ရော်နယ်ဒိုကိုကျော်ဖြတ်ကာ ဥရောပအကောင်းဆုံးဆုကို မက်ဆီရရှိ

သြဂုတ် ၂၈၊ ၂၀၁၅
M-Media

– ပြီးခဲ့သည့်နှစ် ဘောလုံးရာသီ ဥရောပအကောင်းဆုံး ဘောလုံးသမားဆုအတွက် မဲပေးရွေးချယ်ခဲ့ရာ ဘာစီလိုနာတိုက်စစ်မှူး မက်ဆီက ဆွတ်ခူးရရှိသွားခဲ့ပြီး၊ ယခုနှစ်၏ ပထမဆုံး အကောင်းဆုံးဆုတွင် ရော်နယ်ဒိုအား ကျော်ဖြတ်နိုင်ခဲ့သည်။

ဇကာတင်စာရင်းမှာ ရော်နယ်ဒို၊ ဆွာရက်ဇ်နှင့် မက်ဆီတို့ဖြစ်ကြပြီး ယမန်နေ့ကပြုလုပ်ခဲ့သည့် ဆုပေးပွဲအခမ်းအနားတွင် မက်ဆီက ရော်နယ်ဒိုနှင့် ဆွာရက်ဇ်တို့ကိုဖြတ်ကျော်ကာ ရရှိခဲ့ခြင်းလည်းဖြစ်သည်။ အဆိုပါဆုအတွက် ဥရောပတစ်ဝှမ်းရှိ ဂျာနယ်လစ်များက မဲပေးခဲ့ကြခြင်းဖြစ်သည်။

မက်ဆီမှာ ဖလား ၃ လုံးရခဲ့သည့် ဘာစီလိုနာအသင်းအတွက် ပြီးခဲ့သည့်ရာသီက စုစုပေါင်း ၅၈ ဂိုး သွင်းပေးခဲ့ပြီး ၃၁ ဂိုး ဖန်တီးပေးခဲ့သည်။ ဥရောပအကောင်းဆုံး ဘောလုံးသမားဆုကို ဒုတိယ အကြိမ်မြောက် ရရှိခြင်းလည်းဖြစ်ပြီး ထိုဆုကို ၂ ကြိမ်မြောက်ရရှိသည့် ပထမဆုံးကစားသမားလည်း ဖြစ်လာခဲ့သည်။

“ပြီးခဲ့တဲ့ရာသီဟာ ကျွန်တော်တို့တွက် အံ့သြစရာကောင်းတဲ့ရာသီ ဖြစ်ခဲ့ပါတယ်။ လျှို့ဝှက်ချက်များ ရှိသလားဆိုတာတော့ ကျွန်တော် မသိပါဘူး။ အ၀တ်လဲခန်းထဲမှာ ကျွန်တော်တို့ ညီညွတ်ခဲ့ကြပြီး ဒါက မေ့ပစ်လို့မရတဲ့ နှစ်တစ်နှစ် ဖြစ်စေခဲ့ပါတယ်။ အသင်းဖော်တွေကို ကျေးဇူးတင်ပါတယ်။ ကျွန်တော်တို့အားလုံးဟာ အသင်းကို ကိုယ်စားပြုသူတွေပါ။ သူတို့ကြောင့်၊ ကလပ်ကြောင့်သာမဟုတ်ရင်
ကျွန်တော် ဒီနေရာမှာ ရှိမှာမဟုတ်ပါဘူး” ဟု မက်ဆီက ဆုပေးပွဲအပြီးတွင် ပြောကြားခဲ့သည်။

မက်ဆီမှာ ချန်ပီယံလိဂ်တွင် ၁၀ ဂိုးသွင်းကာ ရော်နယ်ဒို နေးမာတို့နှင့်အတူ ဂိုးသွင်းအများဆုံးဖြစ်ခဲ့ပြီး၊ ပြီးခဲ့သည့်နှစ်အတွင်း ကလပ်အသင်းနှင့် နိုင်ငံအသင်းအတွက် စုစုပေါင်း ၆၂ ဂိုး သွင်းယူပေးနိုင်ခဲ့သည်။

ယခုကဲ့သို့ ဥရောပအကောင်းဆုံး ကစားသမားဆု ရရှိခဲ့သောကြောင့် ယခုနှစ်အတွင်း ပထမဆုံးချီးမြှင့်သော အကောင်းဆုံးဆုတွင် မက်ဆီက ပြိုင်ဘက်ကစားသမား ရော်နယ်ဒိုအား အသာရခဲ့ပြီး လာမည့် ဇန်န၀ါရီတွင် ချီးမြှင့်မည့် ကမ္ဘာ့အကောင်းဆုံး ဘောလုံးသမားဆုအတွက်လည်း မက်ဆီနှင့် ရော်နယ်ဒိုသာ ယှဉ်ပြိုင်ရဖွယ်ရှိနေသည်။

Ref: Goal