ဒုက္ခသည်များကို လက်ခံရေး ဥရောပပြည်သူများ တောင်းဆို

စက်တင်ဘာ ၁၃၊ ၂၀၁၅
M-Media

– စစ်ဘေးစစ်ဒဏ်ကြောင့် ဥရောပသို့ ပြောင်းရွှေ့လာခဲ့ရသည့် ဒုက္ခသည်များအပေါ် အစိုးရ၏ သဘောထားကို မကျေနပ်သည့်အတွက် ဒိန်းမတ်နှင့် ယူကေတို့တွင် ပြည်သူများက ဆန္ဒပြကာ ဒုက္ခသည်များအား ပိုမိုလက်ခံရေး တောင်းဆိုခဲ့ကြပြီး ဂျာမနီ၊ စပိန်၊ ပြင်သစ်နှင့် အခြား ဥရောပနိုင်ငံများတွင်လည်း ထိုကဲ့သို့ ဆန္ဒပြရန် စီစဉ်နေကြသည်ဟု သိရသည်။

ဒိန်းမတ်ပြည်သူများမှာ ယမန်နေ့က မြို့တော် ကိုပင်ဟေဂင်ရှိ ပါလီမန်အဆောက်အဦးရှေ့၌ စုရုံးခဲ့ကြပြီး “ဒုက္ခသည်များကို ကြိုဆိုပါတယ်” ဟု ကျွေးကြော်ခဲ့ကြသည်။ ရဲတပ်ဖွဲ့ကမူ အဆိုပါဆန္ဒပြမှုတွင် လူပေါင်း သုံးသောင်းခန့် ပါဝင်သည်ဟု ပြောကြားခဲ့သည်။

မိမိတို့မှာ ဒုက္ခသည်များကို ခွဲတမ်းအတိုင်း လက်ခံပြီးသွားပြီ ဖြစ်သောကြောင့် နောက်ထပ် ဒုက္ခသည် ၁၆၀၀၀၀ ကို မျှဝေယူရန် ဥရောပ သမဂ္ဂ၏ အဆိုပြုချက်ကို လက်ခံမည်မဟုတ်ဟု သောကြာနေ့က ဒိန်းမတ်အစိုးရမှ ပြောကြားခဲ့ပြီးနောက် ပြည်သူများက ယခုကဲ့သို့ ဆန္ဒပြခဲ့ခြင်းဖြစ်သည်။

ဗြိတိန်တွင်လည်း ထောင်ပေါင်းများစွာသော ပြည်သူများမှာ လန်ဒန်မြို့လယ်ကောင်၌ ချီတက်ခဲ့ကြပြီး ဆီးရီးယားဒုက္ခသည်များကို ကူညီရန် အစိုးရအား တိုက်တွန်းခဲ့ကြသည်။ ပြည်သူများမှာ လန်ဒန်မြို့လယ်ကောင်မှ ၀န်ကြီးချုပ် ဒေးဗစ်ကင်မရွန်း၏ ရုံးခန်းသို့ ချီတက်ခဲ့ကြပြီး “နယ်စပ်တွေ ဖွင့်ပေး” “ဒုက္ခသည်တွေ ၀င်ပါစေ။ တိုရီ (ကွန်ဆာဗေးတစ်) များ ထွက်သွား” စသည့် ဆိုင်းဘုတ်များကို ကိုင်ဆောင် ဝှေ့ယမ်း ခဲ့ကြသည်။

ဗြိတိန်အစိုးရမှာ စောစောပိုင်းတွင် ဒုက္ခသည်များကို လက်မခံတော့ဟု ပြောကြားခဲ့သော်လည် ပြီးခဲ့သည့် သီတင်းပတ်များက ဥရောပတွင် ဒုက္ခသည်ပြဿနာ ကြီးထွားလာခြင်းကြောင့် ဒုက္ခသည် ၂၀၀၀၀ ကို ၅ နှစ်အတွင်း ခေါ်ယူသွားမည်ဟု ကင်မရွန်းက သဘောတူညီခဲ့သည်။

ဒုက္ခသည်များအား နေရာချထားပေးရေးကို ထောက်ခံသည့် ပြည်သူများ၏ ချီတက် ဆန္ဒပြမှုများကို အိုင်ယာလန်ရှိ ဒက်ဗလင်မြို့၊ ဟန်ဂေရီရှိ ဘူဒါပတ်စ်မြို့နှင့် နယ်သာလန်ရှိ သယ်ဟေ့ဂ်မြို့များတွင် ပြုလုပ်ခဲ့ကြသည်။ ထို့ပြင် ဥရောပရှိ အခြားသော နိုင်ငံများတွင်လည်း ပြုလုပ်သွားရန် အစီအစဉ်ရှိနေသည်။

Ref: Aljazeera