နိုင်ငံတကာသတင်းတို (သြဂုတ် ၂၄၊ ၂၀၁၅)

သြဂုတ် ၂၄၊ ၂၀၁၅
M-Media

ဘန်ကောက်တွင် ဗုံတစ်လုံးတွေ့ပြီး စနက်တံဖြုတ်ခဲ့ရ
………………………………..
ဘန်ကောက်မြို့ရှိ ဆောက်လုပ်ရေးလုပ်သားတစ်ဦး နေထိုင်သော တိုက်ခန်းတစ်ခန်းတွင် ဗုံးတစ်လုံးတွေ့ခဲ့ရသောကြောင့် သွားရောက်ကြည့်ရှုကာ စနက်တံ ဖြုတ်ခဲ့ပြီးနောက် ဖျက်ဆီးခဲ့သည်ဟု ထိုင်းရဲတပ်ဖွဲ့က ယနေ့တွင် ပြောကြားခဲ့သည်။ ပြီးခဲ့သည့် တစ်ပတ်က ဘန်ကောက်မြို့ရှိ ဟိန္ဒူဘုရားကျောင်းတွင် ဗုံးပေါက်ကွဲခဲ့သောကြောင့် အနည်းဆုံး လူ ၂၀ သေဆုံးခဲ့ပြီး ဗုံးဖောက်ခွဲသည့်
သံသယရှိသူများကို ရှာဖွေမှုပြုလုပ်နေသော်လည်း ယခုအချိန်အထိ ဖမ်းဆီးရမိခြင်း မရှိသေးချေ။

အမေရိကန်ဒေသအချို့တွင် တောမီးများ လောင်ကျွမ်းနေ
………………………………….
အမေရိကန်ပြည်ထောင်စု အလယ်ပိုင်းနှင့် အရှေ့ပိုင်းဒေသများတွင် တောမီးလောင်မှု ၁၆ ခုဖြစ်နေပြီး ယခုအချိန်အထိ အိမ်ပေါင်း ၂၀၀ ကျော် ပျက်ဆီးခဲ့ကာ လူထောင်ပေါင်းများစွာမှာ ဘေးလွတ်ရာသို့ ရွှေ့ပြောင်းနေထိုင်ကြရသည်။ အချို့ဒေသများတွင် လေတိုက်နှုန်းကြောင့် တောမီး ဆက်လက်ပြန့်နှံ့မည့် အခြေအနေတွင် ရှိနေပြီး ၀ါရှင်တန်ပြည်နယ်တွင်မူ နေအိမ်ပေါင်း ၁၂၀၀၀ ခန့်နှင့် အခြားအဆောက်အဦး ထောင်ချီခန့်မှာ မီးလောင်မည့်အန္တရာယ် ရှိနေသည်။

မြောက်ကိုရီးယားထံမှ တောင်းပန်မှုကို တောင်ကိုရီးယားလိုချင်
……………………………………….
ဒုံးကျည်များ၊ အမြှောက်များဖြင့် ပြီးခဲ့သည့်တစ်ပတ်က အပြန်အလှန် ပစ်ခတ်မှုများ ဖြစ်ပွားခဲ့ပြီး စစ်ရေးတင်းမာမှု မြင့်တက်လာသည့် တောင်ကိုရီးယားနှင့် မြောက်ကိုရီးယားတို့၏ ဆွေးနွေးမှုမှာ အဖြေထွက်ခြင်းမရှိသေးဘဲ တောင်ကိုရီးယားသမ္မတ ပက်ဂျုံဟေးကမူ မြောက်ကိုရီးယား၏ လက်နက်ဖြင့် ရန်စမှုအတွက် ရှင်းလင်းသည့် တောင်းပန်မှုမျိုး လိုချင်သည်ဟု ပြောကြားခဲ့သည်။ ထိုသို့မဟုတ်ပါက
မိမိတို့အစိုးရအနေဖြင့် သင့်လျော်သည့် ဆောင်ရွက်မှုများကို လုပ်ဆောင်သွားမည်ဖြစ်ပြီး အသံချဲ့စက်များဖြင့် စိတ်ဓာတ်စစ်ဆင်ရေးလုပ်ငန်းကိုလည်း ဆက်လက်လုပ်ဆောင်သွားမည်ဟု ဆိုသည်။

နီပေါအခြေခံဥပဒေ ဆန့်ကျင်ဆန္ဒပြမှုအတွင်း ရဲများသေဆုံး
…………………………….
နီပေါနိုင်ငံ၏ ဖွဲ့စည်းပုံအခြေခံဥပဒေသစ် တင်သွင်းမှုကို ဆန့်ကျင်သည့်အနေဖြင့် နိုင်ငံအနောက်ပိုင်းတွင် ထောင်ပေါင်းများစွာသော ပြည်သူများက ဆန္ဒပြခဲ့ကြသည်။ အဆိုပါဆန္ဒပြသူများနှင့် ရဲတပ်ဖွဲ့ဝင်များအကြား ပြင်းထန်သည့် ထိပ်တိုက်တွေ့ဆုံမှုများလည်း ဖြစ်ပွားခဲ့ပြီး တပ်ဖွဲ့ဝင် ၇ ဦးသေဆုံးခဲ့သည်ဟု ရဲတပ်ဖွဲ့က ပြောကြားခဲ့သည်။

Ref: News Agencies