ဟိန္ဒူ အမျိုးသားရေးဝါဒက အိန္ဒိယရှိ လူနည်းစုများ အတွက် အန္တရာယ်ဖြစ်လာပြီလား?

သြဂုတ် ၁၈ ၊ ၂၀၁၅
M-Media

– အိန္ဒိယတွင် နရန်ဒရာမိုဒီ၏ လက်ယာယိမ်း ဟိန္ဒူအမျိုးသားရေးပါတီ BJP က အာဏာရယူပြီးနောက် တစ်နှစ်ကျော်ခန့်အကြာတွင် ဘာသာရေးအရ လှုံ့ဆော်သည့် အကြမ်းဖက်မှု မြင့်တက်လာနိုင်သည်ဆိုသော ကြောက်ရွံ့မှုများလည်း ရှိလာခဲ့သည်။ BJP က လူနည်းစုများအပေါ် သည်းမခံသည့် ယဉ်ကျေးမှုကို ပေါက်ဖွားစေခဲ့သည်ဟု အချို့က ဆိုကြသည်။ ဟိန္ဒူများပင်လျှင် ပွင့်ပွင့်လင်းလင်းပြောကြားရန်အတွက် ကြောက်ရွံ့လာကြသည်။

ခရစ္စမတ်မတိုင်ခင်လေးကပင် ဒေလီရှိ စိန့်စီဘက်စတီယန် ခရစ်ယာန်ဘုရားကျောင်းမှာ မီးရှို့ခံခဲ့ရသည်။ ထိုဘုရားကျောင်းမှာ ပြီးခဲ့သည့်နှစ်က မြို့တော်ဒေလီအတွင်း တိုက်ခိုက်ခံခဲ့ရသည့် ခရစ်ယာန်ဘုရားကျောင်း ၅ ခုမှ တစ်ခုလည်းဖြစ်လေသည်။

ဘုရားကျောင်းမှ သင်းအုပ်ဆရာ ဖာသာ အန်တိုနီ ဖရန်စစ်က မီးလောင်မှုမှာ လျှပ်စစ်ရှော့ဖြစ်ခြင်းကြောင့် ဖြစ်ပွားခြင်းဖြစ်သည်ဆိုသော ရဲတပ်ဖွဲ့၏ အဆိုကို ယုံကြည်ခြင်းမရှိခဲ့။ ပျက်ဆီးနေသော ဘုရားကျောင်းအတွင်းရှိ ရေအိုင်လေးများတွင် ဆီဝေ့ဝေ့ကို ဖာသာက ပြနိုင်မှ ရဲတပ်ဖွဲ့က မီးရှို့မှုဖြင့် စုံစမ်းစစ်ဆေးမှုကို စတင်ခဲ့သည်။

သို့သော် ထိုကိစ္စအတွက်သော်လည်းကောင်း အခြား ဘုရားကျောင်း ၄ ခုနှင့် ဆက်စပ်၍သော်လည်းကောင်း မည်သူတစ်ဦးတစ်ယောက်ကိုမှ မဖမ်းဆီးနိုင်ခဲ့။

စိန့်စီဘက်စတီယန်ဘုရားကျောင်းမှ ၀တ်ပြုသူများကတော့ အနီးအနားရှိ မပြီးဆုံးသေးသော ဇရပ်တွင် ပလက်စတစ်မိုးကာ ၀တ်ပြုဆုတောင်းနေကြရသည်။

အိန္ဒိယရှိ မွတ်စလင်လူနည်းစုများမှာလည်း ဖိအားများအောက်ကို ရောက်ရှိနေသည်။

ပြီးခဲ့သည့်နှစ် ရွေးကောက်ပွဲနီးလာသည့်လများတွင် ဒေလီမြို့မြောက်ဘက် ၆၂ မိုင်အကွာရှိ မူဇာဖာနဂါမြို့လေးတွင် မွတ်စလင်နှင့် ဟိန္ဒိူများအကြား အကြမ်းဖက်မှုဖြစ်ပွားခဲ့ပြီး လူ ၆၀ ကျော် သေဆုံးခဲ့လေသည်။

ထိုအချိန်မှစ၍ ထိုကဲ့သို့ကြီးမားသော ပဋိပက္ခများ ဖြစ်ပွားခဲ့ခြင်း မရှိသော်လည်း ပဋိပက္ခအငယ်စားများကတော့ ပုံမှန်လိုလိုဖြစ်နေသည်။

“အဲဒီ ပဋိပက္ခတွေလိုပါပဲ။ အခုအချိန်မှာ ရွာတွေထဲက ဟိန္ဒူတွေဟာ မွတ်စလင်တွေကို ရွာပြင်မောင်းထုတ်ဖို့ ကြိုးစားနေကြတယ်။ တိုက်ခိုက်မှုတွေ ထပ်ခါထပ်ခါလုပ်ပြီး ကြောက်ရွံ့မှုဝန်းကျင်ကို ဖန်တီးခဲ့ကြတယ်” ဟု မိုဟာမက် ဂျမ်ရှက်ဒ်က ပြောကြားခဲ့သည်။ ၎င်း၏ ယောက်ဖဖြစ်သူ ဒီန်းမိုဟာမက်မှာ မူဇာဖာနဂါမြို့နှင့် သိပ်မဝေးသည့် တိတ်ဆိတ်ငြိမ်သက်သော ကိုင်ရာနာမြို့လေးတွင် ပြီးခဲ့သည့်မေလက ကိုယ်တစ်ပိုင်းသေခဲ့သည်။

မွတ်စလင်များပေါ် အကြမ်းဖက်မှုများ ရပ်တန့်ရေး ရဲတပ်ဖွဲ့က ဆောင်ရွက်ရန် တောင်းဆိုသည့် ဆန္ဒပြမှုကို ပြုလုပ်စဉ် ခါးသီးဖွယ်ကောင်းသည့် ထိုအလှည့်အပြောင်းက ဖြစ်လာခဲ့ခြင်းဖြစ်သည်။

“ကျွန်တော် ရပ်ကြည့်ခဲ့ပြီး ရဲကားထဲကပစ်လိုက်တဲ့ ကျည်ဆံတစ်တောင့် မှန်ခဲ့ပါတယ်။ ကျွန်တော် ထုံထိုင်းသွားပြီး လမ်းအနည်းငယ်လျှောက်ပြီးတဲ့နောက် ပစ်လဲကျသွားပါတယ်။ အဲဒီနောက်မှာတော့ သွေးအန်တော့တာပါပဲ” ဟု အသက် ၁၈ နှစ်အရွယ်ရှိပြီဖြစ်သည့် ဒီန်းမိုဟာမက်က ပြောကြားခဲ့သည်။

ဘယ်သောအခါမှ လမ်းပြန်မလျှောက်နိုင်မည်ကိုလည်း သူက စိုးရိမ်နေသည်။

ရဲတပ်ဖွဲ့ကတော့ မိုဟာမက်၏ ကိုယ်ထဲမှရရှိသည့် ကျည်ဆံမှာ ၎င်းတို့သုံးသည့် အမျိုးအစားမဟုတ်ဟု ပြောသည်။ သို့သော်လည်း ရဲတပ်ဖွဲ့ဝင်များမှာ ထိုနေ့က အင်အားအလွန်အကျွံသုံးခဲ့သည်ဆိုသော တိုင်ကြားချက်များကိုတော့ စုံစမ်းစစ်ဆေးနေလေသည်။

ပြီးခဲ့သည့်လကလည်း အနီးအနားရှိ ရှမ်လီရွာမှ မွတ်စလင်အလုပ်သမားတစ်ဦးမှာ ဒေလီမှ ရထားဖြင့် အိမ်ပြန်လာစဉ် ဟိန္ဒိူအမျိုးသား ၁၀ ဦးအဖွဲ့က တုတ်များဖြင့် ညို့သကျည်းကို ရိုက်နှက်ခဲ့ပြီး ငွေများကိုလုကာ မုတ်ဆိတ်ကိုလည်း ဆွဲနှုတ်ပစ်ခဲ့သည်။

“ရဲကတော့ တိုင်ချက်လက်ခံတာကလွဲလို့ ဘာမှကိုမလုပ်ပါဘူး။ အခုဆို ကျွန်တော်တို့အပြင်ထွက်ရင် ဒါမျိုး ထပ်ဖြစ်မလားဆိုပြီး ကြောက်နေရပါတယ်“ ဟု အသက် ၂၆ နှစ်အရွယ်ရှိပြီး ဖိုင်ဇန်ဟုသာ အမည်ပြောသည့် ၎င်းက ဆိုသည်။

ထိုကဲ့သို့သောဇာတ်လမ်းများကို များသောအားဖြင့် မီဒီယာများက ဂရုမစိုက်ကြ။ လူနည်းစုများနှင့်ပတ်သက်၍ BJP နိုင်ငံရေးသမား များစွာ၏ နှိမ့်ချခွဲခြားသော မှတ်ချက်များနှင့် ယှဉ်တွဲမြင်လာရသောအခါ ၎င်းတို့က ပို၍ သောကရောက်လာလေသည်။

“ဟိန္ဒူတွေရဲ့လွှမ်းမိုးနေမှုကို ဆက်လက်တည်တံ့ဖို့ ဟိန္ဒူအမျိုးသမီးတစ်ယောက်ဟာ ကလေးလေးယောက်အမေ ဖြစ်သင့်တယ်” ဟု လွှတ်တော်အမတ်ဖြစ်တစ်ဦးဖြစ်သူ ဆက်ရှိ မဟာရာဂ်ျက ပြောကြားခဲ့သည်။

အစားသောက် စီစစ်ရေးဝန်ကြီး နီရန်ဂျန် ယိုတီက “နိုင်ငံဟာ (ဟိန္ဒူနတ်ဘုရား) ရမ်ရဲ့သားတွေ ဦးဆောင်တဲ့ နိုင်ငံဖြစ်သင့်လား ဒါမှမဟုတ် မျိုးမစစ်တွေရဲ့သားတွေ ဦးဆောင်တဲ့နိုင်ငံ ဖြစ်သင့်လား” ဟု ဟိန္ဒူမဟုတ်သူများကို မျိုးမစစ်များဟု သမုတ်ကာ ထိုကဲ့သို့ မေးခွန်းထုတ်ခဲ့ပြန်သည်။

အခြားလွှတ်တော်အမတ်တစ်ဦးဖြစ်သူ ဂီရီရာဂ်ျဆင်းကတော့ “မိုဒီကိုဆန့်ကျင်သူတွေဟာ ပါကစ္စတန်ကိုသွားရမယ်” ဟု ပြောသည်။ နောက်ပိုင်းတွင် ၎င်းက အသေးစား၊ အလတ်စားနှင့် အကြီးစား စီးပွားရေးဆိုင်ရာဝန်ကြီးအဖြစ် ခန့်အပ်ခြင်းခံခဲ့ရသည်။

သို့သော်လည်း လူနည်းစုရေးရာဝန်ကြီး မွခ်တာရ် အဘတ်စ် နက်ဗီကတော့ “သီးခြားစီဖြစ်ပွားတဲ့ အကြမ်းဖက်ဖြစ်ရပ်တွေ ဒါမှတ်မဟုတ် ၀န်ကြီးအချို့ရဲ့ သီးခြားစီထုတ်ပြန်တဲ့ ကြေညာမှုတွေကြောင့် ခင်ဗျားဟာ အစိုးရကို ဆုံးဖြတ်လို့မရပါဘူး” ဟု ပြောကြားခဲ့သည်။

နာရန်ဒရာမိုဒီကိုယ်တိုင်က ၀န်ကြီးချုပ်ဖြစ်ပြီးနောက်တွင် အလယ်အလတ် ဟိန္ဒူအမျိုးသားရေးဝါဒ သဘောထားကို ပြသခဲ့သည်။

“လူများစုဘာသာက အုပ်စုပဲဖြစ်ဖြစ်၊ လူနည်းစုဘာသာက အုပ်စုပဲဖြစ်ဖြစ် ပေါ်ပေါ်ထင်ထင်ဖြစ်စေ၊ လျှို့ဝှက်ပြီးဖြစ်စေ အခြားသူတွေအပေါ် အမုန်းတရားဖြစ်အောင်လှုံ့ဆော်တာမျိုးကို ကျွန်တော်တို့အစိုးရက ခွင့်ပြုမှာမဟုတ်ပါဘူး” ဟု ခရစ်ယာန်ဘုရားကျောင်းများ တိုက်ခိုက်ခံရပြီးနောက်ပိုင်း ဖြစ်လာသော ဖိအားများကို တုန့်ပြန်သည့်အနေဖြင့် ဖေဖော်ဝါရီလတွင် မိုဒီက ပြောကြားခဲ့သည်။

သို့သော်လည်း မကြာသေးမီက ထုတ်ပြန်ခဲ့သည့် ၂၀၁၅ ခု နှစ်ဝက် လူမျိုးရေး အကြမ်းဖက်မှု စာရင်းတွင် အကြမ်းဖက်တိုက်ခိုက်မှုများမှာ ပြီးခဲ့သည့် ၂၀၁၄ နှစ်ဝက်ထက် ၃၀ ရာခိုင်နှုန်း ပိုလာခဲ့သည်ဟု ပြသနေသည်။ တိုက်ခိုက်မှုပေါင်း ၃၃၀ ရှိခဲ့ပြီး ၅၁ ခုမှာ ဆိုးဆိုးဝါးဝါးဖြစ်ခဲ့သည်။ ၂၀၁၄ ခု နှစ်ဝက်တွင်မူ တိုက်ခိုက်မှုပေါင်း ၂၅၂ ခု ဖြစ်ပွားခဲ့ပြီး ၃၃ ခုမှာ ဆိုးဝါးခဲ့သည်။

သို့သော်လည်း မူဇာဖာနာဂါတွင် ဖြစ်ပွားခဲ့သည့် ပဋိပက္ခများကထက် ၂၀၁၃ ခုနှစ် ကိန်းဂဏန်းများမှာ ပိုမိုဆိုးဝါးနေသည်။

၂၀၀၂ ခုနှစ်က နရန်ဒရာမိုဒီ ပြည်နယ်အုပ်ချုပ်ရေးမှူးအဖြစ် ရှိနေချိန် ဂူဂျာရတ်မြို့၌ ဖြစ်ပွားခဲ့သော မွတ်စလင်ဆန့်ကျင်ရေး ပဋိပက္ခများနှင့် နိုက်ယှဉ်ပါကလည်း မူဇာဖါနာဂါတွင် ဖြစ်ပွားခဲ့မှုများက မပြောပလောက်။ ထိုစဉ်က ရထားတွဲမီးလောင်ပြီး ဟိန္ဒူဘုရားဖူး ၆၀ ခန့် သေဆုံးခဲ့ပြီးနောက် ဖြစ်ပွားခဲ့သော ပဋိပက္ခများအတွင်း လူပေါင်း ၁၀၀၀ ကျော် သေဆုံးခဲ့ပြီး အများစုမှာ မွတ်စလင်များဖြစ်ကြသည်။

အခြားသော ပုံစံမျိုးဖြင့် ခွဲခြားဆက်ဆံမှုများ၊ အတိမ်အနက်ကို တိုင်းတာရန် ခက်ခဲသည့် ချက်ချင်းလက်ငင်းဖြစ်သော အကြမ်းဖက်မှုများလည်း ရှိနေသေးသည်။

“မွတ်စလင်တွေကို သွားပြီးသတ်မလား၊ သူတို့ကို မောင်းထုတ်မလားဆိုတာတင် မဟုတ်တော့ဘူး။ တစ်ခြားသူတွေရဲ့ အိမ်ကို မီးရှို့ရုံတင် မဟုတ်တော့ဘူး။ အလုပ်အကိုင်တွေမှာ မပေးတာ၊ နေစရာနေရာမပေးတာ၊ ကြောက်စရာဘ၀မျိုးမှာ နေစေတာမျိုးတွေအထိ ဖြစ်နေတာပါ” ဟု Booker ဆုရ စာရေးဆရာမ အေရန်ဟာတီ ရွိုင်က ပြောကြားခဲ့သည်။

“မိုဒီက နိုင်ငံ့ခေါင်းတစ်ယောက်အဖြစ် ဟန်ဆောင်ပြီး အခြားဒေသတွေကို သွားနေတဲ့အချိန်မှာ မတူကွဲပြားစွာ ညီညွတ်မှုဆိုတဲ့ စကားလုံးကို ပြောဖို့ ဖိအားပေးရပါတယ်။ ကြေးစားတွေကလည်း အောက်ခြေမှာ ရှိလာပါပြီ”

သူမကဲ့သို့ မြို့နေ အလယ်အလတ်လူတန်းစား အိန္ဒိယနိုင်ငံသားများကပင် ယခုအချိန်၌ ဟိန္ဒူအမျိုးသားရေးဝါဒကို သတိထားပြီး ဝေဖန်နေရသည်ဟု သူမက ဆိုသည်။

“မွတ်စလင်မှ၊ ခရစ်ယာန်မှ မဟုတ်ပါဘူး။ သူတို့အမုန်းဆုံးသူတွေက ကမ္ဘာကြီးကိုကြည့်ပြီး သူတို့နဲ့မတူညီတဲ့ လမ်းကြောင်းကနေ ရပ်တည်တဲ့သူတွေပါပဲ။ ဒါ့ကြောင်ပဲ ပါးစပ်ပိတ်နေရတာပါ”

ဖာသာ အန်တိုနီကတော့ သူ၏ ဘုရားကျောင်းအား မီးရှို့လိုက်ခြင်းမှာ ဘာသာရေးလွတ်လပ်ခွင့်ကို အာမခံပေးထားသော အိန္ဒိယ၏ ဖွဲ့စည်းပုံအခြေခံဥပဒေအား မီးရှို့လိုက်ခြင်းပင်ဖြစ်သည်ဟု ပြောခဲ့သည်။

“တကယ်လို့များ တိုင်းပြည်ဟာ ဟိန္ဒူတိုင်းပြည်ဖြစ်လာမယ်ဆိုရင် ပါကစ္စတန်လမ်းကြောင်အတိုင်း ဖြစ်လာမှာကို ကျွန်တော် ကြောက်ပါတယ်။ ဘာသာရေးစော်ကားမှုဥပဒေကို လူနည်းစုတွေကို ပစ်မှတ်ထားပြီး အသုံးပြုလာမယ်။ ကျွန်တော်တို့တိုင်းပြည်က ဘယ်လိုတိုင်းပြည်မျိုး ဖြစ်လာမလဲ?” ဟု ၎င်းက မေးခွန်းထုတ်ခဲ့သည်။

“တကယ်ကို တရားမဲ့သွားမှာပါ။ ကောင်းချီးမင်္ဂလာတော့ ဖြစ်မှာမဟုတ်ပါဘူး။ တိုင်းပြည်အတွက် ကျိန်စာပဲ ဖြစ်ပါလိမ့်မယ်”

ref:BBC
ဘာသာပြန်-မိုးဝေ