သားနှစ်ဦးဆုံးရှုံးရခြင်းက ဒုက္ခသည်များ အသက်စတေးရမှုတွင် နောက်ဆုံးဖြစ်စေချင်သည်ဟု ဆီးရီးယား ဖခင်ပြော

စက်တင်ဘာ ၄၊ ၂၀၁၅
M-Media

ရေနစ်သေဆုံးသွားသည့် ညီအကိုနှစ်ဦးနှင့် ဖခင် ကာဒီ

– မိမိ၏ သားငယ်များ သေဆုံးမှုက ဒုက္ခသည်များ အသက်စတေးရမှုမှ အနောက်ဆုံးအဖြစ်အပျက် ဖြစ်စေချင်ပြီး ထိုအဖြစ်အပျက်ကိုကြည့်ကာ ထိုကဲ့သို့ဖြစ်ရပ်များ နောက်ထပ်ဖြစ်ခြင်းမှ တားဆီးရေး နိုင်ငံတကာအသိုင်းအ၀ိုင်းက အာရုံစိုက်စေချင်သည်ဟု တူရကီကမ်းခြေတွင် သေဆုံးလျက် လာတင်နေသော ဆီးရီးယားကလေးငယ်၏ ဖခင်ဖြစ်သူက ပြောကြားလိုက်သည်။

အဘ်ဒူလာ ကာဒီဆိုသူဖြစ်ပြီး သားနှစ်ဦးဖြစ်သော အသက် ၃ နှစ်အရွယ်နှင့် ၅ နှစ်အရွယ် အေလန်နှင့် ဂါလစ်ပ်တို့ အလောင်းများရှိရာ ရေခဲတိုက်သို့ လာရောက်စဉ် ယမန်နေ့က ထိုကဲ့သို့ ပြောကြားလိုက်ခြင်းဖြစ်သည်။

“ကမ္ဘာကြီးရဲ့ အာရုံစိုက်မှုကို ကျွန်တော်တို့ လိုချင်ပါတယ်။ ဒါမှသာ သူတို့ဟာ အခြားလူတွေကို ဒီလိုဖြစ်ခြင်းကနေ တားဆီးနိုင်မှာပါ။ ဒါက နောက်ဆုံးပဲ ဖြစ်ပါစေဗျာ” ဟု ကာဒီက ပြောကြားခဲ့ကြောင်း Reuters သတင်းဌာနက ဖော်ပြခဲ့သည်။

ရဲတပ်ဖွဲ့မှ ထုတ်ပြန်သော ကြေညာချက်တွင် ကာဒီမှာ ၎င်းတို့၏ မိသားစုအား ဂရိသို့ခေါ်ယူရန်အတွက် လူကုန်ကူးသူများကို ငွေကြေး ၂ ဆ ပေးခဲ့ရသည်ဟု ဖော်ပြထားသည်။ ၎င်းတို့နှင့် အခြားဒုက္ခသည်များအား တင်ဆောင်လာသည့် စက်လှေမှာ တူရကီမှ ဂရိသို့သွားစဉ် တိမ်းမှောက်ခဲ့ခြင်းဖြစ်ပြီး ကာဒီမှာ သားနှစ်ဦးကို ဆုံးရုံးခဲ့ရသည်။

သားနှစ်ဦး၏ ရုပ်အလောင်းများကို တိုက်ခိုက်မှုများဖြစ်ပွားရာ ၎င်းတို့၏ဇာတိ ကိုဘိန်းမြို့၌ မြှုပ်နှံရန် ကာဒီက စီစဉ်နေသည်။

တူရကီ၏ ကျော်ကြားသည့် ကမ်းခြေတစ်ခုတွင် အေလန်၏ ရုပ်အလောင်း တင်ကျန်ရစ်သည့် ဓာတ်ပုံမှာ ဆိုရှယ်မီဒီယာများတွင် အလျင်အမြန် ပြန့်နှံ့သွားပြီး ဒုက္ခသည်များအား ပိုမိုကူညီရန်အတွက် ဥရောပခေါင်းဆောင်များအပေါ် ဖိအားများ မြင့်တက်လာခဲ့သည်။ အေလန်၏အစ်ကို အသက် ၅ နှစ်အရွယ် ဂါလစ်ပ်၏ ရုပ်အလောင်းကိုမူ အဆိုပါကမ်းခြေ၏ အခြားတစ်ဖက်တွင် တွေ့ရှိခဲ့ရသည်။

Ref: Aljazeera