ပက်ဒရိုဂိုးသွင်းပြီး ချယ်ဆီးအနိုင်ရ၊ မန်စီးတီး စံချိန်သစ်တင်ခဲ့ပြီး မန်ယူသရေကျခဲ့တဲ့ ပရီးမီးယားလိဂ် ပွဲစဉ် ၃

သြဂုတ် ၂၄၊ ၂၀၁၅
M-Media

– ဒီတစ်ပတ် ပရီးမီးယားလိဂ် ပွဲစဉ် ၃ မှာတော့ သရေပွဲ ၅ ပွဲအထိရှိပြီး ချယ်ဆီးက ပရီးမီးယားလိဂ် ပထမဆုံး အနိုင်ရခဲ့ကာ၊ မန်စီးတီးကလည်း နိုင်ပွဲဆက်ခဲ့ပါတယ်။

အိုးထရက်ဖို့ဒ်မှာကစားခဲ့တဲ့ မန်ယူနဲ့ နယူးကာဆယ်တို့ရဲ့ပွဲမှာ မန်ယူက ခြေစွမ်းအသာရခဲ့ပြီး ဂိုးသွင်းခွင့်တွေ ရခဲ့ပေမယ့် တိုက်စစ်မှူးတွေ အဆုံးသတ်မသေချာခဲ့တာနဲ့ နယူးကာဆယ်နောက်တန်းရဲ့ အကောင်းဆုံး ဟန့်တားထားနိုင်မှုတွေကြောင့် ဂိုးမရှိသရေနဲ့သာ အဆုံးသတ်ခဲ့ပါတယ်။ အဓိကတိုက်စစ်မှူး ရူနီကတော့ ဒီပွဲနဲ့ဆို ပရီးမီးယားလိဂ်ပွဲ ၈ ပွဲဆက် ဂိုးပေါက်ပျောက်ခဲ့တာဖြစ်ပါတယ်။ ဗန်ဂါးလ်က အသင်းဟာ ကံမကောင်းတဲ့အတွက် မနိုင်ခဲ့တာလို့ ပွဲအပြီးမှာပြောခဲ့ပါတယ်။

ဒီနှစ်မှာ တာထွက်မလှတဲ့ ချယ်ဆီးကတော့ အဝေးကွင်းမှာ ၀က်စ်ဘရွန်းကို အနိုင်ကစားခဲ့ပါတယ်။ ပြီးခဲ့တဲ့တစ်ပတ်ကမှ ခေါ်ယူထားတဲ့ တိုက်စစ်မှူး ပက်ဒရို ပါဝင်ကစားကာ ခြေစွမ်းပြခဲ့ပြီး အသင်းရဲ့ ပထမဂိုးကိုလည်း သွင်းယူပေးခဲ့ပါတယ်။ အဲဒီဂိုးမတိုင်ခင်မှာ ချယ်ဆီး ပင်နယ်တီပေးခဲ့ရပြီး ဂိုးသမား ကော်တိုအစ် ကာကွယ်နိုင်ခဲ့ပါတယ်။ ပထပိုင်းမှာ ပက်ဒရို၊ ဒီယေဂို ကော်စတာနဲ့ အက်ဇ်ပီလီကျူတာတို့ရဲ့
ဂိုးတွေကြောင့် ၃ ဂိုး ၁ ဂိုးနဲ့ ဦးဆောင်တဲ့ ချယ်ဆီး ဒုတိယပိုင်းမှာ နောက်ခံလူတယ်ရီ အနီကဒ်ပြ အထုတ်ခံရခြင်းနဲ့အတူ တစ်ဂိုးထပ်ပေးလိုက်ရပေမယ့် အနိုင် ၃ မှတ်တော့ အရယူနိုင်ခဲ့ပါတယ်။

အိမ်ကွင်းမာတဲ့ အဲဗာတန်ကို အနိုင်ကစားနိုင်ခဲ့တဲ့ မန်စီးတီးဟာ ရာနှုန်းပြည့်နိုင်ပွဲနဲ့ ပရီးမီးယားလိဂ်ကို ဦးဆောင်နေတဲ့အပြင် ၁၉၁၂ ခုနှစ်နောက်ပိုင်း ပထမဆုံးအကြိမ်အဖြစ် ပရီးမီးယားလိဂ် ၉ ပွဲဆက် အနိုင်ရတဲ့ စံချိန်ကိုလည်း ရရှိခဲ့ပါတယ်။ ပြီးခဲ့တဲ့ ၂ ပွဲမှာ မရှုံးခဲ့တဲ့ အဲဗာတန် ဒီတစ်ပတ်မှာလည်း ခြေစွမ်းကောင်း ပြသနိုင်ခဲ့ပေမယ့် မန်စီးတီးက ပိုကောင်းခဲ့တာကြောင့် အရှုံးပေးခဲ့ရတာလည်း ဖြစ်ပါတယ်။ ပထမပိုင်းမှာ လူကာကူရဲ့ သွင်းဂိုးတစ်ဂိုး လူကျွံနေတာနဲ့ သူ့ရဲ့ ဖရီကစ်တစ်လုံး ဘားထိထွက်ခဲ့တာကြောင့်လည်း အဲဗာတန် နစ်နာခဲ့ရတာဖြစ်ပါတယ်။ မန်စီးတီးအတွက် ဂိုးတွေကိုတော့ မိနစ် ၆၀ နဲ့ ၈၈ မိနစ်တွေမှာ ကိုလာရော့ဗ်နဲ့ နာဆရီတို့က သွင်းယူပေးခဲ့တာဖြစ်ပါတယ်။

ပြီးတဲ့နှစ်ပွဲမှာ ရာနှုန်းပြည့်နိုင်ပွဲရခဲ့တဲ့ ရာနီရေးရီရဲ့ လက်စတာဟာ ဒီတစ်ပတ်မှာတော့ စပါးကို အိမ်ကွင်းမှာ တစ်ဂိုးစီသရေကျခဲ့ပါတယ်။ ၈၁ မိနစ်မှာ ဦးဆောင်ဂိုးပေးလိုက်ရပေမယ့် တစ်မိနစ်အကြာမှာပဲ ဂိုးသွင်းစက် မဟ်ရက်ဇ်က ချေပဂိုး ပြန်သွင်းပေးခဲ့တာပါ။

ပါဂျူးရဲ့ ခရစ္စတယ်ပဲလေ့စ်ကလည်း အိမ်ကွင်းမှာ ဆာကိုရဲ့ နောက်ကျဂိုးနဲ့ အက်စတွန်ဗီလာကို အနိုင်ယူနိုင်ခဲ့ပြီး အဆင့် ၄ နေရာကို
တက်လှမ်းလာနိုင်ခဲ့ပါတယ်။

ဒီတစ်ပတ် ပရီးမီးယားလိဂ် ရလဒ်များကတော့ အောက်ပါအတိုင်းဖြစ်ပါတယ်။

မန်ယူ ၀-၀ နယူးကာဆယ်
ခရစ္စတယ်ပဲလေ့စ် ၂-၁ အက်စတွန်ဗီလာ
လက်စတာ ၁-၁ စပါး
နော်ဝစ်ခ်ျ ၁-၁ စတုတ်
ဆန်းဒါးလန်း ၁-၁ ဆွမ်ဆီး
ဝက်စ်ဟမ်း ၃-၄ ဘုန်းမောက်
ဝက်စ်ဘရွန်း ၂-၃ ချယ်ဆီး
အဲဗာတန် ၀-၂ မန်စီးတီး
ဝက်ဖို့ဒ် ၀-၀ ဆောက်သက်တမ်