မလေးရှားသို့ တရားမ၀င် ၀င်ရောက်မည့် မြန်မာနိုင်ငံသားများကို ထိုင်းဖမ်းဆီး

သြဂုတ် ၂၆၊ ၂၀၁၅
M-Media

– ထိုင်းနိုင်ငံသို့ တရားမ၀င် ၀င်ရောက်ရန် ကြိုးစားနေသည့် မြန်မာနိုင်ငံသား ၅ ဦးနှင့် လူကုန်ကူးသည့်အဖွဲ့မှ အဖွဲ့ဝင်တစ်ဦးကို ထိုင်းတောင်ပိုင်း နာရာသီဝပ် လူဝင်မှုကြီးကြပ်ရေး တာဝန်ရှိသူများက ယမန်နေ့နံနက်ပိုင်းတွင် ဖမ်းဆီးလိုက်သည်ဟု သိရသည်။

နာရာသီဝပ်ပြည်နယ် လူဝင်မှုကြီးကြပ်ရေး အကြီးတန်းတာဝန်ရှိသူ ရဲတပ်ဖွဲ့ ဗိုလ်ချုပ်ကြီး သက်ချိုင်း ပစ်တာနီလာလွတ်က ၎င်းတို့ဌာနမှာ မလေးရှားနိုင်ငံ ကလန်တန်းပြည်နယ်နှင့် ထိစပ်နေသည့် ထိုင်းဘက်ခြမ်းရှိ အိမ်တစ်အိမ်၌ မြန်မာနိုင်ငံသား အုပ်စုတစ်စု ပုန်းအောင်းနေသည်ဟု ထောက်လှမ်းရေးသတင်း ရခဲ့သည်ဟု ပြောကြားခဲ့သည်။

ထို့နောက် ရဲတပ်ဖွဲ့က အဆိုပါအိမ်အား ၀င်ရောက်စီးနင်းခဲ့ရာတွင် အသက် ၁၉ နှစ်မှ ၂၅ နှစ်အရွယ်ရှိ မြန်မာအမျိုးသား ၅ ဦးကို ဖမ်းဆီးရမိခဲ့ပြီး ၎င်းတို့ထံမှ အိတ် ၅ လုံး၊ သက်တမ်းလွန်နေပြီဖြစ်သော ထိုင်းနိုင်ငံသို့ ၀င်ရောက်ခွင့် အထောက်အထားများကို သိမ်းဆည်းရမိခဲ့သည်။

၎င်းတို့ ၅ ဦးအပြင် အသက် ၃၀ အရွယ် ထိုင်းနိုင်ငံသား ချီ ဘာကာ ချီ မူဒါကိုလည်း မေးမြန်းမှုများပြုလုပ်ရန် ရဲတပ်ဖွဲ့က ဖမ်းဆီးထိန်းသိမ်းခဲ့သည်။ ချီဘာကာကမူ အဆိုပါအိမ်မှာ လူကုန်ကူးသူ အေးဂျင့်နှစ်ယောက်က ပို့ဆောင်ပေးမည့် မြန်မာနိုင်ငံသားများအတွက် လမ်းခုလတ် နားခိုရာနေရာ ဖြစ်သည်ဟု ပြောကြားခဲ့သည်။

ထို့ပြင် မြန်မာနိုင်ငံသားများကို ထိုင်း-မလေးရှားနယ်စပ်ရှိ တောလမ်းကြောင်းမှတစ်ဆင့် မလေးရှားသို့ ခေါ်ဆောင်သွားမည်ဟုလည်း ၎င်းက ဆိုသည်။

၎င်းတို့အုပ်စုကို လက်ရှိအချိတွင် ဆွန်ဂိုင်း ဂိုလော့ရဲစခန်း၌ ထိန်းသိမ်းထားပြီး နာရာသီဝပ် ပြည်နယ်တရားရုံးသို့ ပို့ဆောင်ကာ တရားစွဲဆိုသွားမည်ဖြစ်သည်။

Ref: The Malaysian Insider