နာဆာ၏ အာကာသအခြေချ ဒီဇိုင်းပြိုင်ပွဲတွင် ပါကစ္စတန်ကျောင်းသားတစ်ဦး ဒုတိယရရှိ

သြဂုတ် ၂၄၊ ၂၀၁၅
M-Media

– နာဆာမှပြုလုပ်သည့် ၂၀၁၅ အေမက်စ်အာကာသအခြေချ ဒီဇိုင်းပြိုင်ပွဲ Ames Space Settlement Design Contest 2015 တွင် ပါကစ္စတန်လူငယ်တစ်ဦးက ဒုတိယဆု ဆွတ်ခူးရရှိခဲ့သည်ဟု သိရသည်။

ရှား မီရ် အိုင်ဇက်ဆိုသူဖြစ်ပြီး O’ Levels ကျောင်းသားတစ်ဦးဖြစ်ကာ Beyond Infinity – Eros Outer
Atmosphere Settlement ဟု အမည်ရသော ဒီဇိုင်းဖြင့် ဆုရရှိခဲ့ခြင်းဖြစ်သည်။ အဆိုပါပြိုင်ပွဲမှာ နာဆာအေမက်စ် သုတေသနစင်တာမှ နှစ်စဉ် ကြီးမှူးကျင်းပသော ပြိုင်ပွဲဖြစ်ပြီး Grade 7 မှ Grade 12 အထိ ကျောင်းသားများ ၀င်ရောက်ယှဉ်ပြိုင်ရသည်။

ထိုပြိုင်ပွဲကို ကမ္ဘာတစ်ဝှမ်းမှ တစ်ဦးချင်း၊ ၂ ဦးမှ ၅ ဦးအထိပါဝင်သည့် အဖွဲ့ငယ်များ၊ ၆ ဦးနှင့်အထက် ပါဝင်သော အဖွဲ့ကြီများကို ဖိတ်ခေါ်ကာ ကျင်းပခြင်းဖြစ်ပြီး အာကာသတွင် အခြေချနေထိုင်မည့် ပုံစံများဒီဇိုင်းကို ရေးဆွဲတင်သွင်းရသည့် ပြိုင်ပွဲဖြစ်သည်။

ယခုနှစ်ပြိုင်ပွဲမှာ အာကာသတွင် လူပေါင်း တစ်သောင်းကျော် နေထိုင်နိုင်မည့် မြို့တစ်ခုကို ရေးဆွဲတည်ဆောက်ရခြင်းဖြစ်ကာ ကျောင်းသားများ၏ အင်ဂျင်နီရာဆိုင်ရာကျွမ်းကျင်မှု၊ အာကာသ ဗဟုသုတနှင့် ဖန်တီးနိုင်စွမ်းတို့ ဖော်ထုတ်ပေးခြင်းလည်းဖြစ်သည်။

ထိုကဲ့သို့တင်သွင်းသော ဒီဇိုင်းများကို NASA Ames မှ စီစစ်ရွေးချယ်ခြင်းဖြစ်သည်။ ထိုပြိုင်ပွဲကို ၁၉၉၄ ခုနှစ်မှစတင်ကာ ကျင်းပပြုလုပ်လာခဲ့ခြင်းဖြစ်ပြီး ယခုနှစ်တွင် ကျောင်းသားပေါင်း ၃၀၀၇ ဦးမှ ဒီဇိုင်းပေါင်း ၉၉၄ ခုကို ရရှိခဲ့သည်။ ပါဝင်ယှဉ်ပြိုင်ကြသူများမှာ အမေရိကန်ပြည်ထောင်စု ပြည်နယ် ၁၄ ခုနှင့် ကမ္ဘာတစ်ဝှမ်း နိုင်ငံပေါင်း ၂၁ နိုင်ငံမှ ဖြစ်ကြသည်။

Ref: Tribune