မြန်မာနိုင်ငံအား ရေဘေးအကူအညီပေးရန်နှင့် ရွေးကောက်ပွဲစောင့်ကြည့်ရေးအဖွဲ့ စေလွှတ်ရန် ဂျပန် ဆုံးဖြတ်

စက်တင်ဘာ ၈၊ ၂၀၁၅
M-Media

– မြန်မာနိုင်ငံတစ်ဝှမ်း ဆိုးရွားသော ရေကြီးမှုကြောင့် ဖြစ်ပွားခဲ့သည့် ပျက်ဆီးဆုံးရှုံးမှုများအတွက် ပြည်လည်ထူထောင်ရေး လုပ်ငန်းများ ဆောင်ရွက်ရေးအတွက် ဂျပန်ယန်း ၉ ဘီလီယံ (ကန်ဒေါ်လာ ၇၅.၄ သန်း) ထောက်ပံ့ပေးသွားရန်နှင့် နိုဝင်ဘာတွင် ကျင်းပပြုလုပ်မည့် ရွေးကောက်ပွဲတွင် စောင့်ကြည့်ရေးအဖွဲ့ စေလွှတ်ရန် ဂျပန်နိုင်ငံက ယနေ့တွင် ဆုံးဖြတ်ခဲ့သည်ဟု သိရသည်။

အဆိုပါငွေကြေးများကို ရေကြီးမှုကြောင့် ပျက်ဆီးသွားခဲ့သည့် လမ်းများအပါအ၀င် အခြေခံအဆောက်အဦးများ ပြန်လည်တည်ဆောက်ရေးတွင် အကူအညီဖြစ်စေရန် ပေးအပ်ခြင်းဖြစ်သည်ဟု ဂျပန်နိုင်ငံခြားရေးဝန်ကြီးဌာန တာဝန်ရှိသူများက ပြောကြားခဲ့သည်။

နိုင်ငံခြားရေးဝန်ကြီး ဖူမီယို ကီရှီဒါကမူ စာသင်ကျောင်းများ ဆောက်လုပ်ရန်နှင့် အခြားထောက်ပံ့မှုများ ပြုလုပ်ရေးအတွက် ကူညီပေးရန် မြန်မာအစိုးရ၏ ပန်ကြားမှုကို ဖြည့်ဆည်းပေးသည့်အနေဖြင့် ဂျပန်နိုင်ငံမှာ နောက်ထပ် ယန်း ၅ ဘီလီယံခန့် ကူညီပေးသွားမည်ဟု သတင်းစာရှင်းလင်းပွဲတွင် ပြောကြားခဲ့သည်။

အဆိုပါ ထပ်ဆောင်းကူညီမှုကို သီးသန့်သတ်မှတ်ချက် သို့မဟုတ် အခြားသော ပုံစံမျိုးဖြင့် ပေးအပ်ရမည်လားဆိုသည်ကို မဆုံးဖြတ်ရသေးဟု ဆိုသည်။

မြန်မာနိုင်ငံတစ်ဝှမ်း ရေကြီးမှုကြောင့် သြဂုတ်လနှောင်ပိုင်းအထိ သေဆုံးသူမှာ ၁၁၇ ဦးရှိခဲ့ပြီး လူဦးရေ ၁.၆ သန်းခန့်မှာ ရေဘေးသင့်ခဲ့သည်ဟု အစိုးရ၏ ထုတ်ပြန်မှုအရ သိရသည်။

ရွေးကောက်ပွဲအား ဂျပန်နိုင်ငံမှ ပံ့ပိုးပေးရန်နှင့် ပတ်သက်၍ မစ္စတာ ကီရှီဒါက မိမိတို့မှာ မြန်မာနိုင်ငံအတွင်း အမျိုးသားပြန်လည်ရင်ကြားစေ့ရေး ဂျပန်အထူးကိုယ်စားလှယ် ယိုဟီ ဆာဆာကာဝါ ခေါင်းဆောင်သည့် လေ့လာစောင့်ကြည့်ရေးအဖွဲ့ကို စေလွှတ်မည်ဟု ပြောကြားခဲ့သည်။ အဆိုပါစောင့်ကြည့်ရေးအဖွဲ့မှာ အဖွဲ့ဝင် ၁၀ ဦး ပါဝင်မည်ဖြစ်ပြီး နိုဝင်ဘာလ အစောပိုင်းတွင် စေလွှတ်မည်ဖြစ်သည်။

“ရွေးကောက်ပွဲကို လွတ်လပ်ပြီး၊ တရားမျှတတဲ့ ရွေးကောက်ပွဲဖြစ်ဖို့အတွက် ကျွန်တော်တို့ ပံ့ပိုးပေးသွားမှာပါ” ဟု မစ္စတာ ကီရှီဒါက ထည့်သွင်းပြောကြားခဲ့သည်။

မြန်မာနိုင်ငံ၏ ရွေးကောက်ပွဲကို အောင်မြင်စွာ ကျင်းပနိုင်ပြီး ဒီမိုကရေစီကျင့်သုံးရေး ကြိုးပမ်းမှုတွင် ပိုမိုတိုးတက်အောင် ဆောင်ရွက်နိုင်ရန် ဂျပန်နိုင်ငံက မျှော်လင့်သည်ဟု နိုင်ငံခြားရေး ၀န်ကြီးဌာနက ထည့်သွင်းပြောကြားခဲ့သည်။

Ref: Bangok Post