တစ်နှစ်အတွင်း အပြောင်းအရွှေ့အတွက် ငွေကြေးသုံးစွဲမှု ပရီးမီးယားလိဂ်တွင် စံချိန်တင်

စက်တင်ဘာ ၂၊ ၂၀၁၅
M-Media

– ၂၀၁၅ ခုနှစ်အတွင်း ပရီးမီးယားလိဂ် အသင်းများ၏ အပြောင်းအရွှေ့အသုံးစားရိတ်မှာ ပေါင် ၁ ဘီလီယံသို့ ရောက်ရှိခဲ့ပြီး ပရီးမီးယားလိဂ်သမိုင်းတစ်လျှောက် မှတ်တိုင်သစ် စိုက်ထူနိုင်ခဲ့ခြင်းလည်း ဖြစ်သည်။

နွေရာသီအပြောင်းအရွှေ့မှာ ယမန်နေ့က ပိတ်သွားခဲ့ပြီး၊ ထိုကာလတစ်ခုတည်းမှာပင် ပရီးမီးယားလိဂ်အသင်းများ၏ အပြောင်းအရွှေ့အသုံးစားရိတ်မှာ ပေါင် သန်း ၈၇၀ ရှိခဲ့သည်ဟု အကြံပေးလုပ်ငန်း Deloittle က ပြောကြားခဲ့သည်။

အဆိုပါပမာဏမှာ ၂၀၁၄ ခုနှစ်က ပေါင်း ၈၃၅ သန်းထက် ၄ ရာခိုင်နှုန်း မြင့်တက်လာခြင်းဖြစ်ပြီး၊ ဇန်န၀ါရီအပြောင်းအရွှေ့တွင် အသင်းများသုံးစွဲခဲ့သည့် ပြောင်းရွှေ့ကြေး ပေါင် သန်း ၁၃၀ ကို ပေါင်းထည့်ပါက ယခုနှစ်အတွင်း အပြောင်းအရွှေ့အသုံးစားရိတ် စုစုပေါင်းမှာ ပေါင် ၁ ဘီလီယံအထိ ရှိခဲ့သည်။ ထိုပမာဏမှာ ပရီးမီးယားလိဂ်တွင် ပြက္ခဒိန်တစ်နှစ်အတွင်း ပြောင်းရွှေ့ကြေးပမာဏ စံချိန်သစ်တစ်ခုလည်း ဖြစ်ခဲ့သည်။

Deloitte မှ အားကစားစီးပွားရေးဆိုင်ရာ အကြီးတန်းမန်နေဂျာဖြစ်သူ အဲလက်စ် သော်ပီက

“ပရီးမီးယားလိဂ် အသင်း ၂၀ စလုံးဟာ တစ်ကမ္ဘာလုံးက အမြတ်အစွန်းရခဲ့တဲ့ ကလပ်အသင်းတွေရဲ့ ထိပ်ဆုံး ၄၀ အတွင်းမှာ ရှိနေပါတယ်။ ပြီးတော့ သူတို့တွေဟာ နိုင်ငံတကာက ပါရမီရှိ ကစားသမားတွေအတွက် ဈေးကွက်မှာ အောင်မြင်စွာ ယှဉ်ပြိုင်နိုင်တာကိုလည်း ကျွန်တော်တို့ တွေ့ရပါတယ်” ဟု ပြောကြားခဲ့သည်။

မန်စီးတီးအသင်းမှာ နွေရာသီအပြောင်းအရွှေ့တွင် စံချိန်တင် ပြောင်းရွှေ့ကြေး သုံးစွဲခဲ့သည့်အသင်း ဖြစ်ခဲ့ပြီး၊ စတာလင်၊ အော့တာမန်ဒီ၊ ဒီဘရူနီတို့အား ခေါ်ယူခဲ့ရာတွင် ပေါင် သန်း ၁၆၀ ခန့် အသုံးပြုခဲ့သည်။

သော်ပီကမူ နွေရာသီအပြောင်းအရွှေ့တွင် ပရီးမီးယားလိဂ် ကလပ်အသင်းများ၏ နိုင်ငံခြားအသင်းများမှ ကစားသမားများအတွက် အသုံးပြုမှုမှာ ပေါင် သန်း ၅၀၀ ကျော်ရှိသည်ဟု ဆိုသည်။

“ဥရောပတစ်လွှားကိုကြည့်ရင်၊ ပရီးမီးယားလိဂ်ကလပ်အသင်းတွေရဲ့ ဒီနွေရာသီအတွင်း အသားတင်သုံးစွဲမှုဟာ ဥရောပက အခြားသောလိဂ်တွေထက် ၂ ဆကျော်လောက် ရှိပါတယ်။ ဒါရဲ့ နောက်ကွယ်အကြောင်းအရင်းကတော့ ပရီးမီးယားလိဂ်ရဲ့ ရုပ်သံလွှင့်ခွင့်လုပ်ငန်း တိုးတက်ပြီး ပြန့်နှံ့လာမှုကြောင့် ဖြစ်ပါတယ်”

ချန်ပီယံလိဂ်တွင် ပါဝင်ယှဉ်ပြိုင်ခွင့်ရထားသည့် ပရီးမီးယားလိဂ်မှ မန်စီးတီး၊ မန်ယူ၊ ချယ်ဆီးနှင့် အာဆင်နယ်တို့၏ စုစုပေါင်း ပြောင်းရွှေ့ကြေးသုံးစွဲမှုမှာ ပေါင်း သန်း ၃၄၀ ရှိခဲ့ပြီး ပရီးမီးယားလိဂ်အသင်းများအားလုံး သုံးစွဲမှု၏ ၄၀ ရာခိုင်နှုန်း ရှိနေသည်။

ပရီးမီးယားလိဂ်ပြီးနောက် နွေရာသီဈေးကွက်တွင် ပြောင်းရွှေ့ကြေး ဒုတိယအများဆုံးသုံးသည့် လိဂ်မှာ စီးရီးအေဖြစ်ပြီး ပေါင်း ၄၀၅ သန်းရှိခဲ့ကာ၊ လာလီဂါက သန်း ၄၀၀ ရှိသည်။ ဘွန်ဒစ်လီဂါနှင့် ပြင်သစ်လီဂူးတို့မှာ ပေါင် သန်း ၂၉၀နှင့် ၂၂၀ အသီးသီး ရှိနေကြသည်။

Ref: Goal