ကမ္ဘာလုံးဆိုင်ရာ အစ္စလာမ့် စီးပွားရေး ထိပ်သီး အစည်းအဝေး GIES 2015 ဒူဘိုင်းမှာ ကျင်းပမည်

စက်တင်ဘာ ၃ ၊ ၂၀၁၅
M-Media

– ၂၀၁၅ ခုနှစ် ကမ္ဘာလုံးဆိုင်ရာ အစ္စလာမ့်စီးပွားရေး ထိပ်သီးအစည်းအဝေး GIES 2015 ကို ယူအေအီးနိုင်ငံ ဒူဘိုင်းရှိ အစ္စလာမ့်စီးပွားရေးဖွံ့ဖြိုးတိုးတက်မှုစင်တာ DIEDC တွင် အောက်တိုဘာ ၅ ရက်နေ့နှင့် ၆ ရက်နေ့များတွင် ကျင်းပရန် စီစဉ်ထားပြီး ပေါ်လစီရေးဆွဲသူ၊ အတွေးအခေါ်ပညာရှင်များနှင့် စီးပွားရေးလုပ်ငန်းရှင် ၂၀၀၀ ကျော် လာရောက်မည်ဟု ခန့်မှန်းထားသည်။

အဆိုပါ ထိပ်သီးအစည်းအဝေးကို ၂၀၁၃ ခုနှစ်ကတည်းက စတင်ကျင်းပခဲ့ခြင်းဖြစ်ပြီး ယခုနှစ်အစည်းအဝေး၌ ကမ္ဘာတစ်ဝှမ်း တိုးတက်လာသော အစ္စလာမ့်စီးပွားရေး အခွင့်အလမ်းများအပေါ် အမိအရ ဆုပ်ကိုင်နိုင်ရန် မူဝါဒ လမ်းစဉ် ချမှတ်သွားမည်ဖြစ်သည်။ GIES 2015 ထိပ်သီး အစည်းအဝေးကို ဒူဘိုင်း ကုန်သည်ကြီးများအသင်း၊ ဒူဘိုင်းအစ္စလာမ့် စီးပွားရေးဖွံ့ဖြိုး တိုးတက်ရေးစင်တာနှင့် Thomson Reuters အဖွဲ့တို့က ပူးပေါင်းစီစဉ်ကျင်းပခြင်း ဖြစ်သည်။

အဆိုပါ ထိပ်သီးအစည်းအဝေးတွင် နိုင်ငံတကာမှ ပညာရှင် ၆၀ ကျော်က ကဏ္ဍ ၁၅ ခုအတွက် ဟောပြောတင်ပြမှုများ ပြုလုပ် သွားမည်ဖြစ်ပြီး အစ္စလာမ့်ဘဏ္ဍာရေး၊ ဟာလာလ် လုပ်ငန်း၊ မိသားစု ခရီးသွားလုပ်ငန်း၊ အစ္စလာမ့်အသိပညာ၊ အစ္စလာမ့်အနုပညာနှင့် ဒီဇိုင်း၊ အစ္စလာမ့်ဒစ်ဂျစ်တယ်စီးပွားရေးနှင့် အစ္စလာမ့်စံနှုန်းများ စသည့် အစ္စလာမ့် စီးပွားရေး ကဏ္ဍအတွင်းရှိ အဓိက မဏ္ဍိုင် ၇ ခုနှင့်ပတ်သက်၍ ပြည့်စုံသည့် ရှင်းလင်းမှုများကိုလည်း ပြုလုပ်ပေးသွားမည်ဖြစ်သည်။

၂၀၁၃ ခုနှစ်တွင် ပြုလုပ်ခဲ့သော အစည်းအဝေးတွင်လည်း အနာဂတ် အစ္စလာမ့်စီးပွားရေး အလားအလာကို ရှေးရှုကာ အဆိုပါကဏ္ဍများ အကြောင်းကို မျှဝေခဲ့ကြပြီး၊ ပြီးခဲ့သည့်နှစ်က ပြုလုပ်ခဲ့သည့် အစည်းအဝေးမှ တွေ့ရှိချက်များမှာ ယခုနှစ် အစည်းအဝေး အတွက် ပြင်ဆင်မှုတွင် အထောက်အကူ ဖြစ်စေခဲ့သည်။ GIES 2015 မှာ ပြီးခဲ့သည့် နှစ်များအတွင်း တွေ့ခဲ့ရသည့် ယူဆက်ချက်များကို ပြန်လည် သုံးသပ်ရန်နှင့် အစ္စလာမ့်စီးပွားရေးနှင့် ၀န်ဆောင်မှုလုပ်ငန်းများတွင် ကမ္ဘာတစ်ဝှမ်းမှ ပါဝင်ဆောင်ရွက်နေသူများ၏ လိုအပ်ချက်များကို ဖြေရှင်းရန် ရည်ရွယ်ထားသည်။

အဆိုပါအစည်းအဝေးတွင် Dubai Silicon Oasis Authority နှင့် ပူးပေါင်းကျင်းပသော စီးပွားရေး ဆန်းသစ်မှုပြိုင်ပွဲ  Innovation 4 Impact မှ ဆုရရှိသူများကိုလည်း ကြေညာသွားမည်ဖြစ်သည်။ အရှေ့အလယ်ပိုင်း အပြင်ဘက်တွင် လူကြိုက်များမှု မြင့်တက်လာသည့် အစ္စလာမ့် အနုပညာနှင့် ဖက်ရှင်ကိုလည်း ပြပွဲတစ်ခုပြုလုပ်ကာ ဖော်ပြသွားမည်ဖြစ်သည်။

ထို့ပြင် ယခင်နှစ်များက ပြုလုပ်ခဲ့သည်အတိုင်း အစ္စလာမ့်နိုင်ငံများအကြား ကုန်သွယ်ရေးနှင့် ရင်းနှီးမြှုပ်နှံမှုများ တိုးမြှင့်ရန်အတွက် အဓိက ကဏ္ဍ ၈ ခုနှင့် ဆက်နွယ်သည့် အတွေးအခေါ်နှင့် ဆောင်ရွက်မှုများအတွက်  အစ္စလာမ့်စီးပွားရေးထူးချွန်ဆုကိုလည်း ချီးမြှင့်သွားမည် ဖြစ်သည်။

“အစ္စလာမ့်စီးပွားရေး တိုးတက်ဖို့ ဒူဘိုင်းဟာ အဓိကနေရာကနေ ပါဝင်ခဲ့ပါတယ်။ ကျွန်တော်တို့ဟာ ထိပ်တန်းစီးပွားရေးသမားတွေ၊ လူငယ်စီးပွားရေးသမားတွေကို ဖိတ်ထားကာ ဒီလုပ်ငန်းကို ဆက်လက်ပြီးကောင်းကောင်းမွန်မွန် ပုံပေါ်လာနိုင်မယ့် သူတို့ရဲ့ အတွေးအခေါ်တွေ၊ သဘောတရားတွေကို ကြားရမှာပါ” ဟု ဒူဘိုင်းကုန်သည်ကြီးများအသင်းမှ ဥက္ကဌဖြစ်သူ အိခ်ျအီး မဂျစ် ဆအစ်ဖ် အလ် ဂူရာအီရ်က ပြောကြားခဲ့သည်။

ဒူဘိုင်းအစ္စလာမ့်စီးပွားရေး ဖွံ့ဖြိုးတိုးတက်မှုစင်တာမှ စီအီးအိုဖြစ်သူ အဘ်ဒူလာ မိုဟာမက် အလ် အ၀ါရ်ကလည်း

“အစ္စလာမ့်စီးပွားရေး ထူးထူးခြားခြားတိုးတက်မှုကို ကျောထောက်နောက်ခံဖြစ်စေတဲ့ ကျယ်ပြန့်တဲ့ကဏ္ဍတွေကို အာရုံစိုက်မှုနဲ့ ဒီစီးပွားရေးရဲ့ အခြေအနေအားလုံကို ဒီအစည်းအဝေးမှာ ဖော်ပြသွားဖို့ ကျွန်တော်တို့ စီးစဉ်ထားပါတယ်” ဟု ပြောကြားခဲ့သည်။

Thomson Reuters မှ မန်းနေးဂျင်းဒါရိုက်တာ နဒင်းမ်ကမူ “GIES 2015 မှာ အစ္စလာမ့်စီးပွားရေးဟာ ကမ္ဘာ့အဆင့်မှာ ဘယ်လို မြင့်မားတဲ့ တိုးတက်မှုတွေ ရှိလဲဆိုတာကို ရှာဖွေတွေ့ရှိကြမယ့် ကိုယ်စားလှယ်တွေ အတွက် ၂ ရက် အစီအစဉ်တွေကို ကျွန်တော်တို့ စီစဉ်ထားပါတယ်။ ပြီးတော့ ပုံမှန် ဘဏ်လုပ်ငန်းနဲ့ ဘဏ္ဍာရေးလုပ်ငန်း အလွန်က အလားအလာရှိတဲ့ အဖြေတွေကိုလည်း ဘယ်လို ဖော်ပြ သွားမလဲဆိုတာကိုလည်း သူတို့တွေ့မှာပါ” ဟု ပြောကြားခဲ့သည်။

ref:Aquila Style