တိုက်စစ်မှူးရူနီ အင်္ဂလန်ဂိုးသွင်းစံချိန်သစ် တင်ပြီ

စက်တင်ဘာ ၉၊ ၂၀၁၅
M-Media

– အင်္ဂလန်ဘောလုံးသမိုင်းတွင် မှတ်တိုင်သစ် စိုက်ထူနိုင်ရန် အခွင့်အရေး ပေးခဲ့သည့်အတွက် နည်းပြရွိုင်ဟဒ်ဆန်အား တိုက်စစ်မှူး ၀ိန်းရူနီက ချီးကျူးပြောဆိုလိုက်သည်။

ရူနီမှာ စနေနေ့က ဆန်မာရီနိုအား ၆ ဂိုးပြတ်ဖြင့် အနိုင်ရခဲ့သည့် ယူရိုခြေစစ်ပွဲတွင် တစ်ဂိုးသွင်းယူကာ အင်္ဂလန်ဂန္တ၀င်ကစားစား ဆာ ဘော်ဘီချာလ်တန်၏ ဂိုးသွင်းစံချိန် ၄၉ ဂိုးနှင့် တူညီခဲ့သည်။

ယနေ့မနက်က ဆွစ်ဇာလန်အား ၂ ဂိုး ဂိုးမရှိဖြင့် အနိုင်ရခဲ့သည့်ပွဲတွင်လည်း ဒုတိယပိုင်း၌ ပင်နယ်တီမှတစ်ဆင့် တစ်ဂိုးသွင်းယူပေးခဲ့ပြီး စုစုပေါင်း သွင်းဂိုး ၅၀ ဖြင့် ရူနီမှာ အင်္ဂလန်ဘောလုံးသမိုင်းတွင် သွင်းဂိုးအများဆုံး ကစားသမားအဖြစ် သမိုင်းမှတ်တိုင်သစ် စိုက်ထူနိုင်ခဲ့သည်။

ပွဲအပြီးအတွင် အင်္ဂလန်အသင်းခေါင်းဆောင် ရူနီက ၎င်း စံချိန်တင်နိုင်ရန်အတွက် ကူညီပေးခဲ့သည့် နည်းပြ ဟဒ်ဆန်အား ချီးကျူးခဲ့ပြီး စံချိန်တင်နိုင်ခဲ့သည့်အတွက်လည်း ပျော်ရွှင်မိသည်ဟု ဆိုသည်။

“ရွိုင်ရောက်လာကတည်းက ကျွန်တော်ဟာ သူ့လက်အောက်မှာ ဂိုးတွေအများကြီး သွင်းနိုင်ခဲ့ပါတယ်။ ကျွန်တော် ကြိုက်နှစ်သက်သလို လွတ်လွတ်လပ်လပ် ကစားခွင့်ပေးခဲ့တဲ့အတွက်လည်း သူ့ကို ကျေးဇူးတင်ပါတယ်။ (အင်္ဂလန်ရဲ့ ထိပ်တန်းဂိုးသွင်းရှင်ဖြစ်ရတာ) တော်တော်လေး ကျေနပ်မိပါတယ်။ ကျွန်တော်ဟာ ဒီစံချိန်နဲ့ နီးကပ်နေပြီဆိုတာကို ပြီးခဲ့တဲ့ ပွဲအနည်းငယ်ကတည်းက သိခဲ့ပါတယ်။
နောက်ဆုံးတော့ အိပ်မက်တွေ အမှန်တစ်ကယ် ဖြစ်လာပြီပေါ့ဗျာ” ဟု ရူနီက ITV Sport သို့ ပြောကြားခဲ့သည်။

မန်ယူနှင့် အင်္ဂလန်တို့၏ ဂန္တ၀င်ကစားသမားဖြစ်သူ ဘော်ဘီချာလ်တန်ကလည်း ရူနီအား ချီးကျူးခဲ့ပြီး၊ ကလပ်အသင်းနှင့် နိုင်ငံအသင်းတို့အတွက် ဂိုးများ ဆက်လက်သွင်းယူသွားနိုင်မည်ဟု ပြောကြားခဲ့သည်။

“အင်္ဂလန်ရဲ့ ထိပ်တန်းဂိုးသွင်းရှင် ဖြစ်လာတဲ့အတွက် ကျွန်တော် ရူနီကို ဂုဏ်ပြုချင်ပါတယ်။ ဒီမှတ်တမ်းကို ရူနီဟာ အချိန်အတော်ကြာ ထိန်းထားနိုင်လိမ့်မယ်ဆိုတာကိုလည်း ကျွန်တော် အသေအချာ ပြောရဲပါတယ်။ အနာဂတ်မှာလည်း သူဟာ ကလပ်အသင်းနဲ့ နိုင်ငံအသင်းတို့အတွက် ဂိုးတွေ ဆက်သွင်းနေမှာပါပဲ” ဟု ချာလ်တန်က မန်ယူ၏ ၀ဘ်ဆိုက်သို့ ပြောကြားခဲ့သည်။

ထို့ပြင် မိမိအနေဖြင့် စံချိန်ကို အချိန်ကြာကြာ ထိန်းမထားနိုင်ခြင်းအတွက်လည်း အနည်းငယ် စိတ်ပျက်မိသည်ဟု ၎င်းက ထည့်သွင်းပြောကြားခဲ့သည်။

Ref: Goal