ဘန်ကောက်ဗုံးခွဲမှု သံသယရှိသူ၏ ပုံကြမ်းကို ထိုင်းရဲတပ်ဖွဲ့ ထုတ်ပြန်

သြဂုတ် ၁၉၊ ၂၀၁၅
M-Media

– မြို့တော်ဘန်ကောက်တွင် တနင်္လာနေ့က ဖြစ်ပွားခဲ့ပြီး အနည်းဆုံး လူ ၂၀ သေဆုံးခဲ့သည့် ဗုံးခွဲမှုအတွက် အဓိကသံသယရှိသူ၏ ရုပ်ပုံကြမ်းကို ထိုင်းရဲတပ်ဖွဲ့က ယနေ့တွင် ထုတ်ပြန်လိုက်ပြီး ထိုတိုက်ခိုက်မှုမှာ ကွန်ယက်တစ်ခုဖြင့် ဆောင်ရွက်ခဲ့ခြင်းဖြစ်သည်ဟု ပြောကြားခဲ့သည်။

ယနေ့တွင် ပြုလုပ်ခဲ့သည့် ထိုင်းရဲတပ်မှူးများ အစည်းအဝေးတွင် ရဲတပ်ဖွဲ့အကြီးအကဲ ဆွမ်ယွတ် ပွမ်ပန်မောင်ကမူ ပုံကြမ်းထုတ်ပြန်လိုက်သည့် သံသယရှိသူမှာ ပူးပေါင်းဆောင်ရွက်သူမရှိဘဲ တစ်ဦးတည်းဖြင့် ထိုတိုက်ခိုက်မှုကို မပြုလုပ်နိုင်ဟု ပြောကြားခဲ့သည်။

“တစ်ယောက်တည်းလုပ်တာ မဟုတ်တာတော့ သေချာပါတယ်။ သူတို့မှာ ကွန်ယက်တစ်ခု ရှိပါတယ်” ဟု ပွမ်ပန်မောင်က ဆိုပြီး ပြည်သူများနှင့် ထိုင်းနိုင်ငံသို့ လာရောက်ကြသည့် ခရီးသွားများ၏ လုံခြုံရေးအတွက် စိုးရိမ်မှုများရှိနေသော ၀န်ကြီးချုပ် အမိန့်အတိုင်းကို မိမိမှ လုပ်ဆောင်နေသည်ဟု ထည့်သွင်းပြောကြားခဲ့သည်။

အစိုးရတာဝန်ရှိသူများကမူ တိုက်ခိုက်မှုကို ကျူးလွန်သည့်အဖွဲ့မှာ အစိုးရအား ဆန့်ကျင်သော အုပ်စုအပါအ၀င် မည်သည့်အုပ်စုမဆို ဖြစ်နိုင်သည်ဟု ပြောကြားမှုများရှိနေပြီး နိုင်ငံတောင်ပိုင်းမှ မွတ်စလင်လက်နက်ကိုင်များနှင့် ယခင်အစိုးရဟောင်းကို ထောက်ခံသည့် ရှပ်နီများ၏ တိုက်ခိုက်ပုံများနှင့် မတူညီဟု ပြောကြားခဲ့သည်။

ယခုထုတ်ပြန်လိုက်သည့် ရုပ်ပုံကြမ်းမှ အမျိးသားမှာ အသားလတ်ပြီး၊ ထူထဲသောဆံပင်နက်ရှိကာ၊ မုတ်ဆိတ်ပါးပါးရှိ၍ မျက်မှန်အနက် တပ်ထားသူဖြစ်သည်။ ထိုအမျိုးသားမှာ ထိုင်းနိုင်ငံသား သို့မဟုတ် နိုင်ငံခြားသားလားဆိုသည်မှာ သဲကွဲခြင်းမရှိပေ။

အဆိုပါသံသယရှိသူအတွက် ထိုင်းအစိုးရမှာ ဆုငွေ ဘတ် ၁ သန်း (ကန်ဒေါ်လာ ၂၈၀၀၀) ထုတ်ထားသည်။ ရဲတပ်ဖွဲ့ကမူ အဆိုပါ ပုံကြမ်းကို တရားရုံးသို့ တင်သွင်းသွားမည်ဖြစ်ပြီး၊ ဖမ်းဝရမ်းတောင်းသွားမည်ဟု ပြောကြားခဲ့သည်။

Ref: Aljazeera