ဂျာမနီသို့ ဒုက္ခသည်များ ရောက်ရှိ၊ ဂျာမန်ပြည်သူများ ကြိုဆို

စက်တင်ဘာ ၆၊ ၂၀၁၅
M-Media

– ဂျာမနီသို့ ရောက်ရှိရန် ရှိနေသည့် ဒုက္ခသည်ထောင်ပေါင်းများစွာမှ ပထမအသုတ်မှာ ဗီယင်နာမှ အထူးရထားဖြင့် ယမန်နေ့တွင် မြူးနစ်မြို့သို့ ရောက်ရှိလာခဲ့ပြီး ဂျာမန်ပြည်သူများကလည်း ကြိုဆိုခဲ့ကြသည်ဟု သိရသည်။

ဒေသစံတော်ချိန် ယမန်နေ့မနက် စောစောပိုင်းက ရောက်ရှိလာခြင်းဖြစ်ပြီး လူပေါင်း ၁၆၀၀ ၀န်းကျင်ခန့် ပါဝင်ကာ လွန်ခဲ့သည့် ရက်အနည်းငယ်က ဟန်ဂေရီတွင် ပိတ်မိနေသူများဖြစ်သည်။ ယမန်နေ့ တစ်နေ့တည်းတွင် ဒုက္ခသည် ၃၀၀၀ ခန့် ရောက်ရှိမည်ဟု မျှော်လင့်ထားသည်။

အဆိုပါဒုက္ခသည်များကို မြူးနစ်မြို့ရှိ စင်တာတစ်ခုတွင် နေရာချထားပေးထားပြီး စာရင်းသွင်းမှုများ ပြုလုပ်မည်ဖြစ်ကာ လာမည့်ရက်များတွင် နိုင်ငံတစ်ဝှမ်းရှိ ယာယီကယ်ဆယ်ရေးစခန်းများသို့ ပို့ဆောင်သွားမည်ဖြစ်သည်။

ဒုက္ခသည်အများစုမှာ အ၀တ်တစ်ထည် ကိုယ်တစ်ခုဖြင့် ဂျာမနီသို့ ရောက်ရှိလာခြင်းဖြစ်ပြီး၊ စိတ်သက်သာရာရနေကာ ဂျာမန်ပြည်သူများကလည်း နွေးထွေးစွာ ကြိုဆိုခဲ့ကြသည်။ ထို့ပြင် ဒုက္ခသည် ကလေးငယ်များကိုလည်း အရုပ်များ၊ ၀က်ဝံရုပ်များကို ပေးခဲ့ကြသည်။

ဆီးရီးယားမှ အများစုဖြစ်ပြီး ဟန်ဂေရီနယ်စပ်တွင် ပိတ်မိနေခဲ့သည့် ဒုက္ခသည်များမှ မသန်စွမ်းသူများ၊ အမျိုးသမီးများနှင့် ကလေးငယ်များကို ဟန်ဂေရီအစိုးရက ဘတ်စ်ကားများဖြင့် သြစတြီးယားနယ်စပ်သို့ ပို့ဆောင်ပေးခဲ့သည်။

ကျန်ဒုက္ခသည်များမှာ ဟန်ဂေရီရှိ အဝေးပြေးလမ်းမတစ်လျှောက် လမ်းလျှောက်ကာ သြစတြီးယားသို့ သွားရောက်ခဲ့ကြသည်။ ထို့နောက် ဗီယင်နာသို့ ရထားဖြင့် ပို့ဆောင်ပေးကာ ထိုမှတစ်ဆင့် ဂျာမနီသို့ ရောက်ရှိလာခြင်းဖြစ်သည်။

အဆိုပါဒုက္ခသည်များကို ဂျာမနီနှင့် သြစတြီးယားတို့က ခွဲဝေလက်ခံသွားမည်ဖြစ်ပြီး ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR ကလည်း ထိုနှစ်နိုင်ငံမှာ “လူသားချင်းစာနာ ထောက်ထားမှုဆိုင်ရာ တန်ဖိုးကို အခြေခံသော နိုင်ငံရေးခေါင်းဆောင်မှု” ရှိသည်ဟု ချီးကျူးခဲ့သည်။

ဒုက္ခသည်များကို ကြိုဆို

သြစတြီးယားသို့ ရောက်ရှိလာသည့် ဒုက္ခသည်များကို အကူအညီပေးရေးဝန်ထမ်းများက ရေများ၊ အသီးအနှများ ပေးအပ်ခဲ့ကြပြီး၊ သြစတြီးယားပြည်သူများကလည်း “ဒုက္ခသည်များကို ကြိုဆိုပါ၏” ဟူသော ဆိုင်းဘုတ်များကို ကိုင်ဆောင်ကာ ကြိုဆိုခဲ့ကြသည်။

ဥရောပ နိုင်ငံခြားရေးဝန်ကြီးများနှင့် တာဝန်ရှိသူများမှာ ယမန်နေ့က လူဇင်ဘတ်တွင် တွေ့ဆုံခဲ့ကြပြီး ဒုက္ခသည်အရေးကို ဆွေးနွေးခဲ့ကြသည်။ ဥရောပ ကော်မရှင်မှာ လာမည့်သီတင်းပတ်တွင် တွေ့ဆုံရန် ရှိနေပြီး ဟန်ဂေရီ၊ ဂရိနှင့် အီတလီနိုင်ငံတို့မှ ဒုက္ခသည်များကို သတ်မှတ်ထားသည့် အရေအတွက်အရ ဥရောပနိုင်ငံများက နေရာချထားပေးရေးလုပ်ငန်းစဉ်ကို တိုးချဲ့ဆောင်ရွက်ရန် ဆွေးနွေးသွားမည်ဖြစ်သည်။

ယခုနှစ်အတွင်း ဂျာမနီမှာ ဒုက္ခသည် ၈ သိန်းခန့်ကို လက်ခံရန် မျှော်လင့်ထားပြီး ဂျာမနီဝန်ကြီးချုပ် အိန်ဂျလာမာကဲလ်က မိမိအနေဖြင့် နိုင်ငံ၏ ဘက်ဂျက်ကို ချန်ညှိရန် ရည်ရွယ်နေသည်ဟု ယမန်နေ့တွင် ပြောကြားခဲ့သည်။

Ref: Aljazeera