မြန်မာနိုင်ငံရှိ ရေဘေးသင့်ပြည်သူ ၄ သိန်းကျော်အတွက် WFP ရိက္ခာထောက်ပံ့ပေးမည်

သြဂုတ် ၁၂၊ ၂၀၁၅
M-Media

– မြန်မာနိုင်ငံအတွင်းရှိ ရေဘေးသင့်ပြည်သူ ၄၃၅၀၀၀ အတွက် အရေးအပေါ် ရိက္ခာများ ထောက်ပံ့ပေးနိုင်ရန် ကုလသမဂ္ဂ စားနပ်ရိက္ခာအစီအစဉ် WFP က စီစဉ်ဆောင်ရွက်နေသည်ဟု သိရသည်။

“ဆန်၊ ပဲ၊ စားသုံးဆီ၊ ဆား စတာတွေ တစ်လစာနဲ့ တစ်ချို့နေရာတွေမှာ စွမ်းအားမြင့် ဘီစကစ် တစ်ပတ်စာကို ပေးအပ်ပြီးပါပြီ” ဟု ကုလ၏ ပြောရေးဆိုခွင့်ရှိသူ စတီဖိန်း ဒူဂျာရစ်၏ ပြောကြားမှုကို ကိုးကား၍ Xinhua သတင်းဌာနက ယမန်နေ့တွင် ဖော်ပြခဲ့သည်။

WFP မှာ ရိက္ခာထောက်ပံ့မှုနှင့် စပ်လျဉ်း၍ မြန်မာအစိုးရ၊ ကုလအေဂျင်စီများ၊ ပြည်တွင်း အန်ဂျီအိုများနှင့်အတူ ဆောင်ရွက်နေပြီး လက်ရှိအချိန်အထိ လူပေါင်း ၂၁၃၀၀၀ ကျော်ထံ ရိက္ခာအကူအညီများ ရောက်ရှိပြီးဖြစ်သည်ဟု ဒူဂျာရစ်က ထည့်သွင်းပြောကြားခဲ့သည်။

ဇူလိုင်လကတည်းက မိုးသည်းထန်စွာ ရွာသွန်းမှုကြောင့် နိုင်ငံတစ်ဝှမ်းရှိ တိုင်းဒေသကြီးနှင့် ပြည်နယ် ၁၃ ခုတွင် ရေလွှမ်းမိုးမှုများ ဖြစ်ပေါ်ခဲ့ပြီး အိမ်များ၊ လယ်ယာမြေများ၊ ရထားလမ်းများ၊ တံတားများနှင့် လမ်းများလည်း ပျက်ဆီးခဲ့သည်။

မြန်မာအစိုးရမှာ တိုင်းဒေသကြီးနှင့် ပြည်နယ် ၄ ခုကို သဘာဝဘေးအန္တရာယ်ကျရောက်သည့် ဒေသများအဖြစ် ကြေညာခဲ့သည်။ ရေကြီးမှုကြောင့် လက်ရှိအချိန်အထိ သေဆုံးသူ ၁၀၀ ကျော်ရှိနေပြီး ရေဘေးသင့်ပြည်သူများမှာ ၁ သန်းခန့်ရှိနေသည်ဟု အစိုးရက ထုတ်ပြန်ထားသည်။

Ref: Times of India