နိုင်ငံတကာသတင်းတို (စက်တင်ဘာ ၁၃၊ ၂၀၁၅)

စက်တင်ဘာ ၁၃၊ ၂၀၁၅
M-Media

ဂျပန်ရေကြီးမှု သေဆုံးသူ ၅ ဦးရှိလာ
……………………………………………..
ဂျပန်နိုင်ငံတစ်ဝှမ်း ရေကြီးမှုနှင့် မြေပြိုမှုများအပြီး လေးရက်အကြာတွင် သေဆုံးသူအရေအတွက်မှာ ၅ ဦးအထိ တိုးလာခဲ့ပြီး လူပေါင်း ၅၀၀၀ ကျော်မှာ ကယ်ဆယ်ရေးစခန်းများတွင် နေထိုင်နေရဆဲဖြစ်သည်ဟု ဂျပန်အာဏာပိုင်များက ယနေ့တွင် ပြောကြားလိုက်သည်။ မြို့တော်တိုကျိုအနီးရှိ ဂျိုဆိုမြို့တွင် ပျောက်ဆုံးနေသူများမှ ၇ ဦးကို ယနေ့တွင် အသက်ရှင်လျက် တွေ့ရှိခဲ့ပြီး ၁၅ ဦးမှာ
ပျောက်ဆုံးနေဆဲဖြစ်သည်။

အက်ဆွာဗလီကို အစ္စရေး ၀င်ရောက်စီးနင်း၊ ပါလက်စတိုင်းများ ဒဏ်ရာရ
……………………………………….
အစ္စရေးက ကျူးကျော်ပိတ်ဆို့ထားသည့် ပါလက်စတိုင်းပိုင် အနောက်ဘက်ကမ်းရှိ အလ်အက်ဆွာ ဗလီဝတ်ကျောင်းတော်ကို အစ္စရေးစစ်သားများနှင့် လုံခြုံရေးအဖွဲ့များက ယနေ့မနက်တွင် ၀င်ရောက်စီးနင်းခဲ့ပြီး အင်အားသုံးခဲ့ကာ မျက်ရည်ယိုဗုံးမျာကိုလည်း အသုံးပြုခဲ့သောကြောင့် ဗလီဝတ်ကျောင်းတော်အတွင်း ၀တ်ပြုနေသူ ပါလက်စတိုင်း အများအပြား ဒဏ်ရာရခဲ့သည်။ အစ္စရေးကမူ
ကျောက်ခဲဖြင့်ပစ်ပေါက်သူများကို ၀င်ရောက်ဖမ်းဆီးခြင်းဖြစ်သည်ဟု ပြောကြားခဲ့သည်။ ပါလက်စတိုင်းပိုင်နက်ရှိ အစ္စရေး၏ တရားမ၀င်အခြေချအိမ်ယာများတွင် နေထိုင်သူ ဂျူးများကလည်း အဆိုပါ အက်ဆွာ ဗလီဝတ်ကျောင်းတော်အား တိုက်ခိုက်ခဲ့သည်ဟု မျက်မြင်သက်သေများက ပြောကြားခဲ့သည်။

အခွန်တိုးကောက်မှုအတွက် ဘင်္ဂလားဒေ့ရ်ှကျောင်းသားများ အစိုးရကို ဆန္ဒပြ
…………………………………………
ကျူရှင်လခများအတွက် အစိုးရက အခွန်တိုးကောက်မှုကို မကျေနပ်သောကြောင့် အင်ဂျင်နီယာနှင့် ဆေးတက္ကသိုလ်များမှ ကျောင်းသားများအအပါအ၀င် ဘင်္ဂလားဒေ့ရ်ှရှိ ပုဂ္ဂလိကကျောင်းများမှ ကျောင်းသား ထောင်ပေါင်းများစွာမှာ ယနေ့တွင် မြို့တော်ဒါကာ၌ ဆန္ဒပြခဲ့ကြသည်။ အစိုးရမှ ကျူရှင်လခများအတွက် အခွန်ကို ၇.၅ ရာခိုင်နှုန်း တိုးကောက်ရန် စီစဉ်ခဲ့သောကြောင့် အလယ်အလတ်လူတန်းစား မိသားစုများမှ ကျောင်းသားများမှာ အခက်တွေ့ခဲ့ရပြီး စက်တင်ဘာ ၉ ရက်နေ့မှစတင်ကာ နိုင်ငံတစ်ဝှမ်း
ဆန္ဒပြခဲ့ကြခြင်းဖြစ်သည်။

Ref: News Agencies