါလေယာဉ်အား ပစ်ချခဲ့ခြင်းဖြစ်သည်ဟု စွပ်စွဲခဲ့ကြသည်။ သို့သော်လည်း ရုရှားနှင့် ခွဲထွက်ရေးသမားများက ထိုစွပ်စွဲမှုကို ငြင်းဆိုခဲ့ကြပြီး ယူကရိန်းစစ်တပ်အား လက်ညှိုးထိုးခဲ့သည်။

စုံစမ်းစစ်ဆေးသူများကမူ BUK ဒုံးကျည်မှ ဖြစ်နိုင်သည့် အပိုင်းအစများမှာ တိုက်ခိုက်မှုနှင့် ဆက်စပ်မှုရှိလားဆိုသည်ကို ရှင်းရှင်းလင်းလင်း မသိရသေးဟု ပြောကြားခဲ့သည်။

“အဲဒီမှာတွေ့ခဲ့တဲ့ အစိတ်အပိုင်းတွေက ဥပမာအားဖြင့် MH17 ကို ပစ်ချခဲ့တဲ့ BUK ဒုံးကျည်ကလားဆိုတာကို ပြောဖို့ တော်တော်စောနေပါသေးတယ်” ဟု ၀က်စတာ ဘီကီက နိုင်ငံပိုင် NOS သတင်းဌာနသို့ ပြောကြားခဲ့သည်။ သို့သော်လည်း ထိုတိုက်ခိုက်မှုနောက်ကွယ်တွင် မည်သူပါဝင်ခဲ့သည်ဆိုသည်ကို ရှာဖွေတွေ့ရှိရန် အမှန်တစ်ကယ် နီးစပ်နေသည်ဟု ထည့်သွင်းပြောကြားခဲ့သည်။

Ref: Channelnewsasia