Islam Today အသိပညာပေး အစီအစဉ် မိုင်ယာမီကောလိပ်တွင် ဆောင်ရွက်မည်

စက်တင်ဘာ ၅၊ ၂၀၁၅
M-Media

– လူ့အဖွဲ့အစည်းအတွင်း တင်ကူးမှန်းဆမှုများနှင့် နားလည်မှုလွဲမှားခြင်းများကို တိုက်ဖျက်ရန်အတွက် အမေရိကန်ပြည်ထောင်စု မိုင်ယာမီမှ ကောလိပ်တစ်ခုမှာ မွတ်စလင်အသင်းအဖွဲ့များနှင့် ပူးပေါင်း၍ အေဗရာဟီမစ် ဘာသာတရားများအကြား တူညီမှုများကို ဟောပြောရှင်းပြသည့် အစီအစဉ်တစ်ခုကို ပြုလုပ်မည်ဖြစ်သည်။

“အခြားဘာသာတရားတွေဟာ သိပ်ပြီး ကွဲပြားမှုမရှိဘူးဆိုတာ ကျွန်တော့် ကျောင်းသားတွေကို သိစေချင်တဲ့ဆန္ဒမျိုး ကျွန်တော့်မှာ ရှိပါတယ်” ဟု Miami Dade College မှ လူသားရေးရာနှင့် လူမှုသိပ္ပံဌာနမှ ဥက္ကဌဖြစ်သူ ရန်ဒဲလ် ကုဖ်မန်က ပြောကြားခဲ့သည်။

ကုဖ်မန်မှာ ဘာသာတရားများအကြားတွင် တူညီမှုများရှိသည်ကို ကျောင်းသားများအား သိရှိစေချင်ပြီး၊ ဖလော်ရီဒါတောင်ပိုင်း မွတ်စလင်အသင်းများ မဟာမိတ်အဖွဲ့ COSMOS နှင့် ပူးပေါင်းက Islam Today ဟု အမည်ပေးထားသည့် အသိပညာပေး လှုပ်ရှားမှုတစ်ခုကို စတင်ခဲ့သည်။ အဆိုပါ အသိပညာပေး လှုပ်ရှားမှုမှာ တစ်နှစ်ခန့် ကြာမည်ဖြစ်သည်။

“ဒါဟာ မွတ်စလင်မဟုတ်သူတွေအနေနဲ့ မွတ်စလင်ဟာ ဘာလဲဆိုတာကို နားလည်ဖို့ ဆောင်ရွက်မှုပါပဲ။ လူနည်းစုတွေထဲက အများစုဟာ လူများစုတွေအကြောင်းကို နားလည်တယ်လို့ ကျွန်တော်ထင်ပါတယ်။ ကျွန်တော်စိုးရိမ်မိတာတစ်ခုက လူများစုတွေဘက်က သည်းခံမှုပါပဲ” ဟု ကုဖ်မန်ကဆိုပြီး တင်ကူးမှန်းဆမှုများနှင့် နားလည်မှုလွဲမှားခြင်းများကို တိုက်ဖျက်ရာတွင် အသိပညာပေးရေးမှာ အခိုင်မာဆုံး နည်းလမ်းများထဲမှ တစ်ခုဖြစ်သည်ဟု ယုံကြည်ကြောင်း ပြောကြားခဲ့သည်။

ဂျူး၊ ခရစ်ယာနှင့် အစ္စလာမ်ဘာသာတို့အကြား တူညီသောရင်းမြစ်များကို အာရုံစိုက်ကာ ဆောင်ရွက်မည့် အဆိုပါ Islam Today အစီအစဉ်ကို စက်တင်ဘာ ၂၉ ရက်နေ့တွင် စတင်မည်ဖြစ်ပြီး COSMOS မှ အီမာမ်တစ်ဦးဖြစ်သူ ဇာကရီယာဦးဆောင်ကာ “အီဒွလ်အသွဟာ” အကြောင်း ဆွေးနွေးသွားမည်ဖြစ်သည်။

“အံ့သြစရာ သိပ်ကောင်းပါတယ်။ ဒီပွဲတော်ဟာ ခရစ်ယာန်နဲ့ ဂျူးဘာသာတွေရဲ့ အခြေခံရင်းမြစ်တွေနဲ့ သွားတူနိုင်ပါတယ်။ တော်တော်လေးတူပါတယ်” ဟု ကုဖ်မန်က ဆိုသည်။

ထို့ပြင် ကုဖ်မန်က တစ်ခါတစ်ရံတွင် ကျောင်းသားများမှာ ၎င်းအား ချဉ်းကပ်ကာ အယူဝါဒ၊ ယဉ်ကျေးမှုနှင့် ဓလေ့ထုံးတမ်းတို့အကြောင်းကို မေးခွန်းများမေးသည်ဟု ဆိုသည်။

ကျောင်းသားများ၏ သိချင်လိုစိတ်ကို ဖြေရှင်းပေးရန် ရည်ရွယ်သည့် အဆိုပါ Islam Today အစီအစဉ်မှာ ဘာသာရေး သင်ကြားမှုများကိုသာ ဦးတည်မည်မဟုတ်ဘဲ၊ အစ္စလာမ့် အနုပညာ၊ အစားအသောက်နှင့် ယဉ်ကျေးမှုများအကြောင်းလည်း ပါဝင်မည်ဖြစ်သည်။

နားလည်မှု တည်ဆောက်ခြင်း

အဆိုပါအစီအစဉ်ကို ဘာသာပေါင်းစုံအဖွဲ့များနှင့် ပူးပေါင်းလုပ်ဆောင်ခြင်းဖြင့် လူ့အဖွဲ့အစည်းအတွင်း အစ္စလာမ်နှင့်ပတ်သက်၍ နားလည်မှု ဆောင်ကျဉ်းပေးရန် စီစဉ်ခြင်းလည်းဖြစ်သည်။

“ကောလိပ်ကျောင်းသားတွေ အစ္စလာမ်ဟာ ဘာလဲဆိုတာ နားလည်ဖို့ မွတ်စလင်လူ့အဖွဲ့အစည်းအတွက် အရေးကြီးပါတယ်။ သူတို့က မွတ်စလင်အားလုံးဟာ ကုလားအုပ်စီးပြီး၊ မုတ်ဆိတ်အရှည်ထားကြသူလို့ ထင်နေပါတယ်” ဟု COSMOS မှ ဘုတ်အဖွဲ့ဝင်တစ်ဦးဖြစ်သူ ရှဘ်ဘီရ် မော်တိုဝါလာက ပြောကြားခဲ့သည်။

Islam Today အစီအစဉ်မှာ အဆိုပါ သမရိုးကျအမြင်များကို မောင်းထုတ်နိုင်ပြီး၊ ပွင့်လင်းစွာ ဆွေးနွေးခြင်းက အစ္စလာမ်ကြောက်ရောဂါကို တိုက်ဖျက်ရန် အကူအညီဖြစ်စေမည်ဟု ၎င်းက မျှော်လင့်နေသည်။

“ခရစ်ယာန်တွေ၊ ဂျူးတွေလို မွတ်စလင်တွေဟာလည်း တူညီတဲ့ တမန်တော်တွေကို ယုံကြည်ကြတယ်ဆိုတာ (တစ်ချို့လူတွေက) မသိကြပါဘူး။ တီဗီမှာ တွေ့တွေ့နေရတဲ့ အစွန်းရောက်အုပ်စုတွေဟာ အစ္စလာ့မ်ရဲ့ စစ်မှန်တဲ့ ပုံရိပ်ကို ကိုယ်စားမပြုဘူးဆိုတာ လူတွေကို ကျွန်တော်တို့ စပြောရပါမယ်” ဟု မော်တိုဝါလာက ထည့်သွင်းပြောကြားခဲ့သည်။

COSMOS မှာ ယခုနှစ်အစောပိုင်းကလည်း Florida International University တက္ကသိုလ်တွင် ကမ္ဘာ့မွတ်စလင်ရေးရာ လေ့လာမှုစင်တာတစ်ခု ဖန်တီးရန် သဘောတူညီချက် ရရှိခဲ့သည်။

Islam Today အစီအစဉ်မှတစ်ဆင့် ကောလိပ်ကျောင်းသားများ အစ္စလာမ်နှင့်ပတ်သက်၍ ပိုမိုသိမြင်လာနိုင်မည်ဟု ကုဖ်မန်က မျှော်လင့်နေသည်။

“သိပ်ရှင်းပါတယ်။ ဘုရားသခင်ဆိုတာ အလ္လာဟ်အရှင်မြတ်ပါပဲ။ ဒီနှစ်ခုမတူဘူးလို့ လူတွေက ထင်ကြတဲ့အခါ ခြားနားတယ်ဆိုတာ ဖြစ်လာတာပါပဲ”

Ref: Onislam