ရုရှားရန်ကြောင့် နိုင်ငံအတွင်း စစ်အခြေစိုက်စခန်းများ ထားရှိပေးရန် နေတိုးအဖွဲ့သို့ ပိုလန်တောင်းဆို

သြဂုတ် ၁၄၊ ၂၀၁၅
M-Media

– မိမိတို့နိုင်ငံအတွင်းနှင့် အခြားသော ဥရောပနိုင်ငံများတွင် နေတိုးတပ်ဖွဲ့များ ပိုမိုချထားရန်နှင့် အမြဲတမ်းစစ်အခြေစိုက်စခန်းများ ဖန်တီးပေးရန် ပိုလန်သမ္မတ အန်ဒါဇက်ဂ်ျက တောင်းဆိုလိုက်ပြီး ပိုလန်မှာ ကြားနေနိုင်ငံမဖြစ်ချင်ဟု ပြောကြားခဲ့သည်။

ပြီးခဲ့သည့်မေလက ရွေးကောက်တင်မြောက်ခြင်း ခံခဲ့ရသည့် အန်ဒါဇက်ဂ်ျမှာ ဂျော်ဂျီယာနှင့် ယူကရိန်းတို့တွင် ရုရှား၏ မကြာသေးမီက နယ်ချဲ့မှုလုပ်ရပ်များအား ထိထိရောက်ရောက် မထိန်းနိုင်ခဲ့ခြင်းနှင့် ပိုလန်နိုင်ငံအား ကြားနေနိုင်ငံအဖြစ် ဆက်ဆံမှုအတွက် နေတိုးအဖွဲ့အား ဝေဖန်ခဲ့သည်။

“ကျွန်တော်တို့ ကြားနေနိုင်ငံအဖြစ် မနေချင်ပါဘူး။ မဟာမိတ်နိုင်ငံတွေရဲ့ တကယ့် အရှေ့ဘက်တောင်ပံနိုင်ငံမျိုး ဖြစ်ချင်ပါတယ်။ ဒီနေ့ အခြေစိုက်စခန်းတွေရဲ့ ပြန့်နှံ့မှုကို ကြည့်ရင် နယ်စပ်စည်းက ဂျာမနီ ဖြစ်နေပါတယ်” ဟု The Finacial Times နှင့် အင်တာဗျူးတွင် အန်ဒါဇက်ဂ်ျက ပြောကြားခဲ့သည်။

ထို့ပြင် နေထိုးအဖွဲ့အနေဖြင့် စစ်အင်အား တောင့်တင်းအောင် ဆောင်ရွက်ရန်နှင့် ဥရောပအလယ်ပိုင်းတွင် စစ်အင်အား ပိုမိုချထားရန် အထူးသဖြင့် ပိုလန်နိုင်ငံတွင် အမြဲတမ်းအခြေစိုက်စခန်းများ တိုးမြှင့်ချထားရန်လည်း တိုက်တွန်းခဲ့သည်။ ထိုသို့ပြုလုပ်ခြင်းမှာ ပိုလန်အား အမွှေးအတောင်စုံသည့် နေတိုးအဖွဲ့ဝင်နိုင်ငံအဖြစ် အသိအမှတ်ပြုခြင်းလက္ခဏာ ဖြစ်လိမ့်မည်ဟု ၎င်းက ထည့်သွင်းပြောကြားခဲ့သည်။

နေတိုးအဖွဲ့ဝင်နိုင်ငံများ၏ ထိပ်သီးအစည်းအဝေးကို လာမည့်နှစ်တွင် ၀ါဆော၌ ကျင်းပပြုလုပ်ရန်ရှိနေပြီး အန်ဒါဇက်ဂ်ျကမူ ဥရောပအလယ်ပိုင်း၌ အမြဲတမ်းစစ်အခြေစိုက်စခန်းများ ချထားခြင်းမှာ ထိုအစည်းအဝေး၏ အဓိကကိစ္စ ဖြစ်လိမ့်မည်ဟုလည်း ဆိုသည်။

ယူကရိန်းပိုင် ခရိုင်းမီးယားကျွန်းဆွယ်အား ရုရှားက သိမ်းပိုက်မှုနှင့် ယူကရိန်းအရှေ့ပိုင်း မတည်ငြိမ်မှုများနှင့်ပတ်သက်၍ ဥရောပရှိ နိုင်ငံငယ်များမှာ ရုရှား၏ အန္တရာယ်ကို စိုးရိမ်နေကြသည်။

ယူကရိန်းအား ရုရှားက ကျူးကျော်သည်ဟု အနောက်နိုင်ငံများက စွပ်စွဲမှုတွင် ပါဝင်ခြင်းအတွက် ပိုလန်နိုင်ငံမှာ ပြီးခဲ့သည့်နှစ်များအတွင်း ရုရှား၏ ဝေဖန်မှုကို အခံရဆုံးသော နိုင်ငံလည်းဖြစ်သည်။

Ref: RT