ဘန်ကောက်ပေါက်ကွဲမှု လက်သည်ကို ထိုင်းအစိုးရ ပိုက်စိတ်တိုက် ရှာဖွေနေ

သြဂုတ် ၁၈၊ ၂၀၁၅
M-Media

– ယမန်နေ့က ဘန်ကောက်မြို့လယ်ကောင်ရှိ ဟိန္ဒူဘုရားကျောင်းအနီးတွင် ဗုံးပေါက်ကွဲမှုအတွက် တာဝန်ရှိသူများကို ပိုက်စိတ်တိုက်ရှာဖွေနေပြီး ကာကွယ်ရေးဝန်ကြီး ပရာဝစ် ၀မ်ဆူဝမ်ကမူ ထိုတိုက်ခိုက်မှုမှာ နိုင်ငံ၏ စီးပွားရေးကို ပစ်မှတ်ထားပြုလုပ်သည့် တိုက်ခိုက်မှုဖြစ်သည်ဟု ပြောကြားခဲ့သည်။

အီရာဝန်ဟု အမည်ရသည့် ဟိန္ဒူဘုရားကျောင်းအနီးတွင် ယမန်နေ့ည ၇ နာရီဝန်းကျင်က ဖြစ်ပွားခဲ့သော အဆိုပါ ပေါက်ကွဲမှုကြောင့် အနည်းဆုံး လူပေါင်း ၂၀ သေဆုံးခဲ့ပြီး အမြောက်အများ ဒဏ်ရာရရှိခဲ့သည်။ သေဆုံးသူများတွင် တရုတ်၊ ဟောင်ကောင်၊ အင်ဒိုနီးရှား၊ မလေးရှားနှင့် စင်ကာပူနိုင်ငံတို့မှ ခရီးသွားများလည်း ပါဝင်ခဲ့သည်။

ကာကွယ်ရေးဝန်ကြီး ပရာဝစ် ၀မ်ဆူဝမ်ကမူ နိုင်ငံခရီးသွားဒေသ၏ အချက်အချာတွင် ဖြစ်ပွားခဲ့သောကြောင့် ထိုတိုက်ခိုက်မှုကို ပြုလုပ်ခဲ့သူများမှာ တိုင်းပြည်၏ ခရီးသွားလာရေးလုပ်ငန်းနှင့် စီးပွားရေးကို ပျက်ဆီးစေရန် ရည်ရွယ်ခြင်းဖြစ်သည်ဟု ပြောကြားခဲ့သည်။

ဝန်ကြီးချုပ် ပရာယွတ်ချန်အိုချာကမူ မိမိတို့အစိုးရမှာ ပေါက်ကွဲမှုနှင့် ပတ်သက်သူများကို ပိုက်စိတ်တိုက် ရှာဖွေနေသည်ဟု ပြောကြားခဲ့ကြောင်း ထိုင်း Nation ရုပ်သံက ဖော်ပြခဲ့သည်။

ချန်အိုချာမှာ ပေါက်ကွဲမှုဖြစ်ပွားပြီးနောက် အစိုးရ အကြီးတန်းတာဝန်ရှိသူများ၊ အမျိုးသားလုံခြုံရေးအတွက် တာဝန်ယူထားသော စစ်ဘက်ဆိုင်ရာ တာဝန်ရှိသူများနှင့် အရေးပေါ်အစည်းအဝေး ပြုလုပ်ခဲ့သည်။

ထိုင်းစစ်တပ်အကြီးအကဲ ဗိုလ်ချုပ် ယူဒွမ်ဒက်ဂ်ျ စီတာဘူတာရ်ကမူ အဆိုပါပေါက်ကွဲမှုမှာ နိုင်ငံတောင်ပိုင်းရှိ မွတ်စလင်လက်နက်ကိုင်များ ပြုလုပ်သည့် နည်းလမ်းမျိုးမဟုတ်ဟု ပြောကြားခဲ့သည်။

Ref: Aljazeera