နိုင်ငံတကာသတင်းတို (သြဂုတ် ၁၂၊ ၂၀၁၅)

သြဂုတ် ၁၂၊ ၂၀၁၅
M-Media

တောင်တရုတ်ပင်လယ်တွင် လွတ်လပ်မှုရှိရန် ဗြိတိန်တိုက်တွန်း
………………………………
ပိုင်နက်အငြင်းပွားမှုများ ရှိနေသည့် တောင်တရုတ်ပင်လယ်တွင် ရေကြောင်းနှင့် လေကြောင်းသွားလာမှုများအား လွတ်လပ်ခွင့်ပေးရန် တရုတ်နိုင်ငံသို့ ရောက်ရှိနေသည့် ဗြိတိန်နိုင်ငံခြားရေးဝန်ကြီး ဖီးလစ်ပ် ဟမ်မွန်က ယနေ့တွင် တိုက်တွန်းပြောကြားခဲ့သည်။ ထို့ပြင်
ဒုတိယကမ္ဘာစစ်ပြီးကတည်းက အာရှတွင် ပြန်လည်ရင်ကြားစေ့ရေးလုပ်ငန်းမှာ မပြီးဆုံးသေးဟုလည်း ၎င်းက ထည့်သွင်းပြောကြားခဲ့သည်။

လူမည်းလူငယ်တစ်ဦးအား ပစ်သတ်ခဲ့သည့် အမေရိကန်ရဲ အလုပ်ဖြုတ်ခံရ
………………………………..
တက္ကဆက်ရှိ ကား အရောင်းဌာနတစ်ခုတွင် ဖောက်ထွင်းမှုသံသယဖြင့် လက်နက်မကိုင်ထားသော ဆယ်ကျော်သက်လူမည်းတစ်ဦးအား ပြီးခဲ့သည့် သီတင်းပတ်က ပစ်သတ်ခဲ့သည့် ရဲတပ်ဖွဲ့ဝင် ဘရဒ် မီလာကို “ဆိုးရွားသောရလဒ်များ ထွက်လာစေသည့် ဆုံးဖြတ်ချက် ချမှတ်မှု” အတွက် ရာထူးမှ ထုတ်ပယ်လိုက်သည်။ သေဆုံးသွားသူမှာ အသက် ၁၉ နှစ်အရွယ် ခရစ်ရှန် တေလာဆိုသူဖြစ်ပြီး လူမည်းလူငယ် မိုက်ကယ်ဘရောင်း သေနတ်ဖြင့် ပစ်သတ်ခံရသည့် တစ်နှစ်မြောက်နှစ်ပတ်လည်မတိုမီ ၂ ရက်အလိုတွင် ပစ်သတ်ခံခဲ့ရခြင်းလည်း ဖြစ်သည်။

တရုတ်ရှိ မိုင်းတွင်းများတွင် မြေပြိုမှုနှင့် ပေါက်ကွဲမှုများ ဖြစ်ပွား
………………………………….
တရုတ်နိုင်ငံ အနောက်မြောက်ပိုင်း ရှန်ဇီပြည်နယ် ရှန်ဂလူမြို့ရှိ သတ္ထုတွင်း ကုမ္ပဏီ၏ လူနေအိမ်ယာများအပေါ်သို့ မြေပြိုကျမှုကြောင့် လူ ၄၀ ၀န်းကျင်ခန့် ပျောက်ဆုံးနေသည်ဟု တရုတ်အစိုးရက ယနေ့တွင် ကြေညာခဲ့သည်။ အင်္ဂါနေ့ညပိုင်းကလည်း နိုင်ငံ အနောက်တောင်ပိုင်း ဂွီဇူးပြည်နယ်ရှိ သတ္ထုတွင်းတစ်ခုတွင် ပေါက်ကွဲမှုကြောင့် လူ ၁၀ ဦး သေဆုံးခဲ့ပြီး တစ်ဦး ပျောက်ဆုံးခဲ့သည်။

Ref: News Agencies