တရုတ်နိုင်ငံအရှေ့ပိုင်းတွင် ဓာတုပစ္စည်းသိုလှောင်ရုံတစ်ခု ပေါက်ကွဲမှု ထပ်ဖြစ်ပြန်

သြဂုတ် ၂၃၊ ၂၀၁၅
M-Media

– တရုတ်နိုင်ငံအရှေ့ပိုင်း ရှန်ဒုံးပြည်နယ် ဇီဘိုမြို့တွင် အန္တရာယ်ရှိသော ဓာတုဗေဒပစ္စည်းများထားရှိရာ သိုလှောင်ရုံ၌ ယမန်နေ့က ပေါက်ကွဲမှုဖြစ်ပွားခဲ့ပြီး ကနဦးသတင်းအရ အနည်းဆုံး လူ ၉ ဦး ဒဏ်ရာရရှိခဲ့သည်ဟု သိရသည်။

လူနေဧရိယာနှင့် ၁ ကီလိုမီတာအကွာတွင်ရှိပြီး Runxing Chemical ကုမ္ပဏီလီမိတက်မှ ပိုင်ဆိုင်သော စက်ရုံရှိ အဆိုပါ သိုလှောင်ရုံမှာ ဒေသစံတော်ချိန် ယမန်နေ့ည ၈ နာရီ မိနစ်၄၀ ခန့်က ပေါက်ကွဲခဲ့ခြင်းဖြစ်သည်ဟု People’s Daily သတင်းစာမှ တာဝန်ရှိသူများ၏ ပြောကြားမှုကို ကိုးကား၍ စင်ဟွာသတင်းဌာနက ဖော်ပြခဲ့သည်။

ပေါက်ကွဲမှုအတွင်း အနည်းဆုံး လူ ၉ ဦး ဒဏ်ရာရရှိခဲ့သည်ဟု တရုတ်မီဒီယာများက ဖော်ပြကြပြီး စာရင်းအတိအကျမှာ ထွက်မလာသေးပေ။

ကနဦးပေါက်ကွဲမှုများ ဖြစ်ပွားခဲ့ပြီးနောက် အဆိုပါသိုလှောင်ရုံမှာ မီးလောင်သွားခဲ့ပြီး မီးသတ်သမား ၁၅၀ ခန့်မှာ အခင်းဖြစ်ပွားရာနေရာသို့ ရောက်ရှိကာ မီးငြှိမ်းသက်မှုများကို ပြုလုပ်ခဲ့ကြသည်။ People’s Daily သတင်းစာကမူ စနေနေ့ညနှောင်းပိုင်းတွင် အဆိုပါ မီးလောင်မှုကို ထိန်းချုပ်နိုင်ခဲ့သည်ဟု ဖော်ပြခဲ့သည်။ သို့သော်လည်း အခင်းဖြစ်ပွားရာပတ်ဝန်းကျင်ရှိ နေအိမ်များ ပျက်ဆီးဆုံးရှုံးခဲ့လားဆိုသည်ကို ရှင်းရှင်းလင်းလင်း မသိရသေးပေ။

ပေါက်ကွဲမှုဖြစ်ပွားရာ သိုလှောင်ရုံရှိသော အဆိုပါစက်ရုံမှာ ဓာတုအရည်တစ်မျိုးကို ထုတ်လုပ်သည့် စက်ရုံဖြစ်ပြီး အဆိုပါဓာတုအရည်မှာ မီးနှင့်ဓာတ်ပြုပါက အဆိပ်အတောက်ရှိသည့် ဓာတ်ငွေ့ကို ထုတ်ပေးသောကြောင့် ပတ်ဝန်းကျင်ညစ်ညမ်းမှု ဖြစ်စေမည်ဟူသော စိုးရိမ်မှုများလည်း ရှိနေသည်။

တရုတ်နိုင်ငံ မြောက်ပိုင်းရှိ တီယန်ဂျင်းမြို့တွင်လည်း ပြီးခဲ့သည့်တစ်ပတ်က ဓာတုပစ္စည်း တန် ၇၀၀ ကျော် သိုလှောင်ထားသော သိုလှောင်ရုံတစ်ခု ပေါက်ကွဲခဲ့သောကြောင့် လူပေါင်း ၁၂၁ ဦး သေဆုံးခဲ့ကာ ၅၀ ကျော်မှာ ပျောက်ဆုံးနေဆဲဖြစ်သည်။ ထို့ပြင် အခင်းဖြစ်ပွားရာတစ်ဝိုက်တွင် ကြီးကြီးမားမား ပျက်ဆီးဆုံးရှုံးခဲ့သည်။

Ref: RT,BBC