လူမျိုးရေးခွဲခြားသည့် ပရိတ်သတ်များကြောင့် ချက်ဘောလုံးအသင်းနှစ်ခု ဒဏ်ရိုက်ခံရ

သြဂုတ် ၁၄၊ ၂၀၁၅
M-Media

– အစ္စလာမ်ဆန့်ကျင်ရေး ပို့စတာများကို ကိုင်ဆောင်အားပေးခဲ့ကြသည့် ပရိတ်သတ်များကြောင့် ပြည်တွင်းကလပ်အသင်းနှစ်ခုကို ချက်ဘောလုံးအဖွဲ့ချုပ်က ဒဏ်ငွေရိုက်ခဲ့သည်ဟု သိရသည်။

ဒဏ်ငွေရိုက်ခြင်း ခံခဲ့ရသည့် ကလပ်အသင်းများမှာ ချက်ထိပ်တန်းလိဂ် ချန်ပီယံ ဗစ်တိုးရီးယားပါလ်ဇန်နှင့် ဂျဘ်လိုနက်အသင်းတို့ ဖြစ်ကြပြီး တစ်သင်းလျှင် ချက်ကိုရူနာ ၁၀၀၀၀၀ (ကန်ဒေါ်လာ ၄၁၁၀) ရိုက်ခဲ့ခြင်းဖြစ်သည်ဟု ချက်ဘောလုံးအဖွဲ့ချုပ် စည်းကမ်းထိန်းသိမ်းရေး ကော်မတီက ယမန်နေ့တွင်ထုတ်ပြန်သော ကြေညာချက်၌ ဖော်ပြထားသည်။

ဘိုဟီးမီးယန်း ပရေ့ဂ် ၁၉၀၅ အသင်းနှင့် ကစားခဲ့သည့်ပွဲတွင် ဂျဘ်လိုနက်ပရိတ်သတ်များမှာ ဥရောပမှ အစ္စလာမ်ဘာသာဝင်များကို မောင်းထုတ်ရန် သရုပ်ဖော်ထားသည့် ပိုစတာကို ကိုင်ဆောင်ဆန္ဒပြခဲ့ခြင်းဖြစ်ကာ ရဲတပ်ဖွဲ့က စုံစမ်းစစ်ဆေးမှုများ ပြုလုပ်နေသည်။

ပရိတ်သတ်များကမူ ပြင်သစ်မဂ္ဂဇင်းဖြစ်သော ချာလီဟဘ်ဒိုအား အားကျ၍ ထိုကဲ့သို့ လုပ်ဆောင်ခဲ့ခြင်းဖြစ်သည်ဟု ပြောကြားခဲ့ပြီး အသင်းက မိမိတို့နှင့် ပတ်သက်ခြင်းမရှိဟု ပြောကြားခဲ့သည်။

ပါလ်ဇန်ပရိတ်သတ်များကလည်း ဆလာဗီယာ ပရေ့ဂ်နှင့်ပွဲတွင် ထိုကဲ့သို့ အစ္စလာမ်ဆန့်ကျင်ရေး ပိုစတာကို ကိုင်ဆောင်ခဲ့ကြသည်။

Ref: US Today