ချန်ပီယံလိဂ်တွင် ခြေစွမ်းပြခဲ့သည့် ဒီပိုင်းကို နမ်းချင်သည်ဟု ဗန်ဂါးလ်ပြော

သြဂုတ် ၁၉၊ ၂၀၁၅
M-Media

– ကလပ်ဘရုဂျက်အသင်းနှင့် ချန်ပီယံလိဂ် ခြေစစ်ပွဲတွင် ခြေစွမ်းပြခဲ့သည့် ကွင်းလယ်သူ မန်ဖစ်ဒီပိုင်းအား အနမ်းဖြင့် ဂုဏ်ပြုချင်သည်ဟု မန်ယူနည်းပြ လူးဝစ်ဗန်ဂါးလ်က ပြောကြားလိုက်သည်။

ချန်ပီယံလိဂ် အုပ်စုအဆင့်တွင် ၀င်ရောက်ယှဉ်ပြိုင်ရန်အတွက် ခြေစစ်ပွဲပထမအကျော့အဖြစ် ယနေ့မနက်က ကစားခဲ့သည့် အဆိုပါပွဲတွင် မန်ယူမှာ ၃ ဂိုး ၁ ဂိုးဖြင့် အနိုင်ရရှိခဲ့ပြီး ဒီပိုင်းက ၃ ဂိုးသွင်းယူပေးခဲ့ကာ၊ ကွင်းလယ်လူ ဖယ်လိုင်နီ သွင်းယူသည့် ဂိုးကိုလည်း ၎င်းကပင် ဖန်တီးပေးခဲ့ခြင်း ဖြစ်သည်။

“ဒီညအတွက် သူ့(ဒီပိုင်း) ကို ကျွန်တော် နမ်းချင်ပါတယ်။ ဘာ့ကြောင့်လည်းဆိုတော့ ဂိုးနှစ်ဂိုးသွင်းပြီး တစ်ဂိုးဖန်တီးပေးခဲ့ပြီးတဲ့နောက် ခင်ဗျားဟာ ကမ္ဘာပေါ်က သူရဲကောင်းပါပဲ” ဟု ပွဲအပြီးတွင် ဗန်ဂါးလ်က သတင်းထောက်များအား ပြောကြားခဲ့သည်။

ထို့ပြင် ၂ ဂိုးအသာဖြင့် အနိုင်ရရှိခဲ့ခြင်းမှာ လာမည့်တစ်ပတ်တွင် ကစားမည့် ဒုတိယအကျော့အတွက် သက်သာရခဲ့သည်ဟု ၎င်းက ဆိုသည်။ သို့သော်လည်း မည်သည့်အရာမှ မသေချာဟုလည်း သတိပေးခဲ့သည်။

ထိုပွဲ၏ အကောင်းဆုံးကစားသမားအဖြစ် ရွေးချယ်ခြင်းခံခဲ့ရသည့် ဒီပိုင်းကမူ မိမိအနေဖြင့် ဟက်ထရစ်မသွင်းနိုင်ခဲ့သည့်အတွက် စိတ်ပျက်မိသည်ဟု ပြောကြားခဲ့သည်။

“ကျွန်တော် ဂိုးသွင်းပြီး ပွဲနိုင်ခဲ့တဲ့အတွက် ပျော်ပါတယ်။ ကျွန်တော်တို့ အခွင့်အရေးတွေ အများကြီး ဖန်တီးနိုင်ခဲ့ပါတယ်။ တတိယဂိုးကိုသွင်းဖို့ တော်တော်လေး အရေးပါခဲ့ပါတယ်။ ဒါပေမယ့် နောက်ဆုံး အခွင့်အရေးနှစ်ကြိမ်လောက်ကို ကျွန်တော် အဆုံးမသတ်နိုင်ခဲ့တဲ့အတွက် နည်းနည်းတော့ စိတ်ပျက်ခဲ့ပါတယ်။ ရလဒ်ကတော့ ရလဒ်ကောင်းဖြစ်ပြီး ဘရုဂျက်ကိုသွားပြီး၊ အလုပ်ကို ပြီးဆုံးအောင် လုပ်ရပါမယ်” ဟု ဒီပိုင်းက ပွဲအပြီးတွင် BT Sport သို့ ပြောကြားခဲ့သည်။

Ref: Goal