နိုင်ငံတကာသတင်းတို (သြဂုတ် ၂၆၊ ၂၀၁၅)

သြဂုတ် ၂၆၊ ၂၀၁၅
M-Media

ဘေးအန္တရာယ်ကင်းရှင်းရေးအဖွဲ့ အကြီးအကဲကို တရုတ်ထုတ်ပယ်
………………………………….
ယခုလအတွင်း လူပေါင်း ၁၀၀ ကျော် သေဆုံးခဲ့သည့် တီယန်ဂျင်းမြို့ ဓာတုဗေဒ ပစ္စည်းများ သိုလှောင်ရုံ ပေါက်ကွဲမှု ဖြစ်ပွားခဲ့ပြီးနောက် နိုင်ငံ၏ ဘေးအန္တရာယ်ကင်းရှင်းရေးအဖွဲ့အကြီအကဲ ယန်ဒေါင်လီယန်းကို ချစားမှုဖြင့် ထုတ်ပယ်လိုက်သည်ဟု တရုတ်နိုင်ငံပိုင် စင်ဟွာသတင်းဌာနက ယနေ့တွင် ဖော်ပြခဲ့သည်။ အဆိုပါ သိုလှောင်ရုံအတွက် ခွင့်ပြုမိန့်များကို မသမာသည့်နည်းလမ်းများဖြင့် ရယူသည်ဟု သတင်းများလည်း စောစောပိုင်းက ထွက်ပေါ်ခဲ့ပြီး ယန်ဒေါင်လီယန်ကို တရုတ်ကွန်မြူနစ်ပါတီ၏ ချစားမှုစောင့်ကြည့်ရေးအဖွဲ့က စစ်ဆေးခဲ့ကာ ယခုကဲ့သို့ ထုတ်ပယ်လိုက်ခြင်းလည်း ဖြစ်သည်။

ဥရောပတွင် စစ်မဖြစ်ရန် ရုရှားနှင့်နေတိုးအဖွဲ့တို့ ဘုံသဘောတူညီချက် ယူရမည်
………………………………………
ရုရှားနှင့် အနောက်နိုင်ငံများအကြားတွင် မထင်မှတ်ဘဲ စစ်ဖြစ်ပွားနိုင်သည့် အန္တရာယ်ကို လျော့ချရန်အတွက် နေတိုးအဖွဲ့နှင့် ရုရှားတို့မှာ သဘောတူညီချက်တစ်ခု ယူရမည်ဟု နိုင်ငံတကာမှ နိုင်ငံခြားရေးနှင့် ကာကွယ်ရေးဝန်ကြီးဟောင်းများဖြင့် ဖွဲ့စည်းထားသည့် အဖွဲ့က ပြောကြားလိုက်သည်။ ယူကရိန်းပြဿနာကြောင့် ဥရောပတွင် နေတိုးအဖွဲ့နှင့် ရုရှားတို့မှာ စစ်ရေးလေ့ကျင့်မှုများကို တိုးမြှင့်ပြုလုပ်လာခဲ့ကြပြီး၊ ပြိုင်ဘက် တိုက်လေယာဉ်များအကြား လေပေါ်၌ ထိပ်တိုက်တွေ့ဆုံမှုများမှာလည်း မြင့်တက်လာခဲ့သည်။

၁၉၉၆ ဆော်ဒီဗုံးဖောက်ခွဲမှု အဓိကသံသယရှိသူကို ဖမ်းဆီးရမိ
…………………………………
ဆော်ဒီအာရေဗျနိုင်ငံ ဒါရန်ရှိ အမေရိကန်စစ်အခြေစိုက်စခန်းမှ ခိုဘာတာဝါကို ၁၉၉၆ ခုနှစ်တွင် ဗုံးဖောက်ခွဲမှုမှ အဓိကသံသယရှိသူ ဟစ်ဇ်ဘိုလာ အလ်-ဟေဂျက်ဇ်အဖွဲ့ခေါင်းဆောင် အဟ်မဒ် အလ်-မူဂက်စ်စီလ်ကို နှစ် ၂၀ နီးပါး ကြာပြီးမှ ဖမ်းဆီးရမိခဲ့သည်ဟု ဆော်ဒီသတင်းစာတစ်ခုက ယနေ့တွင် ဖော်ပြခဲ့သည်။ အလ်- မူဂက်စ်စီလ်ကို လက်ဘနွန်နိုင်ငံ ဘေရွတ်မြို့တွင် ဖမ်းဆီးရမိခဲ့ခြင်းဖြစ်ပြီး ဆော်ဒီသို့ လွှဲပြောင်းပေးခဲ့ပြီဟု ဆိုသည်။ သို့သော်လည်း မည်သည့်အချိန်တွင် မည်သူက ဖမ်းဆီးခဲ့သည်ကို ဖော်ပြခဲ့ခြင်းမရှိချေ။
ထိုပေါက်ကွဲမှုအတွင်း အမေရိကန်စစ်သား ၁၉ ဦးသေဆုံးခဲ့ကာ လူ ၅၀၀ နီးပါး ဒဏ်ရာရရှိခဲ့သည်။

Ref: News Agencies