မော်ရင်ဟို၊ ရော်ဂျာတို့ မျက်နှာပျက်ခဲ့ရပြီး၊ ပယ်လီဂရီ အမြင့်ဆုံးမှာပျံသန်းနေတဲ့ ပရီးမီးယားလိဂ် ပွဲစဉ် ၃

သြဂုတ် ၃၁၊ ၂၀၁၅
M-Media

– ဒီတစ်ပတ် ပရီးမီးယားလိဂ် ပွဲစဉ် ၃ မှာတော့ မန်စီးတီးက ရာနှုန်းပြည့်နိုင်ပွဲဆက်ခဲ့ပြီး၊ မော်ရင်ဟိုရဲ့ ချယ်ဆီးက အိမ်ကွင်းနိုင်ပွဲစံချိန် ကျိုးပျက်သွားပါတယ်။ လီဗာပူးလ်ကလည်း အိမ်ကွင်းမှာ အရှက်ကွဲခဲ့ပြီး၊ မန်ယူဟာ ရာသီသစ်ရဲ့ ပထမဆုံး ရှုံးပွဲကို ကြုံတွေ့ခဲ့ရပါတယ်။

အိမ်ကွင်း ပွဲ ၁၀၀ ပြည့်မြောက်တဲ့ စနေနေ့ပွဲမှာ မော်ရင်ဟို မျက်နှာကောင်းမရခဲ့ပါဘူး။ ချယ်ဆီးက ခြေစွမ်းမပြနိုင်တာထက် ခရစ္စတယ်ပဲလေ့စ်က ပိုကောင်းခဲ့တာကြောင့်ဖြစ်ပြီး မနှစ်က မှတ်ကျောက်တင်နိုင်ခဲ့တဲ့ ချယ်ဆီးနောက်တန်းဟာ ခရစ္စတယ်ပဲလေ့စ်ရဲ့ တောင်ပံတိုက်စစ်တွေကို ခက်ခက်ခဲခဲ ကာကွယ်ခဲ့ရပါတယ်။ ခြေစွမ်းပြနေတဲ့ ဘေကရီဆာခိုက ၆၅ မိနစ်မှာ အကောင်းဆုံးစွမ်းဆောင်ရည်နဲ့အတူ အဖွင့်ဂိုး သွင်းပေးခဲ့ပါတယ်။ ၇၉ မိနစ်မှာ ချယ်ဆီးတို့ ချေပဂိုးရခဲ့ပြီး မန်ယူမှာ ခြေစွမ်းမပြနိုင်တဲ့ တိုက်စစ်မှူး ဖယ်လ်ကာအိုက သွင်းပေးခဲ့တာပါ။ ဒါပေမယ့် ၈၁ မိနစ်မှာ ဆာကိုရဲ့ ဖန်တီးပေးမှုကတစ်ဆင့် ဂျိုးလ်ဝါ့ဒ်ရဲ့ ခေါင်းတိုက်ဂိုးကို ခွင့်ပြုခဲ့ရတာကြောင့် ချယ်ဆီးရဲ့ အိမ်ကွင်းစံချိန်ကောင်း ကျိုးပျက်ခဲ့ရပါတယ်။ မော်ရင်ဟိုကတော့ သူတို့အသင်းဟာ အရှုံးနဲ့ မထိုက်တန်ခဲ့ဘဲ အနည်းဆုံး သရေတော့ရသင့်တယ်လို့ ပွဲအပြီးမှာ ပြောခဲ့ပါတယ်။

အန်ဖီးလ်မှာကစားခဲ့ ၀က်စ်ဟမ်းနဲ့ လီဗာပူးလ်ပွဲမှာ ပွဲအစ ၃ မိနစ်မှာပဲ အာဂျင်တိုင်း ကွင်းလယ်လူ မန်နျူယဲလ် လန်ဇီနီက ၀က်စ်ဟမ်းအတွက် ဦးဆောင်ဂိုး သွင်းနိုင်ခဲ့တာက ဧည့်သည်အသင်းအတွက် အားတက်စရာဖြစ်ခဲ့ပြီး နောက်ပိုင်းမှာ လီဗာပူးလ်ကို သူတင်ကိုတင် ယှဉ်ကစားနိုင်ခဲ့ပါတယ်။ နောက်ထပ် အနိုင်ဂိုး ၂ ဂိုးကိုတော့ ၂၉ မိနစ်မှာ နိုဘယ်လ်နဲ့ ဒုတိယပိုင်း နာကျင်အချိန်ပိုမှာ ဆာခိုတို့က အသီးသီး သွင်းယူခဲ့တာဖြစ်ပါတယ်။ ဒီအနိုင်ဟာ အန်ဖီးလ်မှာ ၅၂ နှစ်အတွင်း ၀က်စ်ဟမ်းရဲ့ ပထမဆုံးအနိုင်လည်း
ဖြစ်ပါတယ်။

အာဆင်နယ်ကတော့ တစ်ပွဲလုံး တစ်ဖက်သက်ဖိကစားပြီး နောက်ခံလူ ကိုလိုချီနီရဲ့ ကိုယ့်ဂိုးကိုယ်သွင်းမှုကြောင့်သာ အနိုင် ၃ မှတ် ရခဲ့တာဖြစ်ပါတယ်။ နယူးကာဆယ်က ခံစစ်မှာ ပိတ်ကစားခဲ့ပေမယ့် အာဆင်နယ်တို့ ဂိုးသွင်းခွင့်တော်တော်များများရခဲ့ပြီး ဂိုးသမား ကားလ်ရဲ့ အံ့ဖွယ်လက်စွမ်းကိုတော့ ချီးကျူးရပါလိမ့်မယ်။ အာဆင်ဝင်းဂါးက အသင်းဟာ အဆုံးသတ်ပိုင်းကို အာရုံစိုက်ရမယ်လို့ ပွဲအပြီးမှာ ပြောခဲ့ပါတယ်။

ဒီတစ်ပတ်ရဲ့ နောက်ဆုံးပွဲမှာ မန်ယူတို့ ဖေဖော်ဝါရီက ကံကြမ္မာအတိုင်းပဲ ဆွမ်းဆီးကို ၂ ဂိုး ၁ ဂိုးနဲ့ အရှုံးပေးခဲ့ရပါတယ်။ ၄၈ မိနစ်မှာ မာတာက သူ့ရဲ့ ပရီးမီးယားလိဂ် ဂိုး ၅၀ မြောက်အဖြစ်ဦးဆောင်ဂိုး သွင်းပေးခဲ့ပါတယ်။ ဒုတိယပိုင်းမှာ ပိုကောင်းခဲ့တဲ့ ဆွမ်ဆီးဟာ ၆၁ မိနစ်နဲ့ ၆၆ မိနစ်တွေမှာ ချေပဂိုးနဲ့ အနိုင်ဂိုးတွေရခဲ့ပြီး ရာသီသစ်မှာ ရှုံးပွဲမရှိစံချိန်ကို ဆက်ထိန်းထားနိုင်ခဲ့ပါတယ်။ ဆွမ်ဆီးဟာ
မန်ယူနဲ့တွေ့ဆုံခဲ့တဲ့ နောက်ဆုံး ၅ ပွဲမှာ ၄ ပွဲအထိ အနိုင်ကစားနိုင်ခဲ့ပါတယ်။

မန်စီးတီးကတော့ တန်းတက်ဝက်ဖို့ဒ်ကို သက်တောင့်သက်သာကစားကာ စတာလင်၊ ဖာနန်ဒင်ဟိုတို့ရဲ့ ဂိုးတွေနဲ့ အနိုင်ရခဲ့ပြီး ရာသီသစ်မှာ အမြင့်ဆုံးအနေအထားကနေ ပျံသန်းနေပါတယ်။ အခုနှစ်မှာ အံ့သြဖွယ်ခြေစွမ်းနဲ့ လက်စတာကလည်း နောက်ကျ ပင်နယ်တီနဲ့ ဘုန်းမောက်ဆီက တစ်မှတ်ခွဲယူခဲ့ပြီး ရှုံးပွဲမရှိ စံချိန်ကို ဆက်ထိန်းထားနိုင်ခဲ့ပါတယ်။

ဒီတစ်ပတ် ပရီးမီးယားလိဂ် ရလဒ်များကတော့ အောက်ပါအတိုင်းဖြစ်ပါတယ်။

နယူးကာဆယ် ၀-၁ အာဆင်နယ်
အက်စတွန်ဗီလာ ၂-၂ ဆန်းဒါးလန်း
ဘုန်းမောက် ၁-၁ လက်စတာ
ချယ်ဆီး ၁-၂ ခရစ္စတယ်ပဲလေ့စ်
လီဗာပူးလ် ၀-၃ ၀က်စ်ဟမ်း
မန်စီးတီး ၂-၀ ၀က်ဖို့ဒ်
စတုတ် ၀-၁ ၀က်စ်ဘရွန်း
စပါး ၀-၀ အဲဗာတန်
ဆောက်သက်တမ် ၃-၀ နော်ဝစ်ခ်ျ
ဆွမ်ဆီး ၂-၁ မန်ယူ