ဒုက္ခသည်များအတွက် အီတလီနှင့် ဂရိတို့မှ လူမနေသောကျွန်းကို ၀ယ်လိုသည်ဟု အီဂျစ်သူဌေး ပြော

စက်တင်ဘာ ၅၊ ၂၀၁၅
M-Media

– စစ်ဖြစ်ပွားသော ဒေသများမှ ဥရောပသို့ရောက်ရန် မိုင်ထောင်ပေါင်းများစွာကို စွန့်စားဖြတ်သန်းလာရသည့် ဒုက္ခသည်များအား နေရာချထားပေးရန် အီတလီ သို့မဟုတ် ဂရိမှ ကျွန်းတစ်ကျွန်းအား ၀ယ်ယူချင်သည်ဟု အီဂျစ်ဘီလီယံနာတစ်ဦးက ပြောကြားလိုက်သည်။

“ဂရိ ဒါမှမဟုတ် အီတလီက ကျွန်တော့်ကို ကျွန်းတစ်ကျွန်းရောင်းပါ။ လွတ်လပ်ရေးကြေညာပြီး ပြောင်းရွှေ့အခြေချသူတွေကို ထားမယ်။ ပြီးရင် သူတို့ရဲ့နိုင်ငံသစ် တည်ထောင်ဖို့အတွက် သူတို့ကို အလုပ်တွေပေးပါမယ်” ဟု အီဂျစ် ရုပ်သံသူဌေး နာဂစ်ဘ် ဆာဝီရစ်က Twitter စာမျက်နှာတွင် ရေးသားဖော်ပြခဲ့သည်။

ထိုသို့ပြောဆိုခြင်းမှာ စကားသက်သက် ပြောဆိုခြင်းမဟုတ်ဘဲ ဆာဝီရစ်ကမူ ၎င်းအနေဖြင့် အီတလီနှင့် ဂရိအာဏာပိုင်များကို အမှန်တစ်ကယ် ကမ်းလှမ်းမှုများ ပြုလုပ်သွားရန် အဆင်သင့်ရှိနေသည်ဟု အခိုင်အမာ ပြောကြားခဲ့သည်။

“လူမနေတဲ့ကျွန်းတွေ ခင်ဗျားတို့မှာ အများကြီးရှိပြီး ဒုက္ခသည်ထောင်ပေါင်းများစွာကို နေရာပေးနိုင်ပါတယ်” ဟု ဆာဝီရစ်က AFP သတင်းဌာနသို့ ပြောကြားခဲ့ပြီး အကောင်အထည်ဖော်နိုင်သည့် အစီအစဉ်ဖြစ်သည်ဟု ဆိုသည်။ သို့သော်လည်း ၎င်း၏ အဆိုပါစီမံကိန်းအတွက် ဥပဒေပိုင်းဆိုင်ရာ စိန်ခေါ်မှုများ ရှိနိုင်မှုကို ၎င်းက ၀န်ခံခဲ့ပြီး တရားစီရင်ရေးနှင့် အကောက်ခွန်ရေးရာ ပြဿနာတို့ဖြစ်သည်ဟု ဆိုသည်။

“အဲဒီမှာ လူတွေနေဖို့ ယာယီကယ်ဆယ်ရေးစခန်းတွေ ရှိမယ်။ အဲဒီနောက် အိမ်တွေ၊ ကျောင်းတွေ၊ တက္ကသိုလ်တွေ၊ ဆေးရုံတွေဆောက်ဖို့ လူတွေကို အလုပ်ပေးမယ်။ ပြီးရင် အခြေအနေတွေ တိုးတက်လာပြီး (သူတို့ရဲ့ ဇာတိနိုင်ငံကို) ပြန်ချင်တဲ့ ဘယ်သူမဆို၊ ပြန်လို့ရပါတယ်”

ဆာဝီရစ်မှာ ဒုက္ခသည်များနှင့် ပြောင်းရွှေ့အခြေချသူများအတွက် အီတလီနှင့် ဂရိတို့မှ ပေးအပ်သော အခြေအနေများကို ဝေဖန်ခဲ့ပြီ၊ ၎င်းစီစဉ်မည့် ကျွန်းအသစ်တွင်မူ ဒုက္ခသည်များမှာ လူသားများကဲ့သို့ ဆက်ဆံခံရမည်ဟု ထည့်သွင်းပြောကြားခဲ့သည်။ ဒုက္ခသည်များ ယခု ဆက်ဆံခံနေရခြင်းမှာ ကျွဲ၊ နွားများကဲ့သို့ဖြစ်သည်ဟု ဆိုသည်။

အီဂျစ်ဘီလီယံနာဖြစ်သော ၎င်း၏ အဆိုပါ အစီအစဉ်ကို ဆိုရှယ်မီဒီယာများတွင် အများအားဖြင့် ထောက်ခံခဲ့ကြပြီ၊ ငွေကြေး၊ ကာယ၊ ဥာဏလုပ်အားများ ထောက်ပံ့ပေးအပ်သွားမည်ဟု ကမ်းလှမ်းမှုများလည်း ရှိခဲ့သည်။

သို့သော်လည်း အချို့သူများကမူ အီတလီနှင့် ဂရိတို့ထက် အာဖရိကတွင် ကျွန်းတစ်ကျွန်းဝယ်ခြင်းက ပို၍ အဓိပ္ပါယ်ရှိမည်ဖြစ်ပြီး ဒုက္ခသည်များအား ထားရှိရန်အတွက်လည်း ပို၍ ဈေးပေါမည်ဟု ဆိုသည်။ အချို့ကလည်း အီဂျစ်နိုင်ငံရှိ သဲကန္တာရ တစ်စိတ်တစ်ပိုင်းကို ၀ယ်ကာ နေရာချထားပေးရန် အကြံပေးခဲ့ကြသည်။

Ref: RT