အမေရိကန်တွင် စိတ်ဝေဒနာသည် အကျဉ်းသားကို သတ်ဖြတ်သည့် ထောင်ဝန်ထမ်းများကို ဖမ်းဆီး

စက်တင်ဘာ ၄၊ ၂၀၁၅
M-Media

– စိတ်ဝေဒနာခံစားနေရသည့် အကျဉ်းသားတစ်ယောက်ကို လုပ်ပိုင်ခွင့်သုံး၍ သတ်ဖြတ်ခဲ့သည့်အမှုဖြင့် အမေရိကန်ပြည်ထောင်စု ကယ်လီဖိုးနီးယားပြည်နယ် ဆန်တာကလာရာကောင်တီမှ အကျဉ်းထောင်ဝန်ထမ်း ၃ ဦးကို ဖမ်းဆီးလိုက်သည်ဟု ကောင်တီ အုပ်ချုပ်ရေးမှူးက ပြောကြားလိုက်သည်။

အဆိုပါအကျဉ်းသားမှာ ပြင်းထန်သည့်ဒဏ်ရာ အများပြားနှင့် ခန္ဓာကိုယ်တွင်း သွေးယိုစီးမှုတို့ကြောင့် သေဆုံးခဲ့ခြင်းဖြစ်ပြီး ကောင်တီအုပ်ချုပ်ရေးမှူး လော်ရီစမစ်ကမူ မိမိခံစားရသည့် စိတ်ပျက်မှုနှင့် စက်ဆုပ်မှုတို့မှာ ဖော်ပြ၍ပင်မရဟု ပြောကြားခဲ့သည်။

ထို့ပြင် ထောင်ဝန်ထမ်းများမှာ ကာကွယ်ရန် အပ်နှံခြင်းခံခဲ့ရသည့် လက်နက်မဲ့သူတစ်ဦးကို သတ်ဖြတ်ခဲ့ခြင်းဖြစ်သည်ဟု သူမက ထပ်လောင်းပြောကြားခဲ့သည်။

ဖမ်းဆီးခံခဲ့ရသည့် ထောင်အရာရှိများမှာ အသက် ၂၇ နှစ်အရွယ် ရာဖေးလ် ရော်ဒရီဂက်စ်၊ အသက် ၂၈ နှစ်အရွယ် ဂျီရီ လူဘရင်နှင့် အသက် ၂၇ နှစ်အရွယ် မက်သယူး ဖာရစ်တို့ ဖြစ်ကြပြီး လူသတ်မှု၊ တာဝန်ကိုအသုံးချ၍ လက်ရောက်ကျူးလွန်မှုနှင့် လုပ်ကြံပြောဆိုမှုတို့ဖြင့် တရားစွဲဆိုခြင်းခံထားရကာ အာမခံ မပေးခဲ့ပေ။

သေဆုံးသွားသူ အကျဉ်းသားမှာ အသက် ၃၁ နှစ်အရွယ် မိုက်ကယ် ဂျိမ်းစ် တိုင်ရီဆိုသူဖြစ်ပြီး၊ ဆန်တာကလာရာကောင်တီ၏ ဆေးဘက်ဆိုင်ရာ စစ်ဆေးသူ ဒေါက်တာ ဂျိုးဆက်ပ် အိုဟာရာကမူ တိုင်ရီ၏ သေဆုံးမှုမှာ လူသတ်မှုဖြစ်ပြီး ၎င်း ရရှိခဲ့သောဒဏ်ရာများမှာ အခြာလူတစ်ဦး သို့မဟုတ် တစ်ဦးထက်ပိုသောသူများကြောင့် ဖြစ်သည်ဟု ပြောကြားခဲ့သည်။

တိုင်ရီကို ၎င်း၏ အကျဉ်းခန်းထဲတွင် ကြာသာပတေးနေ့မနက်၌ သေဆုံးလျက်ရှိသည်ကို တွေ့ရှိခဲ့ရပြီး၊ ဗုဒ္ဓဟူးနေ့ညကတည်းက သေဆုံးခဲ့ခြင်းဖြစ်မည်ဟု ယူဆခဲ့ကြသည်။ ၎င်းမှာ စိတ်ကျန်းမာရေး မကောင်းသူများ ထားသည့်နေရာသို့ ပြောင်းရွှေ့ရန် စီစဉ်ခံထားရသူဖြစ်သည်။

Ref: RT