နှစ်ပေါင်း ၄၀၀ ကျော်က ကုရ်အာန်ကျမ်းတော်မြတ်တစ်အုပ် အိန္ဒိယတွင် တွေ့ရှိ

သြဂုတ် ၁၅၊ ၂၀၁၅
M-Media

– ကမ္ဘာပေါ်တွင် သက်တမ်းအရင့်ဆုံးထဲမှ တစ်ခုဟု ယူဆနိုင်သည့် ကုရ်အာန်ကျမ်းတော်မြတ် တစ်အုပ်ကို အိန္ဒိယနိုင်ငံ အနောက်ပိုင်း ကာရ်နာတာကာပြည်နယ်တွင် ရဲတပ်ဖွဲ့က တွေ့ရှိခဲ့သည်ဟု သိရသည်။

အဆိုပါကုရ်အာန်မှာ လွန်ခဲ့သည့် နှစ်ပေါင်း ၄၀၀ ကျော်က အိန္ဒိယကို အုပ်ချုပ်ခဲ့သော မဂိုဘုရင် အက္ကဘာရ်၏ လက်ထက်က ဖြစ်နိုင်မည်ဟု ခန့်မှန်းကြသည်။

“ဒါဟာ အဲဒီကာလတုန်းက သူတော်စဉ်တွေနဲ့ သက်ဆိုင်တယ် ဆိုတာကလွဲလို့ သတင်းအချက်အလက် မရသေးပါဘူး။ အိန္ဒိယက ကုရ်အာန်ကျမ်းတော်မြတ်တွေကို ကျွန်တော် မြင်ဖူးပေမယ့် ဒီလောက် သက်တမ်းရင့်တာမျိုးကိုတော့ ကျွန်တော် မမြင်ဖူးပါဘူး” ဟု သမိုင်းဆိုင်ရာ ပါမောက္ခဖြစ်သူ ရှိခ်အလီက The Hindu သတင်းစာသို့ သြဂုတ်လ ၁၁ ရက်နေ့တွင် ပြောကြားခဲ့သည်။

နှစ်ပေါင်း ၄၁၀ ကြာမြင့်နေပြီဖြစ်ပြီး အိန္ဒိယတွင် သက်တမ်းအရင့်ဆုံးဖြစ်မည်ဟု ယုံကြည်ရသည့် အဆိုပါ ကုရ်အာန်ကို ကာရ်နာတာကာပြည်နယ် မိုင်ဆူရူခရိုင်တွင် ရဲတပ်ဖွဲ့က သိမ်းယူရရှိခဲ့ခြင်းဖြစ်သည်။

ဟိုက်ဒရာဘတ်ရှိ အမည်မသိသူတစ်ဦးထံမှာ ဂိုဏ်းတစ်ခုက အဆိုပါကုရ်အာန်ကို ၀ယ်ယူထားခြင်းဖြစ်ပြီး ကန်ဒေါ်လာ ၇၇၆၇၅၄ ဖြင့် ရောင်းချရန် ဆန္ဒရှိနေသည်ဟု ရဲတပ်ဖွဲ့က ပြောကြားခဲ့သည်။

“ဗီဒီယိုတွေကို မျှဝေပြီး သူတို့ဟာ ဒီတန်ဖိုးရှိတဲ့စာအုပ်ကို ရောင်းဖို့ ကြိုးစားနေတယ်ဆိုတာ ကျွန်တေ်ာတို့ သိခဲ့ရပါတယ်။ ရဲအဖွဲ့တစ်ခုက ၀ယ်ယူမယ့်သူတွေအဖြစ် သူတို့ဆီကို ချဉ်းကပ်ခဲ့ကြပါတယ်” ဟု မိုင်ဆူရူ ခရိုင်မှ ရဲတပ်ဖွဲ့တာဝန်ရှိသူတစ်ဦးဖြစ်သူ အဘ်ဟီနဗ် ခါရီက ပြောကြားခဲ့သည်။

စာမျက်နှာ ၆၀၄ မျက်နှာပါသည့် အဆိုပါကုရ်အာန်ကျမ်းတော်မြတ်မှာ “အနုပညာလက်ရာ” တစ်ခုဖြစ်သည်ဟု သမိုင်းပညာရှင်များက ဖော်ပြခဲ့ကြသည်။

“အဲဒါဟာ ဟစ်ဂျရီသက္ကရာစ် ၁၀၅၀ လောက်မှာ ရေးသားထားတာပါ။ ဒါဆို အေဒီ ၁၀၆၅ လောက်အချိန်ပါပဲ။ ဒီအချိန်ဟာ အိန္ဒိယမှာ မဂိုအုပ်ချုပ်မှု ထိပ်ဆုံးရောက်ရှိနေတဲ့ အချိန် တစ်ဝိုက်လောက်ဖြစ်ပြီး အက္ကဘာရ်ဘုရင်က ဂျီဟန်ဂီရ်ဘုရင်ရဲ့ အရိုက်အရာကို ဆက်ခံတဲ့ အချိန်ပါပဲ” ဟု ပါမောက္ခအလီက ထည့်သွင်းပြောကြားခဲ့သည်။

ပြီးခဲ့သည့်လကလည်း ကမ္ဘာ့သက်တမ်းအရင့်ဆုံး ကုရ်အာန်ကျမ်းတော်မြတ်ဟု ယူဆရသည့် အပိုင်းအစများကို အင်္ဂလန်ရှိ ဘာမင်ဂမ်တက္ကသိုလ်တွင် တွေ့ရှိခဲ့ရပြီး အဆိုပါ လက်ရေးမူများမှာ တမန်တော် မုဟမ္မဒ်သခင် (ငြိမ်းချမ်းသာယာမှုသက်ရောက်ပါစေ) ၏ လက်ထက် လွန်ခဲ့သည့် နှစ်ပေါင်း ၁၃၇၀ ခန့်က ဖြစ်မည်ဟု ကျွမ်းကျင်သူများက ပြောကြားခဲ့သည်။

သို့သော်လည်း တစ်ပတ်ကြာပြီးနောက် ဆော်ဒီရှိပညာရှင်များကမူ ဘာမင်ဂမ်တွင်တွေ့ရှိခဲ့သည့် အဆိုပါ ကုရ်အာန်ကျမ်းတော်မြတ်မှာ သက်တမ်းအရင့်ဆုံးမဟုတ်ဘဲ မုဟမ္မဒ်သခင်၏ ကာလတွင် ရေးသားထားသည်ဆိုသည့် ပြောကြားချက်များကိုလည်း ငြင်းဆိုခဲ့သည်။

Ref: Onislam