ယူဂန်ဒါ၏ ပထမဆုံး အစ္စလာမ့်ရုပ်သံလိုင်း အောင်မြင်မှုရရှိ

သြဂုတ် ၂၃၊ ၂၀၁၅
M-Media

– နိုင်ငံအတွင်း အစ္စလာမ့်အလှတရားများ ပိုမိုပြန့်နှံ့စေရန်၊ မွတ်စလင်လူ့အဖွဲ့အစည်းကို အသိပညာနှင့် ဗဟုသုတများ မျှဝေရန်ရည်ရွယ်၍ အာဖရိကနိုင်ငံဖြစ်သည့် ယူဂန်ဒါနိုင်ငံတွင် ပထမဆုံး အစ္စလာမ့်ရုပ်သံလိုင်းတစ်ခုကို ထုတ်လွှင့်တင်ဆက်ခဲ့ပြီး အောင်မြင်မှုများလည်း ရရှိနေပြီဖြစ်သည်။

“ကျွန်တော်တို့ရဲ့ ပရိတ်သတ်တွေက သူတို့နဲ့သက်ဆိုင်မယ့် ရုပ်သံလိုင်းတစ်ခုကို တောင်းဆိုခဲ့ပြီး ဒီဟာက အဲဒီစိတ်ကူးကို အကောင်အထည်ဖော်လိုက်တာပါပဲ” ဟု နိုင်ငံ၏ ပထမဆုံး အစ္စလာမ့်ရုပ်သံလိုင်း SalamTV ၏ မန်းနေးဂျင်းဒါရိုက်တာ အလ်-ဟဂ်ျ ကရင်မ် ကာလီဆာက ပြောကြားခဲ့သည်။

ယူဂန်ဒါနိုင်ငံအတွင်း အစ္စလာမ့်ရေဒီယို လိုင်းပေါင်းများစွာ ရှိသော်လည်း ရုပ်သံလိုင်းကိုတောင်းဆိုသူ များပြားလာခဲ့ခြင်းဖြစ်သည်။ ယခုရုပ်သံလိုင်းမထူထောင်ခင် ကာလီဆာမှာ ရုပ်သံကုမ္ပဏီများကို ချဉ်းကပ်ခဲ့ပြီး အစ္စလာမ့်အစီအစဉ်များကို ထုတ်လွှင့်တင်ဆက်ခွင့်ရရန် ကြိုးစားခဲ့ကာ တစ်နေ့လျှင် ၁၅ မိနစ်မှာ မိနစ် ၃၀ အထိသာ ထုတ်လွှင့်ခွင့်ရရှိခဲ့သည်။

ထို့နောက် ၂၀၁၄ ခုနှစ် ရမ်ဇာန်ဥပုသ်လတွင် နိုင်ငံရှိ ရုပ်သံလိုင်း ၃ လိုင်းမှ တစ်လိုင်းမှာ တစ်ပတ်လျှင် တစ်နာရီ ထုတ်လွှင့်ခွင့်မှ ၅ နာရီ ထုတ်လွှင့်ခွင့် ပေးခဲ့သည်။ ထို့နောက်တွင် Salam TV ကို တည်ထောင်ကာ ယခုနှစ် ရမ်ဇာန်ဥပုသ်လမတိုင်ခင် ဇွန်လ ၁၀ ရက်နေ့တွင် စတင် ထုတ်လွှင့်နိုင်ခဲ့သည်။

အဆိုပါရုပ်သံလိုင်းကို အရှေ့၊ အလယ်နှင့် တောင်အာဖရိကတို့ ပေါင်းစည်းထားသော မွတ်စလင်သမဂ္ဂနှင့်အတူ ဆောင်ရွက်ခြင်းဖြစ်သည်။ အဆိုပါမွတ်စလင်သမဂ္ဂမှာ နိုင်ငံအတွင်း အစ္စလာမ့်ရေဒီယို ၅ ခုအတွက် ထောက်ပံ့ပေးထားသည်။

“ကျွန်တော်တို့ရဲ့ အဓိကလုပ်ငန်းစဉ်ကတော့ မွတ်စလင်လူ့အဖွဲ့အစည်း ဖွံ့ဖြိုးတိုးတက်ဖို့ပါ။ ပြီးတော့ ပိုမိုပျော်ရွှင်ဖွယ်ရာကောင်းတဲ့ ဘ၀တွေကို ရရှိနိုင်ဖို့အတွက် သူတို့တွေဟာ လုံလောက်တဲ့ ဗဟုသုတနဲ့ သတင်းအချက်လက်တွေကို အသေအချာ ရရှိစေဖို့ဖြစ်ပါတယ်” ဟု ကာလီဆာက ပြောကြားခဲ့သည်။

ထို့ပြင် အဆိုပါရုပ်သံလိုင်းနှင့် ပတ်သက်၍ တုံ့ပြန်မှုများလည်း ကောင်းမွန်ပြီး မိသားစု ဆွေမျိုးအသိုင်းအ၀ိုင်းနှင့် မျက်နှာပူစရာမလိုဘဲ ကြည့်ရှုနိုင်သည့် တစ်ခုတည်းသော ရုပ်သံလိုင်းအဖြစ် ပရိတ်သတ်များက ယူဆထားသည်ဟု ဆိုသည်။

အောင်မြင်မှုများ

အစ္စလာမ့်ရုပ်သံလိုင်း ပေါ်ထွက်လာခြင်းနှင့်အတူ ယူဂန်ဒါရှိ မွတ်စလင်ခေါင်းဆောင်များမှာ ကမ္ဘာတစ်ဝှမ်းမှ အစ္စလာမ့်ဓမ္မပညာရှင်များကို ဖိတ်ခေါ်ကာ ကုရ်အာန်ကျမ်းတော်မြတ်နှင့် တမန်တော်မုဟမ္မဒ်သခင်၏ သွန်သင်ဆုံးမှုများအပါအ၀င် စစ်မှန်သော အစ္စလာမ်၏ သွန်သင်မှုများအား ထိုရုပ်သံမှတစ်ဆင့် ဟောပြောပို့ချစေခဲ့သည်။

“အစ္စလာမ်ရဲ့ အလှတရားနဲ့ပတ်သက်ပြီး ကျွန်တော်တို့ ဆွေးနွေးမှုတွေ ပြုလုပ်ကတည်းက ပရိတ်သတ်က တော်တော်လေး ကြိုဆိုခဲ့ကြပါတယ်” ဟု Salam TV မှ ဒါဝါဟ်ကဏ္ဍ အကြီးအကဲဖြစ်သူ ရှာဘန် အွသ်မန် မန်ယာက ပြောကြားခဲ့သည်။

ထိုကဲ့သို့ အစ္စလာမ့်အကြောင်းအရာများကို သီးသန့်တင်ပြသည့် ရုပ်သံလိုင်း ပေါ်လာသော်လည်း အခြား ဖျော်ဖြေရေးရုပ်သံများတွင် ဖော်ပြနေသော အစ္စလာမ့်ကဏ္ဍများအတွက် ပရိတ်သတ်များကို ထိခိုက်ခြင်းမရှိဟု ဆိုသည်။

“Salam TV ဖြစ်လာတာဟာ ဖျော်ဖြေရေးရုပ်သံလိုင်းတွေက နာရီဝက်စာ အစ္စလာမ့်အစီအစဉ်တွေကို အဆုံးသတ်သွားမှာ မဟုတ်ပါဘူး။ သူတို့မှာလည်း မွတ်စလင်ပရိတ်သတ်တွေ လိုပါတယ်။ ဒါပေမယ့် Salam TV ကတော့ မွတ်စလင်တွေအတွက် ပိုအဆင်ပြေတယ်ဆိုတာ ကျွန်တော်တို့ သိပါတယ်။ သူတို့ ဖျော်ဖြေရေးရုပ်သံတွေကို ဆက်လက်ကြည့်လို့ရပေမယ့် ကျွန်တော်တို့ရုပ်သံလိုင်း ရှိနေတယ်ဆိုတာ
သိရုံလောက်ပါပဲ” ဟု ရှာဘန်က ယုံကြည်မှုရှိစွာ ပြောကြားခဲ့သည်။

အဆိုပါ SalamTV ကို အစ္စလာမ်ဘာသာဝင်မဟုတ်သူများလည်း တစ်ဖြည်းဖြည်းဖြင့် စိတ်ဝင်စားလာကြသည်။

ခရစ်ယာန်ဘာသာဝင် ပရိတ်သတ်တစ်ဦးဖြစ်သူ ဒါမာလီ နန်ဒ်ကမူ မိမိမှာ ဇင်ဘာဘွေမှ မွဖ်သီတစ်ဦးဖြစ်သူ အစ္စမာအီလ် မူဆာ မန့်က်ကြောင့် Salam TV ကို နှစ်ခြိုက်ခြင်းဖြစ်သည်ဟု ပြောကြားခဲ့သည်။

“သူက ငြိမ်းချမ်းရေး၊ ညီညွတ်ရေးနဲ့ ချစ်ခြင်းမေတ္တာအကြောင်းတွေသာမက သူဖတ်ပြတဲ့ ကုရ်အာန်ကျမ်းတော်မြတ်က စာကြောင်းတွေကို အင်္ဂလိပ်လို ဘာသာပြန်ပြတဲ့အတွက်လည်း သူ့ရဲ့အစီအစဉ်ကို တော်တော်လေး ကြွေပါတယ်။ ကျွန်တော် ပိုနားလည်နိုင်တာပေါ့ဗျာ”

၂၀၀၂ ခုနှစ် သန်းခေါင်စာရင်းကောက်ယူမှုအရ ယူဂန်ဒါနိုင်ငံတွင် အစ္စလာမ်ဘာသာကို သက်ဝင်ယုံကြည်သူဦးရေမှာ နိုင်ငံလူဦးရေ သန်း ၃၀ ကျော်တွင် ၁၂.၁ ရာခိုင်နှုန်းရှိပြီး နိုင်ငံအရှေ့ပိုင်းတွင် အများဆုံးအခြေစိုက်နေထိုင်ကြသည်။

Ref: Onislam