ရာသီသစ်တွင် လီဗာပူးလ်မှာ ကံကောင်း၍ အမှတ်ရခြင်းဟု နည်းပြဟောင်းပြော

စက်တင်ဘာ ၃၊ ၂၀၁၅
M-Media

– လီဗာပူးလ်အသင်းမှာ နှစ်များစွာအတွင်း အဆိုးဆုံးအခြေအနေကို ရောက်ရှိနေသည်ဟု နည်းပြဟောင်း ဟယ်ရီရက်နပ်က ပြောကြားလိုက်ပြီး၊ ယခုရာသီအစတွင် တစ်မှတ်ထက်ပို၍ ရခြင်းမှာ ကံကောင်း၍သာဖြစ်သည်ဟု ဆိုသည်။

လီဗာပူးလ်မှာ ၂၀၁၅-၁၆ ဘောလုံးရာသီကို ခက်ခဲစွာ စတင်နေရပြီး ပထမဆုံး ၄ ပွဲတွင် စတုတ်စီးတီးနှင့် ဘုန်းမောက်တို့ကို ဂိုးနည်းနည်း ဖြင့်နိုင်ကာ၊ အာဆယ်နယ့်သရေကျပြီး၊ ၀က်စ်မ်းကို အိမ်ကွင်း၌ပင် ဂိုးပြတ်ဖြင့် ရှုံးနိမ့်ခဲ့သည်။

နည်းပြဟောင်း ရက်နပ်ကမူ လီဗာပူးလ်အား ပြင်းပြင်းထန်ထန် ဝေဖန်လိုက်ပြီး ရော်ဂျာ၏ အသင်းမှာ သာမန်အောက်ရောက်နေသည်ဟု ဆိုသည်။

“လီဗာပူးလ်ကို ကျွန်တော် လုံးဝ မကြိုက်ပါဘူး။ နှစ်များစွာအတွင်းမှာ အဆိုးဝါးဆုံး လီဗာပူးလ်အသင်းကို မြင်နေရတယ်လို့ပဲ ကျွန်တော်ထင်ပါတယ်။ သူတို့ သာမန်အောက်ပဲရှိပါတယ်။ ကံကောင်းလို့ အမှတ်ရတာပါ။ ဘုန်းမောက်က သူတို့ကို နိုင်သွားသင့်ပါတယ်။ စတုတ်နဲ့တုန်းက တော်တော်ကောင်းကောင်း ဂိုးတစ်ဂိုး သူတို့ရတယ်။ အာဆင်နယ်နဲ့ကလည်း ပထမပိုင်းမှာ ကောင်းကောင်း ကစားနိုင်ခဲ့ပါတယ်” ဟု ရက်နပ်က Telegraph Total Football Live အခမ်းအနားတွင် ယမန်နေ့က ပြောကြားခဲ့သည်။

ထို့ပြင် ရာသီကုန် လီဗာပူးလ်အသင်း၏ အခြေအနေနှင့်ပတ်သက် ၎င်းက ခန့်မှန်းခဲ့ပြီး၊ အသင်း၏မျှတမှု ပျက်ယွင်းခြင်း၊ ရော်ဂျာ၏ နည်းစနစ်ပိုင်းဆိုင်ရာတို့နှင့် ပတ်သက်၍ ဝေဖန်ရှုတ်ချခဲ့ကာ လီဗာပူးလ်အသင်းတွင် မည်သည့် လက္ခဏာမှမရှိဟု ထည့်သွင်းပြောကြားခဲ့သည်။

“သူတို့ ထိပ်ဆုံး ၅ သင်းလောက်ဝင်ပြီး ရာသီသိမ်းမယ်လို့ ကျွန်တော်ထင်ပါတယ်။ ဒီနှစ်တစ်နှစ်လုံးမှာ လီဗာပူးလ်ကို ကျွန်တော် အားမပေးပါဘူး။ ပြောရရင် သူတို့ လိဂ်မှာ ဗိုလ်စွဲကောင်း စွဲပါလိမ့်မယ်”

Ref: Goal