အရန်ခုံတွင် ထိုင်ရသည့်အတွက် ဘရာဇီးလ်နည်းပြအား နေးမာ သတိပေး

စက်တင်ဘာ ၆၊ ၂၀၁၅
M-Media

– မိမိအနေဖြင့် ဘရာဇီးလ်အသင်းတွင် အရန်ခုံ၌ ထိုင်ရသည်ကို လက်ခံသွားမည်မဟုတ်ဟု ဘရာဇီးလ်တိုက်စစ်မှူး နေးမာက နည်းပြ ဒွန်ဂါအား သတိပေး ပြောကြားလိုက်သည်။

ယမန်နေ့က ကစားခဲ့ပြီး ကော်စတာရီကာအသင်းအား ၁ ဂိုး ဂိုးမရှိဖြင့် အနိုင်ရရှိခဲ့သည့် ခြေစမ်းပွဲတွင် နေးမာမှာ ပွဲပြီးကာနီး ၁၀ မိနစ်အလိုမှ လူစားဝင်ကစားခွင့် ရရှိခဲ့သည်။ နေးမာမှာ မကြာခင်ကမှ အာစေးရောင်သည့် ရောဂါ ပျောက်ကင်းခဲ့သူဖြစ်ပြီး၊ ကြာသာပတေးနေ့က အသင်းဖော်များနှင့် လေ့ကျင့်နေစဉ်အတွင်း ခြေထောက်ထိသွားသည်ဟု ဆိုသည်။

နေးမာကမူ အရန်ခုံတွင် ထိုင်နေရသည့် အနေအထားကို လက်မခံနိုင်ဟု ပြောကြားခဲ့သည်။

“အရန်ခုံမှာ ထိုင်နေရတာဟာ ကျွန်တော် အလေ့အထမရှိတဲ့ အရာတစ်ခုပါ။ ဒါမျိုးအလေ့အထကိုလည်း ကျွန်တော် မလိုလားပါဘူး။ ကျွန်တော် ကစားချင်တယ်။ ပြီးတော့ ပွဲထွက် ၁၁ ယောက်မှာပါဖို့ ကျွန်တော်ဟာ အမြဲတမ်း ကြိုးစားနေပါတယ်” ဟု နေးမာက BSPN Brasil သို့ ပြောကြားခဲ့သည်။

ဘရာဇီးလ်မှာ လာမည့်အင်္ဂါနေ့တွင် အမေရိကန်အသင်းနှင့် ကစားမည်ဖြစ်သည်။ နေးမာမှာ ၂၀၁၄ ဘရာဇီးလ် ကမ္ဘာ့ဖလားတွင် ထင်ရှားသည့် ကစားသမား ဖြစ်သော်လည်း ဒဏ်ရာအနာတရဖြင့် အဆုံးသတ်ခဲ့သည်။

Ref: Goal