အာရပ်-အမေရိကန်များအား ပြည်ဝင်ခွင့်မပေးသည့် အစ္စရေးကို အမေရိကန် သတိပေး

သြဂုတ် ၁၉၊ ၂၀၁၅
M-Media

– ပါလက်စတိုင်း-အမေရိကန်တစ်ဦးကို အစ္စရေးက ပြည်ဝင်ခွင့်ပိတ်ပင်ခဲ့သည်ဟု သတင်းများ ထွက်ပေါ်လာပြီးနောက် အမေရိကန်နိုင်ငံသားများအပေါ် အစ္စရေး၏ ဆက်ဆံပုံနှင့်စပ်လျဉ်း၍ မိမိတို့အနေဖြင့် စိုးရိမ်မိသည်ဟု အမေရိကန်က ယမန်နေ့တွင် ပြောကြားလိုက်သည်။

“ဇာတိ ဒါမှမဟုတ် လူမျိုးတွေကို ဂရုမထားဘဲ အမေရိကန်နိုင်ငံသားအားလုံးအပေါ် တူညီတဲ့ ဆက်ဆံမှုနဲ့ လွတ်လပ်ခွင့်ကို အမေရိကန်အစိုးရက လိုချင်ပါတယ်။ အထူးသဖြင့် ပါလက်စတိုင်း-အမေရိကန်နဲ့ အခြား အာရပ်အမေရိကန်တွေ အစ္စရေး နယ်စပ်နဲ့ စစ်ဆေးရေးဂိတ်တွေမှာ မမျှမတ ဆက်ဆံခံရတာကို အမေရိကန်က စိုးရိမ်ပါတယ်” ဟု အစိုးရ ပြောရေးဆိုခွင့်ရှိသူ ဂျွန်ကီရ်ဘီက ပြောကြားခဲ့သည်။

ပါလက်စတိုင်းအာဏာပိုင်များက ထုတ်ပေးထားသော ID ကို ရယူပိုင်ခွင့်ရှိသည့် အမေရိကန်နိုင်ငံသားများ တလ်အဗီးမြို့အပြင်ဘက်ရှိ ဘင်ဂူရီယန်လေဆိပ်သို့ ရောက်ရှိပြီးနောက်တွင် အစ္စရေးက ပြည်ဝင်ခွင့်မပေးခဲ့ဟု သတင်းများ ထွက်ပေါ်လာပြီးနောက် အမေရိကန်အစိုးရက ယခုကဲ့သို့ ပြောကြားခဲ့ခြင်းလည်း ဖြစ်သည်။

ကီရ်ဘီမှာ အဖြစ်အပျက်တစ်ခုခုကို ကိုကားခဲ့ခြင်းမရှိဘဲ အစ္စရေးအာဏာပိုင်အားလုံးကို ရည်ရွန်းပြောကြားခဲ့ခြင်း ဖြစ်သည်။

အစ္စရေးကမူ လူတစ်ယောက်မှာ အမေရိကန်နိုင်ငံသား ဟုတ်သည်ဖြစ်စေ၊ မဟုတ်သည်ဖြစ်စေ ၎င်း၏ မိဘ၊ သို့မဟုတ် အဖိုးအဖွားများမှာ ပါလက်စတိုင်းပိုင်နက်များအတွင်း နေထိုင်သူ၊ သို့မဟုတ် မွေးဖွားသူဖြစ်ပါက ထိုပုဂ္ဂိုလ်မှာ ပါလက်စတိုင်း ID ကို ပြရမည်ဖြစ်ပြီး၊ ထိုသို့ပြလျှင်လည်း လေဆိပ်မှ ၀င်ခွင့်မရဘဲ ဂျော်ဒန်နယ်စပ်ရှိ အဲလန်ဘီတံတားမှသာ ၀င်ခွင့်ပေးမည်ဟု သတ်မှတ်ထားသည်။

အမေရိကန်အစိုးရ ၀ဘ်ဆိုက်တွင်မှု အစ္စရေးမှာ ပါလက်စတိုင်းနိုင်သား သို့မဟုတ် နိုင်ငံနှစ်ခု၏ နိုင်ငံသားအဖြစ် ခံယူထားသူအများစုမှာ ဘင်ဂူရီယန်လေဆိပ်သို့ ရောက်ရှိသည့်အခါ ၀င်ခွင့်မပေးဘဲ၊ ၀င်ခွင့်ရသူများကိုလည်း ဘင်ဂူရီယန်လေဆိပ်မှ ပြန်လည်ထွက်ခွာခွင့်မပြုဟု ဖော်ပြထားပြီး ထိုကိစ္စအတွက်လည်း အစ္စရေးကို သတိပေးထားသည်။

ကီရ်ဘီကမူ ထိုကိစ္စမှာ အမေရိကန်နှင့် အစ္စရေးတို့အကြား လက်ရှိဆွေးနွေးရမည့် ကိစ္စတစ်ခုဖြစ်သည်ဟုလည်း ထည့်သွင်းပြောကြားခဲ့သည်။

Ref: Alarabiya