Trust Muslims လှုပ်ရှားမှု မွမ်ဘိုင်းသို့ရောက်ရှိ

သြဂုတ် ၁၂၊ ၂၀၁၅
M-Media

– လူ့အဖွဲ့အစည်းအတွင်း မြင့်တက်လာသည့် တင်းမာမှုများကို လျော့ကျစေရန်နှင့် အပြန်အလှန် ယုံကြည်မှုရှိစေရန် ရည်ရွယ်သော Trust Muslims လှုပ်ရှားမှုမှာ အိန္ဒိနိုင်ငံ မွမ်ဘိုင်းမြို့အထိ ရောက်ရှိလာခဲ့သည်ဟု သိရသည်။

အဆိုပါလှုပ်ရှားမှုမှာ မျက်နှာအ၀တ်စည်းထားသည့် မွတ်စလင်တစ်ဦးက လမ်းဘေးတွင်ရပ်ကာ လမ်းသွားလမ်းလာများ၏ ယုံကြည်မှုနှင့် ပွေ့ဖက်နှုတ်ဆက်မှုကို တောင်းဆိုသည့် လှုပ်ရှားမှုဖြစ်သည်။

အိန္ဒိယမွတ်စလင်တစ်ဦးဖြစ်သူ မာဇင်မ် မီလာမှာလည်း မွမ်ဘိုင်းမြို့ရှိ လမ်းလယ်ကောင်တွင် ရပ်၍ ၎င်း၏ ဘေး၌ “ကျွန်တော် မွတ်စလင်ပါ။ ခင်ဗျားကို ယုံပါတယ်။ ကျွန်တော့်ကို ပွေ့ဖက်ရလောက်အောင် ခင်ဗျား ယုံကြည်ရဲ့လား” ဆိုသည့် ဆိုင်းဘုတ်ကို ချထားကာ ထိုလှုပ်ရှားမှုကို သြဂုတ်လ ၆ ရက်နေ့က ဆောင်ရွက်ခဲ့သည်။

ထိုသို့ဆောင်ရွက်ခြင်းမှာ အိန္ဒိယ၏ စီးပွားရေးမြို့တော်အတွင်း ငြိမ်းချမ်းရေးသတင်းစကားကို ပြန့်နှံ့စေရန် ရည်ရွယ်ခြင်းဖြစ်သည်ဟု ၎င်းက ပြောကြားခဲ့ကာ လမ်းသွားလမ်းလာများကလည်း ၎င်းအား လာရောက်၍ ဖက်လှဲတကင်း နှုတ်ဆက်ခဲ့ကြသည်။

“မွတ်စလင်အမျိုးသားတစ်ယောက်က (မွမ်ဘိုင်းမြို့ရဲ့) ချောင်ပတ္တီမှာ ကြာသာပတေးနေ့က ယုံကြည်မှုနဲ့ ပွေ့ဖက်နှုတ်ဆက်ဖို့ တောင်းဆိုခဲ့ပါတယ်။ မွမ်ဘိုင်းပြည်သူတွေကလည်း ယုံကြည်မှုပေးခဲ့ကြပြီး ဖက်လည်း ဖက်ခဲ့ကြပါတယ်” ဟု International Business Times မှ အယ်ဒီတာတစ်ဦးဖြစ်သူ ဆာချင် ကာလ်ဘဂ်က Twitter စာမျက်နှာတွင် ရေးသားခဲ့သည်။

ထိုလှုပ်ရှားမှုအတွက် မေးမြန်းခဲ့ရာ မာဇင်မ်က “ပြည်သူများ၏ တုံ့ပြန်မှုကို တွေ့မြင်ရန် စမ်းသပ်ချက်” ဟု ပြောကြားခဲ့သည်။ ၎င်း၏ ဓာတ်ပုံကို Twitter စာမျက်နှာတွင် အကြိမ်ရေ ရာနှင့်ချီ၍ ဖြန့်ဝေခဲ့ကြပြီး ထိုလှုပ်ရှားမှုအတွက် ချီးကျူးမှုများလည်း ရရှိခဲ့သည်။

ထိုလှုပ်ရှားမှုကို ပြီးခဲ့သည့် မတ်လက ကနေဒါမွတ်စလင်တစ်ဦးမှ စတင်ပြုလုပ်ခဲ့ခြင်းဖြစ်ပြီး မကြာသေးမီက ဖြစ်ပွားခဲ့သော တိုက်ခိုက်မှုများ၊ အကြမ်းဖက်ဝါဒ တိုက်ဖျက်ရေးနှင့်ပတ်သက်၍ နိုင်ငံရေးသမားများ၏ ပြောကြားမှုများ ထွက်ပေါ်လာပြီးနောက် မွတ်စလင်များအပေါ် ရှိနေသည့် ခံစားမှုများကို စမ်းသပ်ခြင်း၏ အစိတ်အပိုင်းလည်း ဖြစ်သည်။

ထို့နောက် ဆွီဒင်နှင့် နော်ဝေတို့တွင် ထိုကဲ့သို့ လှုပ်ရှားမှုများကို မွတ်စလင်များက ဆောင်ရွက်ခဲ့ကြပြီး သီတင်းပတ်အနည်းငယ် အကြာတွင် နယူးယောက်မြို့တွင်လည်း ထိုလှုပ်ရှားမှုကို ပြုလုပ်ခဲ့ကြသည်။

မွတ်စလင်အမည်ခံ အကြမ်းဖက်သမားများနှင့် အစ္စလာမ်သာသနာကို ခုတုံးလုပ်၍ တိုက်ခိုက်သတ်ဖြတ်နေကြသော အစွန်းရောက်များကြောင့် အစ္စလာမ်ဘာသာနှင့် အစ္စလာမ်ဘာသာဝင်များအပေါ် နားလည်မှုလွဲမှားမှုမှာ မြင့်တက်လာခဲ့ပြီး ငြိမ်းချမ်းစွာ နေထိုင်သည့် မွတ်စလင်များကို ပစ်မှတ်ထား တိုက်ခိုက်မှုများမှာလည်း ယခုနောက်ပိုင်းတွင် မြင့်တက်လာခဲ့သည်။

သို့သော်လည်း မွတ်စလင်များကမူ အသိပညာပေးခြင်းလုပ်ငန်း၊ လူမှုရေးလုပ်ငန်းများနှင့် ဘာသာပေါင်းစုံ တွေ့ဆုံဆွေးနွေးမှုများဖြင့် ထိုနားလည်မှုလွဲမှားခြင်းကို ဖြေရှင်းလျက် ရှိနေသည်။

Ref: Onislam